Hechos 1:20 - Kashinawa : Diosun Jesúswen taexun yuba bena yiniki

²⁰ Chanima Salmos una medan Judaskidi Davidin bebunkidi yuikin: ‘Jawen mae jenebainaya ana tsua janu jiweama ixanikiki’, ani inun: ‘Jawen daya jenebaina juni betsan jau ibu waxanunwen’, aniki.

Kaxinawá Bíblia (BR)

²⁰ Txanima Salmos una merã Judaskiri Davĩ bebũkiri yuikĩ: ‘Hawẽ mae henebainaya ana tsua hanu hiweama ishanikiki’, ani inũ: ‘Hawẽ daya henebaina huni betsã hau ibu washanũwẽ’, aniki.

Hechos 1:20 Referencias Cruzadas

Lucas 20:42

Nukun xenipabu pepa Davidin Salmos anu keneni matu yuinun ninkakanwen: ‘Dios kushipa dasibi binuatun en xanen ibu Mesías yuikin: Miki sinataibu en jatu maemadiama manai en yusiudi tsauyuwe’, aniki.

Lucas 24:44

yuikin: —“Moisin yusini jancha inun Diosun jancha yuixunika betsabun yusini jancha inun Davidin jawen nawakin kenwanti jancha Salmoswen Dios yubakaniki, jau dasibi jaskaxanunan”, iwanan, yuinibu en mawadiama matu anuxun jabiaskadi matu yusinkin dasibi ekidi na kenenibu bebunkidi en matu yuikubainimaki— iwanan,

Hechos 1:16

—En betsabu inun en puibuun, jaska bebunkidi Judaskidi Diosun Yushin Pepatun David yuia kenenidan, jabias Judasin akin meneimaki. Jaska wanikidi akin chanima jatun jatu iyuxun Jesús jatu achimaimaki.

Hechos 1:25

jau Judasin jawen chakabuwen taexun jawen kushipa daya benutan janu nuitapai kaken jau jawen daya kushipa betsan binunan— atan

Hechos 13:33

nuku ma axuinmaki, nun jawen bababu anudan. Jaska bebunkidi jawen shinanmati wakin xanen ibujaida bena Diosun katua tibi jau xanen ibui taenun jawenabun yunua jawen tsauti anu ainikubainibuki. Jaska keskadi wakin Diosun jawen bake kayabi katua juni Salmos 2 anua yuiai keska wakin yuikin: “Min en bakedan, natian en jiwea mia inankin en mia yunuaii”, anidan, nuku ma axuinmaki.