Apocalipse 3:15 - Kashinawa : Diosun Jesúswen taexun yuba bena yiniki

¹⁵ Man ea chibanjaidama inun ea dananjaidakubainama man shinan bekaxnaibu en unaiin. Jaskatimaki. Tsuabunda ea chibankatsis ikin jau ea chiban kayabinunbunwen. Jakia tsuabunda ea chibankatsis ikabuma danankin jau ea jene kayabinunbunwen.

Kaxinawá Bíblia (BR)

¹⁵ Mã ea txibãhairama inũ ea danãhairakubainama mã xinã bekashnaibu ẽ unaiĩ. Haskatimaki. Tsuabũra ea txibãkatsis ikĩ hau ea txibã kayabinũbũwẽ. Hakia tsuabũra ea txibãkatsis ikabuma danãkĩ hau ea hene kayabinũbũwẽ.

Apocalipse 3:15 Referencias Cruzadas

Mateus 10:37

Jawen ibubu inun jawen bakebu bechipaijaidakin ea bechipai bexmas wamisdan, enabumaki. Ja inun, tsuabunda ea chibankatsi iki bika tenei eki jawa dakeama: “En jabe mawakatsi ikaii”, ikin yuiabumadan, jabu enabumadiki.

Mateus 24:12

Ja inun, ikunwainbu ichapabu nawabun jatu ichakawachakayamaibun ikunwain betsabu ana bechipainamei nuiama ixankanikiki.

Mateus 6:24

—Ja inun, jadatuda dayadun jawen xanen ibu dabe dayaxunkin ja dabe medabewatidumaki, betsa bechipaikin chibankin betsa bechipaima danankin ninkamadan. Jabiaskadi wakin pei inun Diosdi chibankin ja dabe jaska waxun man duawatidumaki— iwanan,

Romanos 12:11

Ja inun, jawada nukun Xanen Ibun bechipaiai dayaxunkin ibubis chikishama jamapai tibi shinankin juintinin shinain benima paewen axunkubainkanwen.

1 Coríntios 16:22

Tsuabunda nukun Xanen Ibu bechipaiamadan, jau Diosun yupununwen. Nukun Xanen Ibu nun manai jawaida jau ana menan judinunwen.

2 Coríntios 12:20

Ja inun, tsuabunda en jancha man jabun danain man jaskadada en matu uin kaxanai inun, matundi jaskadada man ea uinxanai matuwen en dateaii, eska man jiweamenkain ikadan, man dananananbukuainwen inun, juni betsa ikaiwen uin man jatuki sinatamiswen inun, man pubeainwen inun, man ibubis kein binunanainwen inun, june man yuananainwen inun, man xabakabi chitenamemiswen inun, “Ean besti en jatu binuaki”, man ikaiwen inun, man medabenameismawenan.

Filipenses 1:9

Dios yukakin matu ea axunkinan, jau jawen nui ichapawen matu ewawakin jau apakenunwen, jeneamadan. Jaska wakin Diosun matu unanepa wakin ninkanika jau matu wakubainun, iwanan, en matu yukaxunmiski,

2 Tesalonicenses 1:3

En betsabu inun en puibuun, chanima matun shinanen Jesús ikunjaidawai man ma yumei kushipai en matu unaiin. Jaskakin ana jeneama ikunwain betsabube kushipai nui jenenameyamakubainxankanwen. Man jaskaya matukidi shinankin Dios matu yukaxunkin matuwen nun Dios kenwankubainaii, jaska nuku yunuayadan.

Santiago 1:8

natian jatun jamapaikidi Dios yukabiatan jaskas ikunwankin shinanma pena betsatian ana jaskakidi yukashina ikunwankin mestenwamamadan.

1 Pedro 1:22

Man ma jaskawen taea natianan, Diosun kakape Jesúskidi ninkatan ja jancha chanima chibain man ma medibi pepabuki. Jaskakubainkinan, ikunwain betsabube bechipainame kayabikubainkanwen. Jaskakin matun juinti jawa chakabu jayama inun matun kushipa jidabiwen betsabu medabewai jatuwen nui bechipainamei jatube duanamepakekanwen.

Apocalipse 2:2

Ea chibankin ea dayaxunkin bika tenei man chintuanbumaki. Ja inun, tsuabunda matu padanmisbun yuikin: Jesúsun kushipawen en jawen yununikaki. Ea ninkakanwen, ikaibu unantan jatu danankin

Apocalipse 2:4

Jakia na bestiwen en matu chiteai ninkakanwen. Ja dukun ea ikunwankin taewakin man ea duajaidawakubaini keskama man ana jabias keska ea wamaki.

Apocalipse 3:1

Ana Jesúsun ea yuikin: “Jatun Diosun jancha yuinika Sardes anu ichamisbu mekea na jancha en mia yuiai kenexundiwe: ‘Ja 7 Diosun Yushin en jaya inun ja 7 bishi en tsumaxun en mekeatun en matu yuiai ninkakanwen. Jaska man jiwexun jatu kaka jawendua ninkamabiai uke medan man mawa keskabu en matu unaiin.

Apocalipse 3:16

Jamen tsuabuda ekidi shinan bekaxnadabei maniabuwen taexun janain keskakin en matu putaxanaii.