Efésios 1:4 - Kashinawa : Diosun Jesúswen taexun yuba bena yiniki

⁴ Diosun Cristowen taexun nuku katununbadikatsi mai damiwadiama jaska shinaniki. Jaskaken jawen besuudi nun chakabuma pe besti nia nuku uinunbadikatsi iniki. Nuku bechipai nukuwen nuikin

Kaxinawá Bíblia (BR)

⁴ Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 1:4 Referencias Cruzadas

Mateus 24:22

Ja jaskaibutian Diosun jawa nemakin tsua paxawatidumabia ma jawenabu jatu katuniwen taexun jatuwen nuikin jau dasibibu debui keyuyamaxanunbun yumainbutian Diosun badi ana chai wama chaima xekaxanikiki.

Mateus 24:31

Diosun jawen nai tsumabu yunua jawen trompeta chaan akin jawen katuabu mai jidabi anu manibaunabu jatu ichawaxankanikiki.

Mateus 25:34

Janua en xanen ibujaidatun enabu en yusiudi en jatu nichian mapuabu jatu yuikin: “En Epan mai damiwakin taewakin matu jabe jiwemakatsi matu katunixun natian matu ma kenaikiki. Jabe jiwedi bekanwen, matu duawai benimaikikidan.

João 10:16

Nenu besti enabumaki, na chaxuwan kene anuadan. Jakia chaxuwan betsabudi Diosun ea ma yununiki. Israelbumabiaken jatudi en mekekubainxanaii. En jui ninkaibu chaxuwan xukua bestichai mekenika bestichaiya keska Israelbun ea ikunwainbube Diosun enabu dasibi ea iwexunxankanikiki, jatuki dasi wakinan.

João 15:16

Man ea katuama ean en matu katuniki. Jaskawen taexun en matu yunuaii. Kaxun jatu yusinkin man bimi ichapa wai keska wakin en tsumabu jatu wakin jau chintunyamanunbun jatu kushipa wakubainxankanwen. Jaska wakin en kenayaxun Epa Dios jamapai tibi man yuka matu axunxanikiki.

João 17:24

Epaan, mai damiwakin taewadiama min ea bechipaikin ea chaxakapa jawenduawakin taewani min jabiaskadi ea wai jau ebe jiwekin uinxanunbun jabu min ea yununi ebe jatu jiwemaxanwen— iwanan,

Hechos 13:48

januxun jatu jaska wai ninkatan judiobuman ninkai shinan chankain benimakin yuikin: —Diosun kakape pejaidaki— ikaibu dasibi jabu Diosun katuxun jiwekuian jatu inanxanai jabuan Jesús ikunwanibukiaki.

Hechos 15:18

Jaska bebunkidijaida en Yavé Dios janchakin jatu yubaidan, chanima en jatu axununbadiaii’, ikai ninkatan nuku kenexuniki— iwanan

Hechos 18:10

Na jabia maewan anuxun yuda ichapabu en katuaiwen taexun jawa miki sinatakin tsuan mia chakabu watidumaki, en mia putamakidan— akima

Romanos 8:33

Diosun ma nuku katunixun ma nuku pepawabianiken Dios bebunxun tsuan nuku ja akin nuku chitetidumaki.

1 Coríntios 1:8

Jaskawen taexun Diosun jawa jeneama matu kushipa wakubaini Cristo ana juaya jawa chakabu matukidi yuitidubuma ixankanikiki.

Gálatas 5:13

En betsabu inun en puibuun, man judiobun beyauma jawama man jiwekubainunbun Diosun matu katuniki. Jaskai jiwekin matun yuda meke chakabuwama nukunabube duanamei jatube nui medabenamekubainkanwen.

Gálatas 5:22

Jamen betsadan, jexe pepa banabu pepa jukunmis keskai tsuabuda Diosun Yushin Pepatun mekexun amakin jatu pe jiwemabainaidan, eska xabakabi jatu anua taxnimiski, bechipainamei jawenabuwen nuidan, benimakin Dios kenwainan, unanuma jiwea tsuki sinatamadan, jin jin ikama jawada teneamadan, jatu chikishwabu kunyan akamadan, jatu duawaidan, yaushiama jawada pepa jatu inankubainidan, jawada yubakaxun kaneama akidan,

Gálatas 5:6

Jaska inun, Jesús ikunwankin jina kubichi mexteaibu inun mexteabuma jamen ikanikiki. Jakia Jesucristo ja besti ikunwain nui benimai nun jaki chiti ikubainaibu besti nun jawenabuki.

Efésios 2:10

Diosun jaska nukukidi shinankin jatun nuku damiwakinan, jawen bake Jesucristoki dasitan jawenabun jawen daya pepa inun jawen baii pepa chibankin axuin nun jiweyukubainxanunbun Diosun bebunkidi nuku katukin pewaniki.

Efésios 3:17

Ja dikabi Cristo matube jiwea man jayadan, jawen nui kayabiwen matu mestenwanma man jawen ikunwainan, ja matun juinti medan shinankin jau man chibankubainunbun en matu yukaxundiamiski.

Efésios 4:2

Eskaidan, bebukaini keanma betsa binuanma inun, duapai betsabu bechipai inun, jin jin ikin jawada bebunkidi anun ika jawaida sinama ikunwain betsabube nui uinanain tenexun uindakubainkanwen.

Efésios 5:2

Jaska inun, Criston nuku bechipaikin Dios duawanun ika Diosun kupiti nuku bixuin mawai ininti jawendua keska puekin Dios benimawaniken jaska Cristo nuku ixuni keskadiakin nukubetan ikunwainbu dasibibube nui bechipainamei jiwekubainkanwen.

Efésios 5:27

Cristo jabun nun ikunwainbu pepajaida jawa detsis neama jawa tadi chunpima ana jawa chakabu betsa tibi jayama nukun jiwea xeni jenetan pepa medibi besti jaska jatun besu uinkatsis ikikiki.

Filipenses 2:15

Man jaskai jiwea matu tibi man chakabuma inun man kaneisma jaska Diosun bakebui ja yuda chakabubu inun atimapabu anua meshu nea keskama man jatube jiweadan, bishin kushipa chaxai jawen unanbainti keskakin

Colosenses 1:22

Jamen natianan, Diosun bake Cristo ma juni jawen yudawen nuitapatan matu mawaxunkin jawen mawawen Dios matu daewamaxuniki. Jaska matu wakinan, jawen besuudi jawa chakabuma inun jawa meshu tsamiama inun tsua chakabu matuki chanitiduma matu nichinkatsi iki matu ixuniki.

Colosenses 2:2

Jau man shinan chankain jenetima binunbun inun, jawa betsa shinanma ikunwain betsabube ketaxamei nuinamei man bechipainamenunbun inun, unanepakin Diosun jawen yuba betsa juneni Cristokidi natian jau xabakabi man ninka pejaidawanunbun en matu dayai jenexunamaki.

Colosenses 3:12

Jaskaken Diosun matu bechipaikin jau jawenabu medibi tadi man inunbun matu katunikenan, matun shinan pepa kainmakinan, tadi bena sawea keska wakubainkanwen, yuda betsabuwen nuidan, pepaidan, babutan keanmadan, duapaidan, jin jin ikama manakaidan.

1 Tesalonicenses 3:12

Ja inun, nukun Xanen Ibun jau matu ana ewawakin bechipainamemakin nui ichapa matu inankubainunwen. Matu jaska wa jayatan ikunwain betsabuwen nuikin yudabu dasibiwen nuitishada ikubainkanwen, jaska nun matuwen nuikunkainai keskaidan.

1 Tesalonicenses 4:7

Jakia nun jaska chakabui atimapakunkainmis Diosun bechipaismaki. Jaskawen taea nun pepa bestikubainunbun jawenabu wakin Diosun nuku katuniki.

2 Timóteo 1:9

Eska Diosun bebunkidi shinanidan, jawada pepa nun amiswen taeama jakia jaska Diosun na mai anu jawa wadiamajaidabia bebunkidi jawen shinan duapawen taexun jawen janchawen jiwei nun jawenabu medibi pepakubainxanunbun nukun chakabuwen nuku kupikatsi ikama jaska yubakaniwen taexun tsuabunda Jesucristo ikunwainbu nuku katukin kenanixun natian nuku ma mekekubainikiki.

2 Timóteo 2:10

Jaskaken tsuabuda Diosun katunibu Jesucristo ikunwain pepai jau jatun chakabuwen Diosun jatu kupiama jatu paxawakin piskuma jau jawen kushipa ikibi ikanu jau janu jiwediaxanunbun natian ea jiweyuxun en jatu bika tenexunyuaii.

2 Timóteo 2:19

Jatu jaska wabiaibun ma medibi Diosun jawenabu kushipa wakin mestenwani jawa ana betsa wama ixanai ma Diosun jancha kaneama kenenibu jayaki. Jaskaken: “Nukun Xanen Ibun jadatuda jawenabu ma unainkiki”, ja inun: “Tsuabunda nukun Xanen Ibun kenawen Diosbe janchakinan, jatun chakabu chitetan jau jenekubainunbunwen”, adiani kenenibu jayaki.

Santiago 2:5

En betsabu inun en puibuun, matuwen nuikin en matu bechipaiai en jancha ninkaidakanwen. Na mai anua tsuabuda nuitapaibu Diosun katua jabun Dios ikunwan kayabiaibu pepakanikiki. Janua chipu jaska jiwekunkainaiwen taexun niti akama nai anu jabe jiwemaxanai Dios yubakanixun dananma jatu bechipaimisxun jatu manakuxanikiki, nai anu jatu jiwemakinan.

1 Pedro 1:2

Epa Diosun tsuabuda katukatsis ikin bebunkidi jaska shinain keska man ixanunbun jawen Yushin Pepawen matu pewanixun ma matu medibi waniki. Jaskawen taexun man chibankubainxanunbun jawen jimiwen Epa Dios daewakin Jesucriston matun chakabu buaniki. Jawen taexun Epa Diosun jawen pepa ichapa yaushiama matu inankin jau matu unanuma jiwemakubainunwen.

1 Pedro 1:20

Ja inun, nai inun mai damiwakin taewadiama Mesías Cristo yunununbadikatsi Dios bebunkidi yubakaniken janu ma badi jawen jeneaitian ma kemaya matu medabewanun ika Jesús taxninikiaki.

1 Pedro 2:9

Janua matudan, yuda xuku betsa matu katuniki. Ja inun, xanen ibu binua Diosbe janchaxunikabu matu dasibi wakin ikunwainbu medibi xukua betsa matu wakin Diosun ibu wakin bechipaikin jawenabu matu wadianiki. Jaskawen taexun jakidi jawen daya pejaida Dioskidi man chanikubaunxanunbun man meshu medan ika keskaxun chakabu wamisbu janua matu kenakin Criston xaba jawendua anu matu jikimakin jiwemakatsi matu taxnimaniki.

2 Pedro 3:14

En betsabu inun en puibuun, en matuwen nui jeneama en matu yusinkubainai eskakidi shinankanwen. Jau dasibi man jawa detsisma inun jawa chakabu jayama inun unanuma man jiwe bestiken jau Jesucristo matuki nukuyuxanun en matu yusinxu shinain jakimama manakakubainxankanwen.

1 João 4:16

Chanima Dios nun bechipaiaidan, ikunwankin nun ma Dios unankanaii. Diosdan, nuikipa bechipainamenikaki. Tsuada ja nui jaya jiweadan, Dioski dasia jiweaki, Diosdi jaki dasidiadan.

Apocalipse 13:8

ja yuinaka mese atimapa kenwankinan, jabu mai jidabi anu jiweabu tsuabuda bebunkidi Diosun mai dami wadiama jabun kena chaxuwan bake nuku mawaxunitun unaki keneama ini jabun besti duawakin kenwanxankanikiki.

Apocalipse 17:8

Yuinaka mese atimapajaida min uinxudan, bebunkidi jiwebiani natian ana jiwea jayamabia jaskabia ana jawen jenei Dios kupimakin keyumayui kini keyatapa xankinjaida anua mapekei taxnia Diosun yamawaxanikiki. Jaskakidanai mai damiwaitian tsuabuda Diosbe jiwekuinxanaibu unaki Diosun jabun kena netanma ini yuinaka mese atimapajaida mawabiani ana un unuatian jiwea mapekea jabun uinkin yui: ‘Jabaa! ¿Jawamen?’ ixankanikiki.