Filipenses 2:30 - Kashinawa : Diosun Jesúswen taexun yuba bena yiniki

³⁰ Tsuan man ea jaska watidubumajaidabiaken Epafrodito ewen taea jawen jiwea yaushiama mesebiaken Cristo dayaxunaiwen taea ea medabewai juima isin paepa bitan mawakin chanima nuku xununkeanimaki.

Kaxinawá Bíblia (BR)

³⁰ Tsuã mã ea haska watirubumahairabiakẽ Epafrodito ewẽ taea hawẽ hiwea yauxiama mesebiakẽ Cristo dayashunaiwẽ taea ea merabewai huima isĩ paepa bitã mawakĩ txanima nuku shunũkeanimaki.

Filipenses 2:30 Referencias Cruzadas

Hechos 20:24

Jabiaskabiaken eadan, en jiweawen nui yaushiama en daya Jesúsun ea yununiwen taexun Dios yudabuwen nuikin jaska wakin jawenabu jatu wakatsis ikaikidi punu nukama benimai jeneama en jatu yusinkin keyukatsis ikunkainaii.

1 Coríntios 16:10

Nukun betsa Timoteo matu anu jatiada kaya nukun Xanen Ibun daya en axunmis keskadi akaiwen taexun jikiai ixun duawaxankanwen.

1 Coríntios 16:17

Man chai jiweken matumaki Estéfanas inun, Fortunato inun, Acaico ea anu beshinxun jawada man ea axuntiduma ea axuainbuwen taea en benimajaidaii.

2 Coríntios 12:15

Matu anu jikitan matun ibu keskakin matuwen nuijaidakin matu medabewakatsis ikin en jawada bikin dasibi en pei putakin en keyuxanaii. Ja inun, matu bechipaijaidakin en jeneama ibiakunkainaya ¿matunan, man ea bechipai midinkin jenekubainxanai?

2 Coríntios 4:12

Jaskaken xaba betsa nun matu mawabiaxunxanaya Jesucristokidi nun matu yusinmiswen taea niti ikama matudi benuama man jabe jiwepakexankanaii.

Filipenses 2:17

En jiwea en matu inani keska wakin en matu ikunwanmaniki. Matundi ikunwankin matun jiwea man Dios inankuinyaiin. Jaskawen taea en jiwea yaushiama mawakinan, jau man ikunwankin jeneyamanun en jiwea Dios en matu inankuinxuntiduki. En matu jaskaxuni en benima paewen dasibi en matu yuiaii.

Filipenses 2:27

Chanima ikimaki, isin paepa bitan tenei mawakeanidan. Jakia Dios jawen nuikin ewendi nuidiakin jau ana ea bika betsa tenemayamanun Diosun xuxawaimaki.

Filipenses 4:10

Badi betsatian man ea medabewani keskai man ana ewen dabanan ikaya en Xanen Ibuwen en benimachakayamaii. Jaskaken man ea jakimakidi en shinanmaki. Jakia matun jawada man ea bumatidubia natian en chaiken jaska waxun man jawaida ea medabewatidubumaki.

Filipenses 4:18

Epafrodito yunukin matun pei man ea bumaima dasibi en bimaki. Jawen en jamapai en paka keyubia texe en jayayuaki. Jaska inankuin ea yunukinan, Templo anuxun ininti pepa ininjaida kuakin Dios inanbu jaska xetei Dios benimamis keskai eadi matuwen en jabiaskadiaii.

Filemom 1:13

Jesucriston kakapekidi datan akin en yusinkubaunpanan bichikin ea nemaimabu min ea jaska waxun medabewatidumaken miwen Onésimon ea medabejaidawakubaini yaushikin en nichinkatsi ikamabia

Apocalipse 12:11

Jabu nukun betsabun Satanás maemakinan, Jesús Diosun chaxuwan bake jabu mawaxunkin jawen jimi jabaniwen taea inun jawen kakape jancha chanikin jawa dateama jatun jiwea benutiduma unankubainmisxun jabu mawawen dateisbuman Satanás ma maemadiabuki.