Filipenses 3:8 - Kashinawa : Diosun Jesúswen taexun yuba bena yiniki

⁸ Jaska tibi jayai en jawen kushipa biakunkaini natian en uianan, jamenki. Jesucristo en mekenan wakin en unainan, jawenadan, binujaidaki, en Xanen Ibu kayabidan. Jaskaken Cristowen taexun dasibi jamapai eanua chakabu en benu keyuniki. Jaska wakinan, en jiwea xeni chaka keska wakin jenetan janua jaki maei en jawen yudaniki,

Kaxinawá Bíblia (BR)

⁸ Haska tibi hayai ẽ hawẽ kuxipa biakũkaini natiã ẽ uĩanã, hamẽki. Jesus Cristo ẽ mekenã wakĩ ẽ unaĩnã, hawenarã, binuhairaki, ẽ Shanẽ Ibu kayabirã. Haskakẽ Cristowẽ taeshũ dasibi hamapai eanua txakabu ẽ benu keyuniki. Haska wakinã, ẽ hiwea sheni txaka keska wakĩ henetã hanua haki maei ẽ hawẽ yuraniki,

Filipenses 3:8 Referencias Cruzadas

Lucas 1:43

Min ea kena min jancha en ninkaya en bakedi benimajaidai en pustu medanua tukuxuki. En jawayaidaken Diosun ea duawaya en Xanen Ibun ewa min eki bayuaii. Jaskaken en benimajaidaii.

Lucas 11:20

Jamen chanima Diosun kushipawen ean en yushin chakabu kainmamiswen taea Dios matuki bai ma juaki.

João 14:20

Ja xabatian jaskakain en Epaki en dasia man unanyan janua matuki ana nukui en matuki dasidiatan en matube nipakexanai man unanxanaii.

João 14:7

Jaska inun, man ea unanti wakubainaidan, en Epa Diosdi man unankubainaii. Natian ea tapinkubainkin Epa Diosdi man uindiakubainaii— nuku waya

João 16:3

en Epa Dios unanma eadi unanbumawen taexun matu jawa unanma ichakawaxankanikiki.

João 17:3

Min mia besti Dioski, chanimadan. Jesucristo Mesías min yununidan, en ea bestiki. Nuku unantan na jiwekuinyanwen jiwexankanikiki, ikibi ikidan.

João 20:13

januxun nai tsuma dabetan yukakin: —Ainbuun, ¿jaskai min kaxai?— akabu —En Xanen Ibun yuda janidaki ea buanbuki. Janida datanbu en unanma benai en kaxai ikaii— jatu watan

João 20:28

uintans damapaikin Tomásin yuikin: —Chanima min en Xanen Ibuki, en mekenan yushin Diosdan!— aka

Hechos 20:24

Jabiaskabiaken eadan, en jiweawen nui yaushiama en daya Jesúsun ea yununiwen taexun Dios yudabuwen nuikin jaska wakin jawenabu jatu wakatsis ikaikidi punu nukama benimai jeneama en jatu yusinkin keyukatsis ikunkainaii.

Romanos 8:18

Jaska inun, natian Jesús nun ikunwainbu jamapai bikawen bedubi tenei nun nuitapayuaibudan, Diosbe nun jiwexanai betsajaida nun ixanaii. Na jiwexun nun teneai inun, na bika nun tenekubainai chipu jawama keska ixanikiki.

Romanos 8:39

Jaska inun, jawada kushipabu manaundixun inun naman uke medan mai medanxun inun, jabu Diosun jatu damiwanibun jaska shadabun nuku dapaxkamatidubumaki. Nukun Xanen Ibu Jesucristo Dios jawen nuiai jawa dapaxkamama ini nuku uinmanixun nukudi bechipaikin jawen nuiwen nuku jawa dapaxkamadi ixanikiki.

1 Coríntios 2:2

Jesucristo cruzkia mawakin jawada nuku axuni man ninkakin ikunwanunbun ana jamapai miyui tibi betsa betsapakidi shinankatsi ikama Jesucristo bestikidi jas shinankin yusiin en matube jiwekunkainiki.

1 Coríntios 9:10

Dios nukuwendi nuiti Moisés jaska kenemaniki. Jakia mai pukinxun yunu banabu yunu ewatan kaniai tsekaxun betsa pimisbu keska wakin xekiwan xemenikatun xekiwan xemetan jatidi bumisbu keskai Dios dayaxuni nun nuitapayamanunbun medabewakin man nuku pakanunbun ina awakidi Diosun Moisés nun jawen dayakapabu nukukidi kenemaniki.

2 Coríntios 4:4

Tsuabunda jabun ikunwanbumadan, na mai anuxun jatun xanen ibu Satanásan jatu padankin jatun shinan nemakin bekun keska jatu wamiski. Jaskawen taexun Cristo, Dios itsa jiwea mekenika kushipa yudabu mawaxuntan jatun chakabu ana shinanma buakatsis ini ninkabiakin kaka pepa xabakabi ikunwantidubumaki.

Efésios 4:13

Jaskakunkaini dasibi putanameama ikunwainbuki dasitan Diosun bakekidi tapinkubainkin Cristo ikunjaidawai jawa shinan betsa wama Cristokidi unanepai dasibibu nun itidubuki.

Filipenses 1:1

En Pablo inun Timoteon, Jesucriston tsumapan, man jabun Jesucristo ikunwainbu Filipos anuabu inun, jabun matu mekemisbu inun, matu medabewamisbu man dasibi Jesucristoki dasiabu nun matu kene bumai uindakanwen.

Filipenses 3:10

Jaskakin Cristo ana en unanjaidakatsis ikaii. Jaska inun, jawen Epa Diosun mawabu ana bestenwanti kushipa en jayakatsis idiaii. Jaska inun, ana jaki dasijaidanun ika ja nuitapawanibu keska eadi dateama mei mawakin en chibankatsis ikaii.

Filipenses 3:12

Jesús besti chibankatsis ibiai en pepai keyudiama inun en tapin keyudiamadiki. Jakia pepa besti en ikunkainxanun Jesucriston ea bechipaikin ea katuniwen taea jawen shinan chibain pepatan jaki nukukatsis iki jeneama manai en chintunkidanamaki.

Filipenses 3:7

Na jaska tibi Moisin yusian chibainan, en jaki chiti ikadan, enadan, ewapa benuisma en shinaniki. Jakia natian Cristowen taeadan, en ana jawen teatidumaki.

2 Timóteo 4:6

Jamen eadan, natian ma en yuda Jesucristo inankin en mawaxunxanai ma kemaikiki.

Hebreus 3:14

Cristobe jiwekatsis ikin jawen kakape ninkatan nun ikunwankin taewanidan, betsa wama jabiaskas jakidi shinankubainankanwen.

1 Pedro 2:7

Na jaska keneni keska tsuabunda ma ja mishki kushipa ikunwainbu matudan, man ja bechipaijaidaii. Jamen tsuabunda ja mishki kushipa ja ikunwanma danankubainkanikiki, ja keneni keska wakinan: “Mishki jiwe wanikabun ja mishki dananbiaibun jawen jiwe mestenwanti kayabi mishki pejaidaki, kushipadan”, aniki.

2 Pedro 1:2

Dios inun nukun Xanen Ibu Jesús jaibuwakin man jatu unanjaidaya unanuma matu jiwemakin matu duawachakayamai bikubainkanwen.

2 Pedro 1:3

Dios kushipa paepatun jaska jatun bechipaiai keska jawen jiwekin nun jakidi shinankubainunbun nuku inanki, Jesucristo nun ikunwanyan Diosun nuku kenatan jawen daya pepa nun jayaxanunbun jawen kushipa medibiwen nuku katukinan.

2 Pedro 1:8

Man jaska tibi jaya man jawen ewaidan, chanima nukun Xanen Ibu Jesucristo unankin man jamen jaibuwamaki. Ja inun, matun jiweadan, jamenmadi ixanikiki.

2 Pedro 3:18

Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro

1 João 1:3

Ja kakape nukubun uinkin nun ninkanidan, Epa Dios inun jawen bake Jesucristobe nun jatube dasia keskadiai matudi man nukube dasidianunbun nun matuki chanikunkainaii.

1 João 2:19

Jabu taxnidan, nantekea beama jabia nuku anua iki taebainkanikiki. Nukube ichabiamisbu Jesucristo danain ana nukube ichama jaki sinatakanikiki. Jamen nukubetan ikunwainbunan, nuku paxkabainama itidubuki. Jakia nuku paxkabainaibu uinkin ikunwan kayabiabuma man xabakabi unantidubuki.

1 João 5:20

Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.