Hechos 20:28 - Kashinawa : Diosun Jesúswen taexun yuba bena yiniki

²⁸ Jaskaken ibubis mekekin Diosun Yushin Pepatun matu katua medabewakin ikunwainbu mekekubainxankanwen. Diosunabu jatu wakatsi ikin jawen bake yunua mawaxunkin jawen jimiwen jawenawakin medibi jatu wani jatu putama jatu uindaxunxankanwen.

Kaxinawá Bíblia (BR)

²⁸ Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 20:28 Referencias Cruzadas

Mateus 16:18

Ean mia kenakinan, mia Pedro wakin mishki kushipa keska en mia waii. Min jaska janchakin yuixuwen taexun yudabu minwendi ichapa en jatu ikunwanmaxanaii. Yuda mema mawatidubiaken Satanásan datemakin ea ikunwainbu maematidumaki, jatu nemakinan.

Marcos 13:9

Jakia matu dukun taewakin betsabun matu kupinun, iwanan, jatun mae xanen ibu anu matu iyuxankanikiki. Ja inun, ichati jiwe anuxun ekidi man jatu yusiainbu betsabun matu kusha kusha axankanikiki. Uindaxankanwen. Jakia en kakape ikunwankin man ea chibainbuwen taexun tsuabunda matu achixun xanen ibu kushipabu anu matu iyuabu jawada man yuitidu Diosun Yushin Pepatun matu yuimaxanikiki. Jaskaken jawa dateama: “¿Jadakidi yuixanpa?” ikin bebunkidi shinanyamaxankanwen, jawen Yushin Pepatun matu jaska medabewaya en yusiankidi xanen ibu betsa betsapabuki man chanixanaidan. En ana judiamaken chanima yudabu mania akeakeabu dasibibu tsuabunda en kakapekidi ea ikunwankin jatu yusinbaunxankanikiki.

Lucas 12:32

Jesúsun jawen tsumabu yusinkubainkin yuikin: —En matu mekeawen taea man en chaxuwan keskabuki. Ja inun, man ikunwainbu ichapamabiaken matun Epa Diosun jawenabu matu watan jabe matu jiwemakubainxanikiki. Jaskawen taea jawawen dateyamakanwen.

Lucas 21:34

Jaska tibi kainxanaiwen taea matun juintinin kemu betsa betsapa mekin kaneama uindaxankanwen. Jawada chakabu aki juinti kushiyamaxankanwen. Eskaidan, paeanwen inun jawada matumebi man jaska shinainwens besti dabanan iki juinti nishmayamakubainxankanwen. Man jaskai jiweabun yudabu mai jidabi anu en jatu unanti watanun ika juaya bidun medan jikitan kebenmana keskama Diosunabu man paxaxanaii.

Hechos 13:2

Janua ana xaba betsatian jabu ichatan samakekin Dios kenwainbun Diosun Yushin Pepatun jatu yuikin: —Bernabé inun Saulo daya betsa ma en jatu kenani en jatu yunukatsis ikaya jau dayatanunbun medibi jatu nichinkanwen— jatu wa

Hechos 14:23

janu ikunwainbu ichamisbu tibi anua mekenikabu jatu katutan jatube samakekin Dios dayuikin jabun Jesús ikunwainbu jau nukun Xanen Ibu Jesúsun jatu medabewakubainxanun Pablo inun Bernabén kushipa jatu yukaxunkubidanibukiaki.

Hechos 20:17

Éfeso anua ikunwainbu mekenikabu jau Mileto anu bea jau jabe janchai benunbun Pablon jawen jancha jatu kenexun bumaken

Hechos 20:29

—Jamen betsadan, en ma kainkainiken kaman inu puben keskabu bexun chaxuwan xukua yamawamis keska wakin ikunwainbu chaxuwan keska achixun tenankin yamawanun ika imisbu keska bexankanikiki.

Romanos 16:16

Jaska inun, Jesús chibainbu dasibibu tibi jatuki nukutan jatu dananma yuka iki jatube ikukunankubainxankanwen. Jaska inun, na nenu jiweabu Jesucristo chibainbu ichati jiwe tibi anuabun jabun janchadi matu bumakanikiki, Diosun jau matu dasibi duawakubainunan.

1 Coríntios 1:2

Diosun katua Corinto maewanu man jiweabu Jesucristo matu mawaxunkin medibi wakin matu pepawaniwen taexun Diosun jatudi katua nukun Xanen Ibu Jesucristo jabun chibanmisbu dasibibubetan man ikunwainbu ichamisbu tibi anu en matu kene bumai uinbaunxankanwen.

1 Coríntios 10:32

Jaska jamapai tibi akin jawada danainbu jatun bedubi akin jatu uinmachakayamakanwen, judiobu kasmai judiobuma kasmai ikunwain betsabu jiweabudan.

1 Coríntios 11:22

Matun jiwe anu piti jayamaken ikaskin bebunkidi yaniwakatsi ikama ja piti bawabidan bexun dabukun jatu paxkaxunkin inankatsis ikama yaushikin jawaida keyukin ikunwainbu betsan piti eskadabes beabu jatu dakewakin Jesús ikunwainbu dabinwankin Jesús nuku mawaxuni shinanmati piti pinun ikaibu man jatu dakewaibu matukidi yui benimakin en matu kenwantidumaki.

Gálatas 1:13

Jaskati dabanen en Israelin babawen taexun judiobun beya dasibi chibankubainkin Jesús ikunwainbu badi betsatian en jatu ichakajaidawakin en jatu yamawakin keyukatsis ikai man ekidi ninkanibuki.

Efésios 1:14

Diosun jawen Yushin Pepa matu inankin jaska bebunkidi matu yubakin nai anu jabe matu jiwemakatsi matuki tanani jawen unanti man ma jayaki, jawen Yushin Pepadan. Jaskaken jawatianda nuku menexunkin jawenabu nuku wanixun nuku xabakabi bepenxun uinmaxanaiwen taexun dasibibun Diosun kushipa pepa kenwankubainankanwen.

Efésios 1:7

Jaskaken Jesús mawakin jawen jimi jabaniwen taexun Dios nuku daewaxunkin nukun chakabu ana shinanma buaniki, jawen shinan duapa nun jaya tsuan bextetiduma jawen taexun nuku mekekinan.

Efésios 4:11

Ja jaska jamebi juyamaxun betsabu jawen kushipayabu jatu wakin betsabu jawen jancha yuixunikabu jatu wakin betsabu jakidi kakape chanikubaunikabu jatu wakin betsabu yusinanain mekenikabu jatu watan jatu yunu akeakebainiki.

Filipenses 1:1

En Pablo inun Timoteon, Jesucriston tsumapan, man jabun Jesucristo ikunwainbu Filipos anuabu inun, jabun matu mekemisbu inun, matu medabewamisbu man dasibi Jesucristoki dasiabu nun matu kene bumai uindakanwen.

Colosenses 1:14

Cristo mawakin Satanásan nuku tsumani jawena wakin nuku mebikinantan nukun chakabu nuku buaxuniki, ana shinanmadan.

Colosenses 4:17

Ja inun, Arquipo yuikin: “Nukun Xanen Ibu Jesucriston mia katuxun jawen daya mia yununi jawa kaneama jau pe dayaxunkunkainun”, ea yuixunxankanwen.

1 Timóteo 3:1

Na janchadan, chanima jabiaskaki. Jadatubunda Jesucristo ikunwainbu jatun mekenikakatsis ikidan, daya pepa akatsi ikaibudan, jaskadan, peki.

1 Timóteo 3:2

Na eska yunua daya bidan, jau eska tibi ikubainunbunwen. Duapa jakidi chakabu yuisbuma inun, ainyankatsi ikin ainbu bitan jeneisma betsawen kemuisma inun, jawen jancha kayabi binumakin kaneama pe shinankin akubainmisbu inun, jaki kaxeisbuma inun, bai mapuabu jatu itan jatu uxanmisbu inun, yusinanain pekunkainmisbu itidubuki.

1 Timóteo 3:5

Tsuanda jabe jiweabu jatu meke pewaismatunan, ikunwainbu Diosun enabu jaska waxun jatu pe meketidubumadiki.

1 Timóteo 4:14

Ja inun, min mae anuxun Jesucristonabu mekenikabun mia mamepixun Dios mia yukaxunabu jawen Yushin Pepa mia yunua mia kushipa wanidan, unanumas jamakidi janchama jaska Diosun mia medabewani jakidi besti janchai dayakunkainwen, kaneamadan.

1 Timóteo 4:16

Mimebi pe mekekin uindawe, jaska betsabu min jatu yusiankididan. Dasibi shinan pe bestiwai chintunyamakunkainwen. Min jaskakunkainaya mia inun min jancha jabun ninkaibu jatube Diosun pewen mia manakuxanikiki, jiwe kayabimakinan.

1 Timóteo 5:17

Mekenikabukidi ana mia yuinun ninkawe. Moisin Diosun jancha kenekin: “Min jemaintin anuxun min ina awan jawen taewen min xekiwan pema pema akin mia xemexunaya dispiwen xenexyamakanwen, jau dabukun pinunan”, iwanan, yununiki. Jaska yuikinan: “Dayakapabu jau jatu pakakubainunbunwen”, ani keska wakin mekenikabu tibi jabun matu yusianbudan, jadatuda bestitun Diosun jancha matu yusin jenekatsi ikama matu yusinkin matu medabewakubainaibuwen taexun matundi ja matun mekenika duawakin peiwen kasmai jawadawen medabewakin jawen jawada inankubainkanwen.

Tito 1:7

Ja daya pepa ikatsi ikin jatu bebuxununbun min jatu katutidudan, bebukin Diosun enabu jatu mekemakatsi ikin jaska tibi Diosun bechipaiai akatsi ikaibu jatu katukin yunukinan, jatun jiwea jawa chakabu jayama pe besti ikubainaibu jatu akubainwen. Jatun shinan betsa maewatidubuma akama inun, sina besu akama inun, paenkatsis imisbu inun, janchawen jatu bekunyan amisbu inun, jatu bepadantan jatun pei inun jatun mabu ibubis binumatan pei ichawamis jaskabu uintan katutimaki.

Tito 2:14

Diosun nuku kupiaya jau nukun chakabuwen taea nun benuyamaxanunbun dasibi chakabu ana shinantima wakin Diosun nuku buaxunun, iwanan, Jesucristo yunua jamebi mawakin jawen jiwea nuku inain nuku mawaxuniki. Nuku jaska wakin jawenabu kayabi pepa nuku waniwen taexun ja besti jiwexunkin nukun pepa uinmai dayaxunkubainankanwen.

Hebreus 12:15

Tsuabuda Diosun inankuin pepa dananma jau jayai keyununbunwen. Jamen jaskama tsuada man juinti sinayadan, sika tacha paepa keskatun jatu daunkin akawakin yudabu man jatu dananmatiduki. Uindakubainkanwen.

Hebreus 13:17

Ja inun, matu yusinkin mekekubainaibu jatun yusian ninkatan jatuki chiti ikin chibankubainkanwen. Jaska matu putama jawa juindukuanma mekekubainmisbu jabiaskadi Diosun unankin jatu manakumiski. Ja inun, jatun daya itimaska wama ninkajaidakin man jatu benimawakubaintidubuki. Jakia ninkama man jatu itimaska wakin man jawa tapinkin pewai kaintidubumaki.

1 Pedro 2:25

Ja dukun na mai anu jiweadan, chaxuwan ibuuma benuabu keska man iki taenibuki. Jakia natian Cristo ikunwankin matun jiwea chakabu jenetan man ma Cristo chibanyan janua mekenika pepatun ma matu mekexun uinkiki.

1 Pedro 2:9

Janua matudan, yuda xuku betsa matu katuniki. Ja inun, xanen ibu binua Diosbe janchaxunikabu matu dasibi wakin ikunwainbu medibi xukua betsa matu wakin Diosun ibu wakin bechipaikin jawenabu matu wadianiki. Jaskawen taexun jakidi jawen daya pejaida Dioskidi man chanikubaunxanunbun man meshu medan ika keskaxun chakabu wamisbu janua matu kenakin Criston xaba jawendua anu matu jikimakin jiwemakatsi matu taxnimaniki.

1 João 1:7

Jakia tsuanda Diosun jancha ikunwantan chibain man pepai jiweabudan, Diosun xabaki man ma pesea keskabuki. Jaskawen taea nukubun ikunwainbu nun ma dasiabuki. Januxun chanima jawen bake Jesucristo nukuwen taea mawakin jawen jimi jabakin Dios nuku daewaxunkin ma nukun chakabu nuku bua keyuxuniki.

Apocalipse 5:9

dasibibun nawati bena juiwen nawakin yuikin: “Min pepajaidaki. Mawakin min jimiwen yuda xukuabu tibi anua inun, nawa tibi anua inun, jancha tibi anua inun, mai pakea tibi anua Epa Dios bixunkin jawenabu jatu wakin