Apocalipse 8:3 - Kashinawa : Diosun Jesúswen taexun yuba bena yiniki

³ nai tsuma betsan oro mane kencha tsumatan Dios kenwankin jawen inankuinti janu janati tapu anu Dios xanen ibu jaki tsauti besuudi ka nia jabun Dios kenwainbun jancha duapa inintibe jusixun janu kenwanti tapu anu jau manchinun ni pei ininti pepa ja bechipaimis ichapa nai tsuman inan

Kaxinawá Bíblia (BR)

³ nai tsuma betsã ouro mane kẽtxa tsumatã Deus kẽwãkĩ hawẽ inãkuĩti hanu hanati tapu anu Deus shanẽ ibu haki tsauti besuuri ka nia habũ Deus kẽwaĩbũ hãtxa duapa inĩtibe husishũ hanu kẽwãti tapu anu hau mãtxinũ ni pei inĩti pepa ha abumis itxapa nai tsumã inã

Apocalipse 8:3 Referencias Cruzadas

Lucas 1:10

jikixun chi tsistuki jawen Dios kenwanti ininti dau Zacaríasin jatu kuaxunaya jemaintin anuxun yuda ichapabu ichaxun Dios kenwain danti ika maniabun

Romanos 8:34

Jaska inun, Jesucristo debutan jaska bestiama ana jiwei bestenkain nai anu Diosun yusiudi tsaunixun Jesucristo jabe xanen ibukin Dios nuku ea axunbiaya tsua betsa kushipatun Criston nuku pewaxuni nematidumaki.

Hebreus 7:25

Tsuabunda Jesús ikunwain jawen Epa Dioski dasia Diosun kupiti binui paxaibu jiwekuian inankin jatu medabewai Diosbe nuku janchaxunpakeikiki, jawa niti ikamadan.

Hebreus 9:4

Ja dintu medanan, jabianuxundi jakixun ininti kuati oro mane chi tapu jayaniki. Ja inun, jawen Diosun yubani jancha aduti bau medibijaida oro jaswen dasibi bepukin keyua jayanikiaki. Ja medan oro mane shumuki janu tsua jiweabumanuxun Diosun jatu inankin jatu pimapauni maná dudu inun, Aarónen mestenti dami jukuin juani ji inun, mishki tude sapa dabeki Diosun yunuti inun jawen nemati 10 jancha keneni jati jayanikiaki.

Apocalipse 10:1

Janua nai tsuma kushipa betsa nai anua butuai en uinxu matu yuinun ninkakanwen. Jawen yuda nai kuinen yabua inun, jawen buxka nawan bai tapia keska inun, jawen besu badi keska chaxa inun, jawen bikedan chi deken keskaki.

Apocalipse 14:18

janua nai tsuma betsan chi dasibi yununika Dios kenwankin tapu janu jawen inankuinti janamisbu anua kainkidankin nai tsuman beki machatu chaipa tsuma jui kushipawen yunukin: “Yudabu chakabu uva bimi ma jushian keskaki. Kania tibi mextexun ichawadiwe”, akaya

Apocalipse 5:8

janua benimajaidakin ja jiweabu dabe inun dabe inun ja 24 mekenikabun jatun mimawati betsa jawen kena arpa inun oro mane kencha ni pei ininti ja kuaxunti keska mata jaska jawenabu Diosbe janchamisbu tsumaxundi jabu dasibibun chaxuwan bake kenwain jaki danti itan

Apocalipse 6:9

januxun Diosun chaxuwan baken jawen unanti ja quinto tsamia daxnuaya jabun Jesús ikunwankin Diosun jancha Jesúskidi yusinkubaini bika betsa betsapa tenebiai chintuanbuma jatu tenanbu chi tapu januxun Dios kenwankin inankuinti januxun kuamisbu anu ja naman ja pepabun yushin datanbu en uianyan

Apocalipse 7:2

janua nai tsuma betsa badi juaikidia estekidia jukin nukun Epa Dios jiweatun jawenabu unanti waxunti jayatun jui kushipawen ja nai tsuma dabe inun dabe jabu kushipa mai inun ianenwan daunti jayabu jatu

Apocalipse 8:4

bixun nai tsuman jawen mekenki tsumaxun ja ininti inun ja Dios yukamisbu chi deken matsistua menui jawen kuin inin pejaida inabainaya ikunwainbun jancha duapa Dios yukamisbu ja kuinyanbi jusia inadiaya

Apocalipse 8:5

januxun nai tsuman oro kencha ana tsumaxun chi deken janu kenwanti tapu anua beakin mata waxun mai anu udenkin sa aka jadia kana baka baka itan tin ikainkaini pacha sakuaya

Apocalipse 9:13

Ana ja sexto nai tsuman jawen trompeta chan chan akai en ninkaya Diosun besuudi ja Dios kenwanti oro mane tapu anu ja dabe inun dabe dexun tibi jaki mani chimei chankan tsamia anua jui taxni janchakin