Apocalipse 2:22 - Kashinawa : Diosun Jesúswen taexun yuba bena yiniki

²² Jaskaken kupikin en isin chakabu tenemaxanaii. Ja inun, ja ainbu Jezabel inun dasibibun ja chibain jabe chutanamei atimapamisbun en yusian danankin jamapai chakabuwen kemumisbu bikajaida en jatu tenemaxanaii, jabun jawen yusian dananbumadan.

Kaxinawá Bíblia (BR)

²² Haskakẽ kupikĩ ẽ isĩ txakabu tenemashanaii. Ha inũ, ha aĩbu Jezabel inũ dasibibũ ha txibaĩ habe txutanamei atimapamisbũ ẽ yusĩa danãkĩ hamapai txakabuwẽ kemumisbu bikahaira ẽ hatu tenemashanaii, habũ hawẽ yusĩa danãbumarã.

Apocalipse 2:22 Referencias Cruzadas

Lucas 13:3

Jaskamaki. Jamen matundi matun shinan man betsa wama man jabiaskadiai mawaxanaii, Diosun matu kupiaitianan.

Lucas 13:5

Jaskamadiki. Jamen matundi matun shinan man betsa wama man jabiaskadiaxanaii, niti ikama nuitapakunkainidan— iwanan,

2 Coríntios 12:21

Jaska inun, matun maewan anu ana en kaken jabun chakabu betsa betsapa wakin kanekubainkin shinan betsa wadiabumawen taexun Diosun ea dakewaxanaiwen en dateaii. Uatian man chakabu jenediama en matu uintanima keska ana jabiaskaswen man jiwea uin juinti nishmajaida en matuya kaxatushitiduki, eska tibiaibu uinan, tsuabuda man jabun chakabu jenediama jaikaimas chakabuwen jabun shinan chakaibu inun, juni dabe chutanameaibu inun, ainbudi yuda tibibube chutanameaibu inun, atimapakin jatun shinan benutan chakabu bestiwakubainaibuwenan. En betsabu inun en puibuun, en matu anu kadiamaken matun shinan betsa wai bebunkidi pepadikanwen.

Apocalipse 17:2

Mai jidabi anu xanen ibubu jawen kemui jabe chutanamei keskai ma jabe beyabuki. Jaska inun, yudabudi mai jidabi anuabudi Dios kayabi ikunwanma jamen yushin betsa betsapa ikunwain jawen kemui chutai keskai jabun kemu paewen paean keskabuki. Uinwen”, iwanan,

Apocalipse 18:3

Ja inun, mai pakea tibi anua bea jawen jamapai tibi kemu pae jawenduawen kemui jabe chutanamei keskaibu inun, xanen ibu kushipa betsa betsapa tibidi chai jiwea midimabun Babiloniabe atiai keskai jabe yubakamisbuki. Ja inun, ja mabu inanananmisbu mai jidabi anuadi bea janua mabuwanyain jabun mabu inankin pei midima bimisbuki”, ikaya

Apocalipse 18:9

ana nai tsumapan ea yuikin: “Maewan kuaya chi kuin nuyabainai xanen ibu betsa betsapabu jawen jamapaiwen kemui jabe chutanamei itsai kemui jabe jawen jawenduamisbu chakabu jatubetan akubainmisbun uin jawen nui sain iki kaxachakayamakin

Apocalipse 2:5

Jaskawen taexun jaska man ea duawakin taewani keska jani man benukainimamen, ana shinanjaidatan matun juinti pewakin shinan betsa watan ana Dios anu chintuntan ea chibankubainkanwen. Jamen man jaska betsa wamaken matu anu ana kaxun matu danankin matun oro mane chanka daka matu anua mebinkin en tsekaxanaii.