Apocalipse 17:5 - Kashinawa : Diosun Jesúswen taexun yuba bena yiniki

⁵ inun, jawen betunkuki jawen junea kena kenea: “Babilonia maewan mesejaida ea en jatun ibu jininipaki. Ea anu ainbu jininipa dasibi inun jamapai shadabu mai jidabi anuxun pepa danankin chakabuwamisbu jiweabuki”, ika netanki.

Kaxinawá Bíblia (BR)

⁵ inũ, hawẽ betũkuki hawẽ hunea kena kenea: “Babilônia mae ewapa mesehaira ea ẽ hatũ ibu hininipaki. Ea anu aĩbu hininipa dasibi inũ hamapai xarabu mai hirabi anushũ pepa danãkĩ txakabuwamisbu hiweabuki”, ika netãki.

Apocalipse 17:5 Referencias Cruzadas

Filipenses 3:19

Ja yudabu jaskabudan, nukun Dioskidi shinanma jabun diosdan, pikekin pi bestimisbudan, ja inun, jawen kenmisbudan, yudabu jawen dakebiaibun jabu dakeama jamapai chakabu na mai anua besti shinankin bechipaikin akubainmisbu janu badi jawen jeneaitian jabu benununbadikanikiki, Diosun jatu kupiadan.

2 Tesalonicenses 2:7

Ja juni chakabu Satanásan kainmaxanaidan, ma june yubakai dayaikiki, yudabu padankin chakabu ewawaidan. Jaskabiaya jatun nemakubainmisxun jenea janua ana nemamaken taxnixanikiki.

Apocalipse 1:20

Ja jawada junea min uinxu xabakabi mia yusinun ninkawe. Ja 7 bishi en meken yusiudi en tsuma min uinxudan, ja 7 mae ichamisbu tibitun medabenan Dios yuixunikaki. Ja dikabi jaki bin tsaunti 7 oro mane chanka daka min uinxudan, ja 7 mae ikunwainbu ichamisbuki”, iwanan,

Apocalipse 11:8

Jerusalén bai kaya namaki jabun yuda datanbu na jaskaidan, januxun jatun Xanen Ibu cruzki mastanibu anu ja maewan Jerusalén anu yuda jiweabun Diosun jancha danankin ninkaisbuma Sodoma inun Egipto anu jiwenibu keska ikubainaibu anu jatun yuda dakaken

Apocalipse 14:8

janua ja nai tsuma betsa ja kachukeatun chibanbainkin jui kushipawendi yuikin: “Babilonia maewan ken ewa ma yamaikiki. Babilonia anuabun chakabujaidawakin chutawen kemukubainkin nawa betsa betsapabu dasibi jabiaskadi chakabu atimapa jatu wamakubainaibuwen taexun jabun maewan Babilonia Diosun kupikin ma yamawaki”, ikainaya

Apocalipse 16:19

dasibi yudabun maewan Diosun tekekin keyukin ja maewan Babilonia kushipajaidabia jawen chakabu shinain jaki sinatajaidakin pakea dabe inun besti waxun jatu kupijaidakin

Apocalipse 17:1

Januxun ja 7 nai tsumabu betsan 7 kenchaki Dios sinatamis mata tsuma juxun ea yuikin: “Nedi juwe, ainbu jininipa jenewan nemaki tsaua en kupiai en mia uinmaidan.

Apocalipse 17:2

Mai jidabi anu xanen ibubu jawen kemui jabe chutanamei keskai ma jabe beyabuki. Jaska inun, yudabudi mai jidabi anuabudi Dios kayabi ikunwanma jamen yushin betsa betsapa ikunwain jawen kemui chutai keskai jabun kemu paewen paean keskabuki. Uinwen”, iwanan,

Apocalipse 17:7

nai tsuman ea yuikin: “¿Jaskai e iki min jawen dateai? Ja ainbu inun ja yuinaka atimapa mese 7 buxkaya inun 10 maxunyan ainbu jaki tsaua ja dabekidi junea xabakabi mia yuinun ninkawe.

Apocalipse 18:2

jancha kushipawen sai ikin yuikin: “Babilonia maewan ken ewa ana jawama jawen kushipa ma bextekeaki. Janu Satanásan tsumabu inun, jatun yushin chakabubu inun, peiyabun pisi pimisbu inun, yuinaka atimapa piama nun dananmis ma jabu jawen jiwekanikiki.

Apocalipse 18:21

Januxun nai tsuma betsa kushipajaidatun jawen deneti mishkipawan binibainkin ianenwan anu udenkin pukuxun yuikin: “Na mishkipawan ianenwanu en pukuxu keska ja maewan Babilonia tsuan ana uintiduma ipakexanikiki.

Apocalipse 19:2

Ja inun, yuda dasibibu unanxun kaneama kupimiswen taexun maewan ainbu jininipa keskatun yudabu dasibi chakabuwamakubainai ma kupikiki. Ja inun, ainbu jininipa keskatun Diosun tsumabu tenankubainmiswen taexun Diosun jawen maewan jaki sinata paepakin yamawaikiki”, itan

Apocalipse 7:3

yuikin: “Meyamayukanwen. Diosun tsumabu jabun betunkuki netankin jabu Diosunabu nun unanti wadiamaken mai inun ianenwan inun ji mapua ichakawakin daunyamayukanwen, Diosunabu jau mawayamayununbunan”, jatu wa