Hechos 14:3 - Kashinawa : Diosun Jesúswen taexun yuba bena yiniki

³ jatu jaska wabiabu Jesúsun kushipayabu Pablo inun Bernabé jabube xaba ichapa jiweyuxun nukun Xanen Ibuki chiti itan jawa dateama Jesúskidi chani chakama jawen janchawen jatu axunkin jaska Dios nuikipakidi chanikin jatu unanmaya, januxun Diosun jatu medabewakin kushipa wakin dami atimaska betsa betsapa jatu axunkin uinmaya

Kaxinawá Bíblia (BR)

³ hatu haska wabiabu Jesusũ kuxipayabu Paulo inũ Barnabé habube shaba itxapa hiweyushũ nukũ Shanẽ Ibuki txiti itã hawa dateama Jesuskiri txani txakama hawẽ hãtxawẽ hatu ashũkĩ haska Deus nuikipakiri txanikĩ hatu unãmaya, hanushũ Deusũ hatu merabewakĩ kuxipa wakĩ dami atimaska betsa betsapa hatu ashũkĩ uĩmaya

Hechos 14:3 Referencias Cruzadas

Marcos 16:20

janua Jesúsun tsumabu kainbaini bukin mae tibi anu yusinkubaunaibun nukun Xanen Ibu Jesúsun jatu medabewakin jawen kushipawen jawada unanti dami atimaska chanima jatu uinmakubainibukiaki. Marcos

João 4:48

Jesúsun yuikin: —Matunan, jawen unanmati dami atimaska en akai uianma man ea daki ikunwanbumaki— aka

Hechos 13:46

janua Pablo inun Bernabé jawa dateama dasibibun ninkaibun judio xanen ibubu jaskaibu jatu kemakin: —Diosun kakape jawen bakekidi man judiobu dukun nun matu yusin taewanun Diosun nuku yunukin nichinbiaimaken nun matu yusiain nukun yusian danankin jawen pepai jiweibi jiweti man bikakatsi ikabumaki. Man jaskaya matu jenebain nawabu judiobuma anu nun jatu yusin kaii.

Hechos 2:22

—Israelbuun, en matu yuiai ea ninkakanwen. Matunan, man unanjaidaii. Jesús Nazaret anua jua Diosun kushipa watan jawen e imati inun jawen unanti wamakin dami itimaska tsuan atiduma wamakin jawen kushipa matu uinmakin Diosun ama akeakekin xabakabi matu uinmakubainimaki.

Hechos 20:24

Jabiaskabiaken eadan, en jiweawen nui yaushiama en daya Jesúsun ea yununiwen taexun Dios yudabuwen nuikin jaska wakin jawenabu jatu wakatsis ikaikidi punu nukama benimai jeneama en jatu yusinkin keyukatsis ikunkainaii.

Hechos 20:32

—En betsabu inun en puibuun, en matu jancha wai ma jatixun en matu keyuai ninkakanwen. Natian Dios en matu yukaxunaii. Jawen jancha pepa nuimis man unanyan jaska dasibi yubakani Dios matuwen dayakin jawen kushipawen matu amaxanikiki, man jawenabu medibi ewai unanepanunbunan— itan

Hechos 4:31

Diosbe janchai meneaibun jabiatiandi janu ichabu anu pacha sakuaya Diosun Yushin Pepatun jatu dasibi achikin kushipa wakin keyua januxun ana dateama Diosun kakape jawenabu jatu yuikubainibukiaki.

Hechos 5:32

Na jaskadan, Diosun jaska waima nukun besti nun unaiin. Ja dikabi Diosun Yushin Pepatun unandiaikiki, jaska jabun nun chibainbu Diosun nuku inainmadan— jatu wabu

Romanos 1:16

Tsuabunda Diosun kakape ninkatan ikunwainbu Diosun jabun chakabu buakin ana shinanma jawen kushipa paewen jawenabu jatu wamisxun mekepakexanikiki. Jaskawen taea ja dukun judio jatidibun ikunwankin taewanibuki. Januxun ja kachu judiobuma betsabundi ikunwandiakanikiki. Jaskaken Diosun kakape Jesucristokidi yuikin datan akin jawa jawen dakeama en jatu yusinkubainaii.

1 Tesalonicenses 2:2

Ja inun, matu anu nun jikidiamaken Filipos anuxun nuku ichakawakin nuku nuitapawaimabu man unandiaii. Nuku bika tenemabiaibun Diosun nuku kushipa wakubaina jawen kakape nun matu yusinkubainimaki.

Hebreus 2:4

Ja inun, jawen Yushin Pepawen jawen e imakin unanmati damiwamakin na yuba bena Jesúsun tsumabubetan Epa Diosun jatu mestenwanmaniki. Jaska wanixun jawen shinanen nuku tibi jawen daya betsa betsapa nuku inanmiski, jaska shinain keska nuku tibi inankinan.