Hebreus 7:2 - Kashinawa : Diosun Jesúswen taexun yuba bena yiniki

² Jaska waxunaya Abrahamnen jawenabu yunua nawabun mabu mebinshina paxkakin manchin meken dabeti wabu Melquisedec duawakin kenwankin mabu manchin bestichai Abrahamnen inankuinikiaki. Jamen betsadan, Melquisedec jawen kena maewadan, xanen ibu shinan pepaki. Ja inun, jawen kena betsa Salem xanen ibu maewadan, jawenabu unanuma jiwetanika xanen ibuki.

Kaxinawá Bíblia (BR)

² Haska washunaya Abraãonẽ hawenabu yunua nawabũ mabu mebĩxina pashkakĩ mãtxĩ mekẽ dabeti wabu Melquisedeque duawakĩ kẽwãkĩ mabu mãtxĩ bestitxai Abraãonẽ inãkuĩnikiaki. Hamẽ betsarã, Melquisedeque hawẽ kena maewarã, shanẽ ibu xinã pepaki. Ha inũ, hawẽ kena betsa Salém shanẽ ibu maewarã, hawenabu unãnuma hiwetanika shanẽ ibuki.

Hebreus 7:2 Referencias Cruzadas

Lucas 2:14

“Mai anuxun tsuabunda jabun Dios chibankin duawamisbu Dios kushipajaidatun jau jatu unanuma jiwemanunwen. Jaskaken dasibibun Dios kushipa nai anua jau kenwandianunbunwen”, jatu watan

Romanos 3:26

Nukuwen nuikin jin jin ikama nuku manamiswen taexun na jabiatian jaska Dios pepa bestitun matudi pepa wakin nuku unanmakin tsuabunda Jesús ikunwainbu bedu mestenwanmakin natian Diosun nuku unanmadiakubainikiki.

Hebreus 7:1

Melquisedeckidi ana matu yuinun ninkakanwen. Ja Melquisedecdan, Salem xanen ibu inun nukun Dios binuabe jawenabu janchaxunika inikiaki. Nukun xenipabu Abraham xanen ibu betsabube detenamekin jatu maematan jawada yumetsubainshinabu jatu detexun mebintankin beaya Salem mae xanen ibu Melquisedec kainkain jaki nukuxun Diosun Abraham jau duawapakexanun Melquisedecin Dios yukaxunikiaki.

Hebreus 7:3

Ja inun, betsadan, nukunabu Diosbe nuku janchaxunikakidi jatu unankin jatun epa inun jatun ewa inun jatun xenipabukidi unankin nun jatu tanakubainmiski. Jakia Melquisedec betsajaidakiaki, tsuan unanmadan. Jawenabukidi tsuan unanma inun jawen kaiankidi tsua jakidi janchaisma inun mawani tsuan unanmakiaki. Jakia Diosun bake keskai jawenabu Diosbe janchaxunika ipakediaikiaki, jeneamadan.