Hechos 12:17 - Kashinawa : Diosun Jesúswen taexun yuba bena yiniki

¹⁷ januxun jikitan jawen mekenen jatu nemakin jatu jancha nesematan jaska jawen Xanen Ibuan bichiti jiwe anua taxnimakin paxawaxu jatu yuitan ana yuikin: —Jaskatan en kainxu Santiago inun ikunwainbu betsabu ea jatu yuixunxankanwen— jatu watan janua june kainkaini mae betsa anu iduyui kaken

Kaxinawá Bíblia (BR)

¹⁷ hanushũ hikitã hawẽ mekenẽ hatu nemakĩ hatu hãtxa nesematã haska hawẽ Shanẽ Ibuã bitxiti hiwe anua tashnimakĩ pashawashu hatu yuitã ana yuikĩ: —Haskatã ẽ kaĩshu Tiago inũ ikũwaĩbu betsabu ea hatu yuishũshãkãwẽ— hatu watã hanua hune kaĩkaini mae betsa anu iruyui kakẽ

Hechos 12:17 Referencias Cruzadas

Mateus 10:23

Jakia mae betsa anuxun matu ichakawaibun janua kainbaini mae betsa anudi kaxun jatu yusinkubaunxankanwen. Israelbun mae tibi anu nati ikin man jatu yusin keyudiamaken chanima matun Juchi Kayabi Iyua en xanen ibui taexanaii.

Marcos 6:3

—Jakia nadan, ji mabu wanikaki. Jawen ewadan, María inun, jawen betsabudan, Santiago inun, José inun, Judas inun, Simónki. Janua jawen puibudan, nenu nukube jiwediabuki— itan ikunwanma danainbun

Lucas 1:22

atimas taxnitan jaska waxun jatu jancha watimaken jabun unanbaunkin jakidi yuikin: —Jaskakenan, ¿Templo dintu medanuxun namai keskakin Dios anua uinxumenkain?— ikaibun jawen meken bestiwen jatu unanmatan jabiaska janchama jatube dayakunkainkin

João 10:40

Jordán Jene pukei januxun Nashimanika Juanen jatu nashimakin taewani anu nun jabe kaken

João 11:54

Judio xanen ibubu jaki jaskaibu janua Jesús xabakabi ana niama jatu anua kainkaini mae betsa Efraín anu janu jiweabuma dapi nuku iyuxun uxa ichapakin Jesúsun nuku besti yusianyan

João 13:24

Simón Pedro en beisa jawen metutiwen Jesús ea yukamakin: —¿Tsukidi janchaimenkain? Yukawe— ea wa

João 7:1

Januxun judio xanen ibubun Jesús detekatsi ikin benaibuwen taea Judea anu ana kakatsi ikama Galilea anu besti mae tibi anu kakunkaunkin jatu uinkin yusinkubaunaya

João 8:59

detekatsi ikin mishki biake biaketan tsakapananbun mapubaunabu anu junei nashui itan Templo anua kainkaini

Hechos 1:15

Ja xaba tibi jaskakubainkin xaba betsatian 120 ikunwainbu jatube icha maniabu Pedron jatu yuinun ika benitan jatu yuikin:

Hechos 12:16

Pedron jatu kenakin tsan tsan akin jeneamaken janua bepenxun bechitan uin e iki teku iki keyuaibun

Hechos 12:18

janua ma penai xabaya Pedro jaskatan kainkaina unanma bepuxui bichiti jiwe anua soldado uinikabu jaskatima datejaidaibun

Hechos 13:16

janua Pablo benitan jau pesnunbun jawen meken sanantan jatu yuikin: —Israelbu inun dasibi nawabu jabu man Diosun kushipaki mesemisbuun, matu yuinun ninkakanwen.

Hechos 15:13

meneaya Jesúsun betsa Santiagon ichabu jantsidi jatu yuikin: —En betsabu inun en puibuun, eandi matu yuinun ninkakanwen.

Hechos 16:40

bichiti jiwe anua taxnibaini bui Lidian jiwetan jikia bayukin januxun ikunwainbu jatu shinan chankanwantan Pablo inun Silas buaibun Timoteo jatube kaya jakia ea Lucas jabianu en bashikuyuniki.

Hechos 19:33

jakia jadatutunda ichabu jau judiobukidi jawa chakabu jayama jau jatu unanmakin daewanun judio xanen ibu betsa Alejandro ichabu anua yunukin xutubain jatu bebun nichianbu jau pesnunbun jawen meken jatu sananxuna

Hechos 21:18

janu uxashini Jesúsun betsa Santiago nun jaki bai ka jabianudi dasibi mekenikabu nun jatuki nukua

Hechos 21:40

xanen ibun janii: —Iwe— akin jeneyua mishki tapaiti kexa nixun jawen meken menexekedabea sanantan jatu nemakin pes wakin keyua mapuabun judion jancha hebreowen Pablon xabakabi jatu yuikin:

Hechos 28:15

Roma anuxun ikunwainbun nun juai bana ninkatan bai puchinin nukuki nukukatsi beaibun janua inanananmisbu jawen kena Apio anu nun jatuki nukua nukube ana bui chintunbainaibun mae betsa jawen kena Tres Tabernas anu ikunwainbu betsa beaibukidi nun jatuki nukudia jaibu ichapabu uin Pablo benimai shinan chankankin Dios kenjaidawaya

Gálatas 1:19

Jakia Jesúsun kushipaya betsabu uianma nukun Xanen Ibun betsa Santiago besti en uindianiki.

Gálatas 2:12

Ja dukun Pedro kaxun judion beya unanbiakin Santiagon jaibuaibu bediabumaken Jesús ikunwainbu judiobumabetan pikubainaya jabun judiobun beya chibankin jenekatsi isbuma Jerusalén anua bei ma jikiabun jatuki mesekin jau jakidi chakabu shinanyamanunbun jatu bepadani ana ikunwainbu judiobumabetan Pedron piama jatu jeneyuniki.

Gálatas 2:9

Jaskawen taexun en jawa pepamabiaken ewen nuikin Jesúsun ea katuxun ea yununi en jatuki chanikin mextanma ninkatan jabu dukun Jesúsun jatu katuni binuabu Santiago inun, Pedro inun, Juanen en jaskamis chanima unantan ea jaibuwakin nuku dananma ea inun Bernabébe ea jabe metaka anibuki. Nuku jaska wakin jaibuwabu ea Bernabébe paxkakain judiobuma anu nun yusin kaya janua jabudi jawenabu judiobudi jatu yusinunbun jatube yubakatan nun ana dayai kaniki.

Santiago 1:1

Matu Israelin 12 juni bakebun jatun bababun man Jesucristo ikunwainbu mai jidabi anu man sa ini manibaunabu en Santiagon, Dios inun nukun Xanen Ibu Jesucriston tsumapan en matu kene bumai uindakanwen.