Hebreus 3:13 - Kashinawa : Diosun Jesúswen taexun yuba bena yiniki

¹³ Jaskama matubudan, jaska Diosun jancha natian chaniaya natian besti matun shinan man jawaida pewatidubuki. Jaskawen taea manama benimadabe bestinankanwen, badi tibidan, jau tsuan taska betsa matu padanyamanunbun inun chakabun matu mextea chintuin matun juinti man kushiyamanunbunan.

Kaxinawá Bíblia (BR)

¹³ Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.

Hebreus 3:13 Referencias Cruzadas

Hechos 11:23

Bernabé kai jikishinxun jabu Diosun jatu duawakin jatu kushipa wakin pepawai uin benimajaidakin jatu ana yusin pewakin jau dasibi jawa chakabuyabi jusiama nukun Xanen Ibu Jesús ikunwain chintuanma chibankubainkin apakenunbun jatu yusiain

Romanos 7:11

Janua Diosun bemakis jawen jancha yununiwen chakabun ea bepadantan ea kanemaniki. Ja Diosun yununi pe dabanen en ikai jatun ea tenan kayabi waniki.

Efésios 4:22

Jaskawen taexun matubunan, matun jiwea xeni xabakabi yuikin chitedikanwen. Jaska uatian chakabui jiwekunkainkin chakabu betsa betsapawen kemukin ibubis padananain man ikunkainaidan, putai bextedikanwen.

1 Tesalonicenses 2:11

Nun matu eska wani man unandiaii. Bestibu tibi matu benimawakin nun matu pewakubainidan, jaska epabun jatun bakebun chakabuwai nemamis keska wakin man Dios jiwexunkin jaska bechipaiai keska matudi man inunbun nun matu yunua matun chakabu unantan man jenekubainimaki. Jaska Diosun jawen mae kayabi pepa anu matu jiwemakatsi ikai ma bebunkidi matu kenani jaskakidi nun matu medabewakubainimaki.

1 Tesalonicenses 4:18

Jaskawen taea na yusian jancha ninkai ana jawa dateama shinan chankain jatube benimanamedikubainkanwen.

1 Tesalonicenses 5:11

Jaskawen taea ana Jesús ikunwankubaini jeneama betsabube benimai kushipanamekubainkanwen, man ma ikunkainmis keskai jeneamadan.

2 Timóteo 4:2

Eska en mia shinanxunaidan, Diosun jancha jatu tapinmakin jawa jeneama badi tibi benuama akubainwen, janu ninkakatsis ikin ninka pewaibutian inun janu ninkakatsi ismabia inun janu bika teneaibutianan. Jaska wakin jatu ikunwanmakin jatun chakabu jatu jenemakin jatu benimawakin jatu yusiin jin jin ikama akubainwen.

Hebreus 13:22

En betsabu inun en puibuun, en kene chaipamawen en matu medabewakin benimawakatsis ikai jawa eki sinatama shinan pewatan uindakubainkanwen.

Santiago 1:14

Diosun jaska yunuamabiaken ibubis jatun shinanen chakabu shinankin jaska bechipaiai keska aki jaki nexei chakabu beyakubainmisbuki.