Hebreus 5:14 - Kashinawa : Diosun Jesúswen taexun yuba bena yiniki

¹⁴ Jakia yuda ewabun piti kushipa pimisbu keskabun jabuan besti jawada pepa inun jawada chakabu unanti wakin Diosun jancha pepa unankin katutidubuki.

Kaxinawá Bíblia (BR)

¹⁴ Hakia yura ewabũ piti kuxipa pimisbu keskabũ habuã besti hawara pepa inũ hawara txakabu unãti wakĩ Deusũ hãtxa pepa unãkĩ katutirubuki.

Hebreus 5:14 Referencias Cruzadas

Mateus 5:48

Jaskaken matun Epa Dios pepa nuikipa keskai matudi pepai dasibibube nuidiakubainxankanwen— iwanan,

Romanos 14:1

Jesús chibainbu nun betsa betsapabuken Diosun nukukidi shinanmis matu yusinun ninkakanwen, eskakididan. Jesucristo jabun man chibainbu betsabu ma juinti kushipa jaya shinankin dasibi piti betsa betsapa man pimiski. Janua betsabudi jabun tapin taewaibu juinti babu mestendiabuman nami pisbumaki. Jaskawen taexun tsuada ja yudan ikunwankin taewai jaibu wakin jawada pimis inun jawada pismakidi yuinamei jabe ja idabeama uindakubainkanwen.

1 Coríntios 2:6

Jaskaken man unanepabun Jesús ikunwantan ma pe tapinkin man mestenwain ja unanepa janchawen jaska wakin nun matu jaska yusiainan, jawa chakabumaki. Jakia na mai anua jaska xanen ibukin unanepabun ibubis jatun shinanen amisbu keskama inun jabu xanen ibu kushipakin yunubaunmisbu keska jaska kushipa shinanwen nun matu yusinsmaki. Jatun kushipa inun jatun unanepa keyuaya nukuna Diosun nuku inankubainai keyuismaki.

Efésios 1:18

Dios matu yukaxunkinan, Diosun jau matun shinan junemawatan xabakabi ninkamakin manakamanun inun, jau tsuabuda jawenabu kayabi katutan jawen pepawen duajaidawakin matu unanmaxanun en matu yukaxunmiski.

Efésios 4:13

Jaskakunkaini dasibi putanameama ikunwainbuki dasitan Diosun bakekidi tapinkubainkin Cristo ikunjaidawai jawa shinan betsa wama Cristokidi unanepai dasibibu nun itidubuki.

Filipenses 3:15

Tsuabunda nun ma ikunwan kayabiai pepabunan, jaska shinanankanwen. En shinain keska tsuabunda jabias keska man jaska shinanmaken jaska ja jamapaikidi Diosun yusinkin matu uinmakin matu unanmatiduki.

1 Tesalonicenses 5:21

Tsuabunda yuikin: “Diosun jancha en matu yusiaiin”, ikin jatu yusiainbu jaska Diosun jancha kayabi yusinmenkain unanti wakin ninkakubainkanwen. Diosun jancha yusin pe waya unantan ikunwankin ja yusian man chibantidubuki.

1 Timóteo 4:7

Jakia jabu patapaibu inun ikunwanbuman miyui jawama yuiaibu ninkai jatu anu nashui ikama ikunkainwen. Jamen mia ikidan, jaska Diosun mia jiwemakatsis ikai pepai mimebi min shinanen mekei yudabu uinmai jiwekunkainwen.

Hebreus 6:1

Jaska tapinkubaini ewaidan, nun yuda ewa keska itidubukiaki. Jaska bebunkidi Cristokidi matu yusinkin taewanibu jaskakidi nun ana jawenchains chintuanbidanbidankin nun matu yusintidumaki. Eska tibikididan, ikunwandiabuma jatu ikunwanmatikididan, jawada chakabu betsa betsapa aki jawen taea mawa kayabi anu bumisbu jatu putamakin yusiankididan, jaska wakin Dios chibankin ikunwantikididan,

Santiago 3:2

Dasibibunan, nun kanejaidamisbuki. Jaskakenan, tsuabunda jancha chakabu yui xechakakin kanekatsis ikama jawen yuda mekekin jamapai tibi shinankin jawen shinan meke pewatan jawen jiwea kayatapinbaintidubuki.