Hebreus 7:9 - Kashinawa : Diosun Jesúswen taexun yuba bena yiniki

⁹ Na jaska yuikinan, Levín bababu jawenabu Diosbe janchaxunika iki kai shinankin Abrahamnen Melquisedec inani keska wakin natian amisbudan, jaska Melquisedec pakakin inankinan, Abrahamnen janubi ibubis pakanikiaki, ja mabu manchin meken dabeti watan jatiubus bestichai inankinan.

Kaxinawá Bíblia (BR)

⁹ Na haska yuikinã, Levĩ bababu hawenabu Deusbe hãtxashunika iki kai xinãkĩ Abraãonẽ Melquisedeque inãni keska wakĩ natiã amisburã, haska Melquisedeque pakakĩ inãkinã, Abraãonẽ hanubi ibubis pakanikiaki, ha mabu mãtxĩ mekẽ dabeti watã hatiubus bestitxai inãkinã.

Hebreus 7:9 Referencias Cruzadas

Romanos 5:12

Mai anua ja juni bestichai ja dukun Diosun damiwaxun nemabiabaina ninkama chakabu jikimakin tateskin taewaken jawen taea jau mawaxanun Adán anibuai Diosun kupikin nemama inikiaki. Jaska waniken yudabu dasibi Adán keskadiai Dios ninkama kanemisbuwen taea anibui inun yuxabui mawadiakubainmisbuki, Adán ini chibainan.

Hebreus 7:10

Melquisedec Abraham kawanaiki nukuni keskadan, dasibi Abrahamnen bababu kaindiabumabiaken jawen yuda medanua jabuki nukuni keska nun shinantiduki. Chanima Melquisedecin jawen kushipawen Abraham inun Levín bababu binua iniki.

Hebreus 7:4

Ja inun, Melquisedec xanen ibujaidakin nukun xenipabu Abraham xanen ibubia ja binuawen taexun nawa xanen ibubube detenamekin maematan jatun mabu bexun meken dabeti manchintan Abrahamnen Melquisedec paxkaxunkin manchin bestichai inankuinikidi ana matu yuinun ninkakanwen.

Hebreus 7:8

Uinkin shinankanwen. Levín bababun Dios dayaxunkin jawenabu Israelbun inankuin bixunbiakubainmisbudan, debukubidanmisbuki. Jamen Melquisedeckidi kenenibudan, jiwepakeaiwen taea Abraham anua inankuin bikinan, Levín bababu binunikiaki.