Hechos 15:10 - Kashinawa : Diosun Jesúswen taexun yuba bena yiniki

¹⁰ Jaskawen taexun ja Moisin nukun xenipabu yusini beya jabun chibantiduma ipaunibuki. Jabiaskadi nun Israelbun nun chibantidubumadiki. ¿Jaskakin Diosun jatu jaska wamabiaken matu Dios keskakin judiobuman Jesús ikunwainbu man jatu yunuai? Jatu jaska wayamakanwen.

Kaxinawá Bíblia (BR)

¹⁰ Haskawẽ taeshũ ha Moisés nukũ shenipabu yusĩni beya habũ txibãtiruma ipaunibuki. Habiaskari nũ Israelbũ nũ txibãtirubumariki. Haskakĩ Deusũ hatu haska wamabiakẽ matu Deus keskakĩ judeubumã Jesus ikũwaĩbu mã hatu yunuai? Hatu haska wayamakãwẽ.

Hechos 15:10 Referencias Cruzadas

Mateus 23:4

Jaskawen taexun jabunan, xankamajaida matu iama keska wakin yusian tsuan chibantiduma matu yusinbiakin jabias yusian jabundi chibantidubumaki, jaska matu yusiainbu keska jiwekin matu uinmamadan.

Mateus 4:7

ana Satanás nemakin Jesúsun yuikin: —Jaska kenenibu min dama ea yuiai chanimabiaken ana betsa entsedi mia yuinun ninkawe: “Matun mekenika yushin Dios unanti wayamakanwen”, iwanan, kenekin yusindianiwen taexun min ea ana yunuaidan, en ikamaki, ishchuidan— aka

Hechos 5:9

Pedron yuikin: —¿Jaskai Diosun Yushin Pepa padankatsis iki man yubakadabekanxumen? Min bene padananainwen taea ma mawa maiwatani bekanikiki. Min miadi mawaya mia maiwadiai bukanikiki— akaya

Gálatas 4:9

Jakia natian Dios man unain bestima Diosundi duawakin matu unandiaikiki. Jaska unanbiakin ana chintunkidan jawanda matu pepawatidubuma chibain ¿man ana jatun dayadu esclavo ikatsis ikimenkain?

Gálatas 5:1

Jaska inun, Moisin nemati inun jawen yunuti nun ana chibanyamanunbun Criston nuku kainmaniki, Moisin yusian chibain nun ana jatun esclavo iyamanunan. Matu jaska nemaniken Jesús besti chibain ana shinan betsa wama judiobun yusian danain ana jatun dayadu esclavo iyamakubainkanwen.

Hebreus 3:9

Ja inun, janu tsua jiweabumanuxun en kushipawen jatu e imakin unanmati dami 40 año en jatu ima atanbidanai uinmabiakin en jancha ninkama ea unanti wakin matun xenipabun ea sinatamakubaunibuki.

Hebreus 9:9

Ja inun, jawen Dioski nukuti tadi jiwe anuxun jawen daewati bexun inanbu jatu kuaxunkin keyubiaken tsuan shinan pewakin keyuama ipaunibuki. Jaska wakinan, jawen nun unantidubu apaunibuki.