Filemom 1:7 - Kashinawa : Diosun Jesúswen taexun yuba bena yiniki

⁷ Jesucristowen en betsaan, min nuikipawen taea miwen taea benimai en shinan chankaiin, ikunwainbu Diosunabu medibi juinti shinan chankanwankin min jatu nuikipa wakubainmiswen taeadan.

Kaxinawá Bíblia (BR)

⁷ Jesus Cristowẽ ẽ betsaã, mĩ nuikipawẽ taea miwẽ taea benimai ẽ xinã txãkaiĩ, ikũwaĩbu Deusunabu meribi huĩti xinã txãkãwãkĩ mĩ hatu nuikipa wakubaĩmiswẽ taearã.

Filemom 1:7 Referencias Cruzadas

1 Coríntios 16:18

Jabun man ea axuntidu keska wakin ea anu beshinxun en juinti shinan chankanwankin ea benimawakanikiki. Ikunwain betsabu jaska keskabu duawadiakubainkanwen.

2 Coríntios 7:13

Jawaida en yunuti chibankin man akimaken ana juinti nishmama matuwen janunkain nun shinan chankaiin. Jaska bestiwenma Tito matube janchakin matun shinan pe unantan matuwen shinan chankankidani nukuki ana nukutan matukidi nukuki chaniaya jaska tibi matukidi ninkatan nun benimajaidakunkainaii.

1 Tesalonicenses 1:3

Man eskai jiwea ikunwain Jesúski chiti itan, ikunwain betsabube medabenain bika tenebiai jawa chintuanma nukun Xanen Ibu Jesucristo man manaya nukun Epa Diosbe janchakin matu dayuixunkin matukidi shinankin nun jeneama ikunkainaii.

1 Tesalonicenses 2:13

Jaska wakin Diosun kakape nun matu yusinma ninkakin junibun yusian keska man shinanma jakia Diosun jancha besti chibankin shinankin man ikunwanyan jawen janchawen taexun Diosun matu shinan betsa wamakubainimaki. Diosun matu jaska waimawen taexun nun matu Dios kenwanxunkubainaii.

1 Tesalonicenses 2:19

Nun jaskakunkainkin nun matu yusintanima shinan betsama ikunwan bestikin betsabu ikai keskama jatu binui man jawa chintuanmawen taea janu kupiaitian nukun Xanen Ibu Jesús ja nun manaka juaya nukun benima pae matuwen taexun tsuan nuku mebintiduma nun unaiin. Jaskai nun benimaya matuwen taexun Diosun nuku kenwanxanikiki.

1 Tesalonicenses 3:9

Janua nukubu matuki ana bai kaxun ana matu yusinkin kushipa wakin jaska nun matu yusin keyudiama matu yusin kakatsis ikin meshu medan inun badidi nun matu Dios yukaxunkubainaii. Man jaskakin ikunwain chintuanbumawen taexun man nuku benimawaya jaska waxun matuwen taexun Dios nun kenwankin keyutidumaki.

2 Timóteo 1:16

Ea jaska wabiaibun nenu Roma anu en bikai jiwebiaken nukun jaibu Onesíforon Roma anu jikitushitan jawa juindukuanma ea bechinun ika ea benachakayamakin atimas ea bechimaki. En mane dispi chiwetameyawen en menexekeaki dakeama jawenchains ea medabewakin ea shinan chankanwanbidanbidanimaki. Ea jaska waimaken Diosundi jawenabuswen nuikin jau jatu medabewakubainunwen.

Filemom 1:20

En betsaan, eskaki, shinanwen. Min ebetan Cristo ikunwainan, nukun Xanen Ibu benimawanun ika ana jaki sinatama ewen nuikin Onésimo ea jaska waxunxanwen, ea juinti shinan chankanwankinan, jaska nun Criston betsawen taeadan.

2 João 1:4

Jaska Epa Diosun nuku yununi matubu jatiditun chibanjaidai matukidia beabu jatuki en nukua chanima jaska jancha chanimawen jiweaibu jatu uin en benimajaidaimaki.