Hechos 1:8 - Kashinawa : Diosun Jesúswen taexun yuba bena yiniki

⁸ Jaska man jawen unantidudan, jawen Yushin Pepa matu anu juaya jawen kushipa bitan Jerusalén anuxun inun Judea mai pakea inun Samaria mai pakea ja dabe jidabi anuxun inun chaijaida mai kesua anu jiwebaunabu anu bukubaunkin ekidi man jatuki chanikunkainyuxanaii— jatu wai

Kaxinawá Bíblia (BR)

⁸ Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 1:8 Referencias Cruzadas

Mateus 24:14

Ja inun, betsadan, nawa dasibibun jau ekidi unanunbun en ana judiamaken yudabu mania akeakeabu dasibibu tsuabunda en kakapekidi jabun jatu yusinkubaunxankanikiki. Nawa xukua tibibun jau kakape ekidi ninkanunbun jatu yusinkin menetanaibuns en ana juxanaii.

Mateus 28:19

Jaskawen taexun matu yununun ninkakanwen. Kakunkaunkin dasibi en matu yusinmis nawa betsa betsapa xukuabu tibi yusindiakin en tsumabu ea jatu waxunkubainxankanwen. Januxun ea ikunwankin jawenabu jau jatu unanti wamanunbun Epa Dios inun ea jawen bake inun jawen Yushin Pepa kena dayuikin jatu nashimakubainxankanwen.

Marcos 16:15

jatu yunukin: —Mai jidabi anu bukin Diosun kakape ekidi dasibibu jatu yusinkubainxankanwen.

Lucas 1:35

jawen nuikin nai tsuman ana yuikin: —Kushipa jatu binuatun jawen kushipawen jawen Yushin Pepa yunua mikia dami naneima kainmaxun jatun Dios chibanyan: “Jadan, medibi Diosun bakeki”, ixun kenakubainxankanikiki.

Lucas 10:19

Ninkakanwen. En kushipa en matu inankin yunuimaki, jau tsuan matu meyamakubainxanunbunan. Dunuki man paia matu pia jawa man isin tenetidumaki. Ja inun, nibuki man paia matu pia jawa man isin tenetidumadiki. Ja inun, Satanásan binukin matu jawa maematidumaki.

Lucas 24:29

nemakin yuikin: —Ma badi kai meshuikiki. Jabianu nukube niti iyuwe— akabu ninkatan jabianu jatube bashikui niti itan

João 15:27

Ja inun, matudi en taxnikidanai anua tapin man ebe ikunkidanshinadan, man ekidi janchai chaninikabudiki— iwanan,

Hechos 1:22

Juanen Jesús nashimai uintan ikunwanbidanibu inun nai anu Jesús inai jabun uinshinabu jau jabu betsa nukuki dasitan jadi jau jaska Jesús mawa bestenkainima jau nukube jakidi chanikunkainxanun betsa katunankanwen— Pedron jatu watan

Hechos 1:5

Chanima Juanen jenewen dukun jatu nashimakubainyamaki. Jakia eanan, jabiaskadi wakin samama duakabi Diosun Yushin Pepawen en matu nashimaxanaii, matu unanti wamakinan— jatu waya

Hechos 13:31

Jesús Galilea anua kaya Jerusalén anu jabe buimabu jatu uinmai xaba ichapa jawenchains Jesús jatuki nukukidankidanaiwen taea ma jiwea unantan jabuan natian Jesúskidi yudabu jatu yusinkubainkanikiki.

Hechos 2:32

Jamen Diosun jaskakidi janchamanidan, ja Jesús mawa bestenwanshina chanima ibubis dasibibun nun uinkubainshina nun unankanaii.

Hechos 22:15

Jaskawen taexun mianan, jawada uinkin min ninkashina yudabu mai jidabi anu jiweabu min jatuki chanikunkainxanaii”, iwanan,

Hechos 3:15

Jaska wakin jatun nuku jiwekuinmaxanai man jatu tenanmabia mawa Diosun ana nuku bestenwanxuinma nukubun uinkubainimaxun nun unaiin.

Hechos 4:33

Januxun Jesúsun kushipayabun jaska Xanen Ibu Jesús bestenkainima jawen kushipa unankin jatuki chanikubainaibu ikunwainbu dasibi Diosun jatu duajaidawakubainaya

Hechos 5:32

Na jaskadan, Diosun jaska waima nukun besti nun unaiin. Ja dikabi Diosun Yushin Pepatun unandiaikiki, jaska jabun nun chibainbu Diosun nuku inainmadan— jatu wabu

Hechos 6:8

Esteban Diosun duawakin kushipa paeya wakin pepawanikidi mia yuinun ninkawe. Jawenabun bedubi Estebanen dami tsuan atiduma atimaska wakin jatu uinmakubainaya

Hechos 8:1

Januxun Esteban jau tenanunbun Saulon jabiaskadi shinanyan anibukiaki. Jabias xabatian Jerusalén anuxun Jesús ikunwainbu jabun ikunwanbuman jatuki sinatakin ichakawa chakayamakin taewaibun Judea mai pakea anu inun Samaria mai pakea anudi Jesús ikunwainbu dasibi paxai sa ibainaibun jabu Jesúsun kushipayabu besti kaianma inibukiaki.

Romanos 10:18

Jawada Diosun jancha yuixunika Davidin kenekin yusini matu ana yusinun ninkakanwen. “Yudabu mai jidabi anu manibaunabu Diosun jancha yusinmisbun jabun jatu yusian ma jabun ninka keyuabuki”, iniwen taexun Israelbun dasibi ma ninkakin keyunibu nun unaiin.

Romanos 15:19

Diosun Yushin Pepatun kushipawen jawada atimaska yudabun atidubuma dami betsa betsapa jaskabiamawakin ea wama en akeakeaya jawen taea kushipakin kakape Jesucristokidi jatu yusinkinan, jaska Israelbuma betsa betsapabudi en jatu chibanmakubainima besti en matu yuiaii. Januxun taewakinan, Jerusalén maewan anuxun en taewashina mae tibi iake iaketankaini jadi mai pakea betsa Iliria anu en chintuntanyamaki.

Colosenses 1:23

Man jaskakatsi ikaidan, matu tibidan, Diosun kakapekidi ninkatan man ma Cristo ikunwani jenekin putai chintuanma juinti mestentan jaska man ikunwainbu manakakubainkanwen. Jaska Diosun jawen bakekidi jawen kakape yudabu mai pakea ichapa anuabun jau unanunbun yusinkin ea en Pablon en jatu medabewakubaunmiski.