Hechos 12:7 - Kashinawa : Diosun Jesúswen taexun yuba bena yiniki

⁷ janua bichiti jiwe medan Diosun nai tsuma damii jikii chaxai xabakain bichiti dintu medan xaba wa nitan nai tsuman Pedro uxa bestenwankin tima tima aka bestein tekuitanai yuikin: —Menaan, jawaida benidiwe— akaya ja Pedro mane dispi soldadobube menexekea jawaida jamebi chudekei nidi ikaya

Kaxinawá Bíblia (BR)

⁷ hanua bitxiti hiwe merã Deusũ nai tsuma damii hiki txashai shabakaĩ bitxiti dĩtu merã shaba wa nitã nai tsumã Pedro usha bestẽwãkĩ tima tima aka besteĩ tekuitanai yuikĩ: —Menaã, hawaira beniriwe— akaya ha Pedro mane dispi soldadobube meneshekea hawaira hamebi txurekei niri ikaya

Hechos 12:7 Referencias Cruzadas

Mateus 2:13

Bishi unanikabu ma inun buabun jabiatiandi José uxa namaya Diosun nai tsuman yuikin: “Joséen, jawaida bestenwen. Xanen ibu Herodesin bakeishta detenun, iwanan, jatu benamayuikiki. Jawaida bestentan ja bake jawen ewabe iyukin Egipto anu jatu paxawaditanwen. ‘Iwewe’, iwanan, en mia yuidiama jabiadi jiweyuxanwen”, aka

Lucas 2:9

Diosun nai tsuma damia Diosun kushipawen chaxajaida jatu dapi nia chaxuwan mekemisbun uin datejaidaibu

Lucas 24:4

jani tsuan jaskada washina unanma janua e iki keyutan uiainbun jabianudi jawaida juni dabe jatu bebun taxnia tadi juxupa chaxajaida sawea bechitan

Hechos 10:30

Cornelion kemakin: —Ma xaba dabe inun dabetian ka na jabia baditiandi 3:00 badiken en jiwe anua samakekin en Dios kushipa ea akaya en besuudia Diosun nai tsuma betsa tadi juxupa chaxajaida sawea nixun

Hechos 12:23

Herodesin jaska waibu unankin ninkabiakin jatu jawa nemama jatundi Dios kenwankatsi ikamawen taexun jawaida Diosun nai tsuman Herodes kupikin isin tenemaya nami xenan kaianen pia mawanikiaki.

Hechos 12:6

janua Pedro bichixun uxanshinkin penaya yudan kaianen bedubi uiainbun Herodesin Pedro unanti watan tenankatsi ikin manaya janua Pedro soldado dabebe mane dispi chiwetameyawen jabe menexekea mekea jabe uxabun, janua dabedi kini jawen beputi kexexun uinjaidaibun

Hechos 12:8

nai tsuman ana yuikin: —Min nanexeketi sawetan min bichi tae sawediwe— aka Pedron jaska waya nai tsuman ana yuikin: —Min tadi bemakia peyabukutan ea chibanbidanwen— aka

Hechos 16:26

jaskabiama e iskaun jawaida pacha sakui mishki bichiti jiwe wanibu takax takax akaya ja jaska waya beputi tibi jamebi bepenmanai keyuaya juni tibi mane dispiwen menexekeabu jamebi chudekei nidi iki keyuaya

Hechos 2:24

Jakia mawabiaken Jesús Diosun ana bestenwainmaki, mawamamistun isin tenemakin bashitidubia jawen jiwea yabutiduma binumakinan.

Hechos 5:19

januxun meshu medan Diosun nai tsuma juxun jabun mekeabu jatu unanmamatan bichiti jiwe beputi bepentan jatu kainmatan yuikin:

Hechos 9:3

janua Saulo jaska wa kai Damasco bai tanabaini ma kemaya nai anua bin kushipajaida pexekidan Saulo dachaxaya

Efésios 5:14

Jaskaken jaska shinan betsa watidubu shinankin Dioskidi nawati yuikin: “Chakabun matu tsumadan, mepamadikanwen. Man mawabiani janun benidibidankanwen. Matun chakabu man jeneaya Mesías Criston jawen chaxawen matu yusinkin matu unanmaxanikiki”, ikaki.

Hebreus 1:14

Ja inun, Diosun jawenabu kayabi jabun jiwea ikibi ika bitan nun paxaxanaibu nuku yaushikin jawen nai tsumabun jau nuku mekekubainunbun Epa Diosun jatu yunukubainmiski. Dasibi Diosun nai tsumabudan, yushinki, jabun Diosun daya axunmisbudan.

Apocalipse 18:1

Ea jaska watanaya nai tsuma betsa nai anua butukidankin kushipajaida jaya jawen chaxawen mai chaxawakin