Filipenses 4:5 - Kashinawa : Diosun Jesúswen taexun yuba bena yiniki

⁵ Jau dasibibun matu unanunbun ikunwain pepabu ikubainkanwen, ma nukun Xanen Ibu jua kemaikikidan.

Kaxinawá Bíblia (BR)

⁵ Hau dasibibũ matu unãnũbũ ikũwaĩ pepabu ikubaĩkãwẽ, ma nukũ Shanẽ Ibu hua kemaikikirã.

Filipenses 4:5 Referencias Cruzadas

Mateus 6:25

ana jatu yuikin: —Eska bestiwen taea matunmebi man jamapaiwen dabanan imisbukidi matu yusinun ninkakanwen. Jiwe bestia pepakunkainun ika piti pi inun tadi sawenun ika jawen dabanan iyamakubainxankanwen. Jiwea jayaidan, pitiwen besti nun itidubumaki. Yuda jayaidan, tadi sawe bestinun ika nun itidubumadiki. Jaskaken ja dabewen taea nun jiwenun Diosun nuku jiwea inanma iniki.

Mateus 6:34

Jaskaken meshukidi min jawada waxanaiwen dabanan iki dateyamakubainxankanwen. Jakia xaba tibi jawanda mia itimaska wai taxnikunkainmis shinankanwen— iwanan,

Lucas 21:34

Jaska tibi kainxanaiwen taea matun juintinin kemu betsa betsapa mekin kaneama uindaxankanwen. Jawada chakabu aki juinti kushiyamaxankanwen. Eskaidan, paeanwen inun jawada matumebi man jaska shinainwens besti dabanan iki juinti nishmayamakubainxankanwen. Man jaskai jiweabun yudabu mai jidabi anu en jatu unanti watanun ika juaya bidun medan jikitan kebenmana keskama Diosunabu man paxaxanaii.

1 Coríntios 16:22

Tsuabunda nukun Xanen Ibu bechipaiamadan, jau Diosun yupununwen. Nukun Xanen Ibu nun manai jawaida jau ana menan judinunwen.

1 Coríntios 6:7

Ikunwain betsan mia chakabuwaya ikunwanbuma anu man pewanun ika kakin matumebi jaskakainkin chakabujaidakin man kanekubainaii. Mia chakabuwabiaya ana jabebis manakunama tenekubainwen, jau ja besti inunan. Ikunwain betsan min jawada yumetsubiashinken ja shinanma ibubis bextekekanwen, ana jabebis yumetsuamadan. Man jaskaidan, peki.

1 Coríntios 8:13

Jaskakenan, eanan, ja nami betsa pikin en betsabu en kanematidu shinankinan, ana jatu kanemakatsi ikama ja nami en ana metidumajaidaki, jatu chakabuwakatsi ikamadan.

1 Coríntios 9:25

Beyuskin betsabu binutan ni pei maiti jawenduabia chapuxanai binun ika jamebi jawen yuda kushipa wakin jamapai piti tibi chakabuwamis piama jatun yuda pe mekemisbu keska wakin Diosun jawenabu manakuti jawa chapuisma matu inankin matu jiwekuinmaxanaiwen taexun matun shinan pe mekediakubainkanwen.

2 Coríntios 10:1

Jaska bestibu man ekidi janchamis en Pablon en matu yuiai ea ninkaidakanwen. Matu anuxun betsabun yuikin: “Pablo nukube jiwea janchajaidaisma yunuama unanxubida nuku jancha wabiamis chaikexun nuku kenexunkin jancha kushipawen yunukin nuku ja amiski”, iwanan, man ea yuanbiamisbun jaska duapakin en shinanmis matu yuinun ninkaidakanwen. Jaska man yuibiaya jancha kushipawen en matu kunyan atidubia jaska duapakin unanxubida Criston yudabu yusinkubaini keska wakin jancha xankamawen yuikin matu kunyan akatsi ikama matu anu en ana kaken jabun ea xeninkamisbu en jatube janchakatsi ikamaki. Jatun shinan betsa wamakin jau ana jamakidi shinan chakayamanunbun jatu mextanmakanwen.

2 Tesalonicenses 2:2

eska taxnixanaikidi bebunkidi nun matu ana xabakabi yusiainan. Tsuanda Yushin Pepatun yuia keska shinankin: “Nukun Xanen Ibu Jesús ma juaki”, ikin matu padainbu inun, yusian betsa tapintan: “Jesús june ma juimakiaki”, ikaibu inun, nukuki padana en kene keska buxun matu yuikin: “Pablo eska chanikiki, Jesús ma juimakiaki”, ikin man jaska tapianma ibiaimaken matu padankin yuia akeakeaibu ninkatan e iki juinti metexeketan matun shinan jawaida maewai jatuwen dateyamaxankanwen.

Tito 3:2

Tsuakida jancha chakabukin jau yuiyamakubainunbunwen. Ja inun, duapa besti inun pepajaida bestikinan, jatuwen nuikin juinti babutan dasibibu jatu jaibuwakin jau jatu uinmakubainunbunwen.

Hebreus 10:25

Ja inun, Diosun jancha tapin ichai jeneyamakubainankanwen, jaskai betsabu babui chintunkanikikidan. Jaskama betsabube medabenankatsis ikin jatu uinmakin jamakidi shinanbiabainaibun jatu beya wakin shinan chankanwankin jatu benimawakubainkanwen. Jatu jaska wakin ma Jesús ana jua kemai uinkatsidan, shinan chankanjaidai jatube ichai jeneyamakubainkanwen.

Hebreus 10:37

Diosun jawen jancha yuixunika jancha wa jatu kenexunkin: “En jaskakidi yubakaidan, jawa manakubidanama jawaida iki juxanikiki.

1 Pedro 4:7

Janua na mai keyui ma kemaya ana tatimama matun shinanen pe mekei unanepai chanima kayabi Diosbe janchai jeneyamakubainkanwen.

Apocalipse 22:20

Na jancha jatun ea pewamaitun yuikin: “Chanima en samama ana kaxanaii”, ikaki. Jabiaskaki. Nukun Xanen Ibu Jesucristoon, menan jawaida judiwe, nun mia shinainan.

Apocalipse 22:7

Jesúsundi ea yuikin: “Uian. En samama ana kaxanaii. Jaskaken na jancha jaskadada inunbadiaikidi chaniai kenekin min una waidan, tsuabunda ikunwankin chibanxanaibudan, Diosun jatu benimawaxanikiki. Manayuwe”, ea waxuki.