2 Timóteo 3:16 - Kashinawa : Diosun Jesúswen taexun yuba bena yiniki

¹⁶ Dasibi Diosun janchadan, junibun shinanma Diosun jatu shinanma jabun kenenibudan, jadan peki. Jawen yuda betsabu yusinti inun jawen jatu nemakin bexteti inun, jatu jawen pewati inun, jau jawen jiwei pebainunbun jawen jatu unanepa watiki.

Kaxinawá Bíblia (BR)

¹⁶ Dasibi Deusũ hãtxarã, hunibũ xinãma Deusũ hatu xinãma habũ keneniburã, harã peki. Hawẽ yura betsabu yusĩti inũ hawẽ hatu nemakĩ beshteti inũ, hatu hawẽ pewati inũ, hau hawẽ hiwei pebainũbũ hawẽ hatu unãnepa watiki.

2 Timóteo 3:16 Referencias Cruzadas

Mateus 13:52

ana nuku yuikin: —Jawen jiwe anuxun juni betsan jawen mabu betsa tibi adutan mekea unainkiki, mabu bena inun xenidan. Jaska tibi adumiswen taexun jawada mabu pepa bena inun xeni ja dabe kainmamis keska wakin Dios xanen ibuaikidi en yusian bena inun yusian xeni katukubainkin eadi chibankin ea ikunwandiatan Diosun jancha kenenibu yusinananmisbun jatu pe yusindiatidubuki— nuku watan

Mateus 21:42

Jesúsun ana jatu yuikin: —Diosun jancha kenenibu ¿yuikin man uinsmamen? Matu ana yusinun ninkakanwen: ‘Jiwe wanikabun mishki dananbiaibun jabias mishki Diosun bixun dexun makedex wakin jawen kene mestenwan keska wakin nuku uinmakin jabaa! imakin nuku jadakidi shinantima waxanikiki’, axun keneniki.

Mateus 22:43

Jesúsun ana jatu yuikin: —Diosun Yushin Pepatun David yusian ninkatan ¿jaskakin jawen Mekenika Mesías Xanen Ibu wanimen? Matu yuinun ninkakanwen. Davidin yuikin:

Mateus 26:54

Jakia Diosun jaska waya jawen jancha yuixunikabun ekidi keneama inibudan, ea jaska wabuma ikeankanaii— iwanan,

Mateus 26:56

Eskawen taea man ikaii. Diosun jancha bebunkidi ekidi kenenibu jaska yuiniwen taexun man ea achiaii— jatu waya janua dasibi nun jawen tsumabu datekin Jesús besti jenebaini paxai nun junei keyubainaibun

Marcos 12:24

Jesúsun jatu kemakin: —Matunan, Diosun jancha kenenibu unanma jawen kushipa man unanmadiki. Jaskakin man kanemiski. Xabakabi matu shinanmanun ninkakanwen.

Marcos 12:36

Matu yuinun ninkakanwen. Diosun Yushin Pepatun David yusian kenenitun matu yuikin: Dios mekenikatun en Xanen Ibu Mesías yuikin: “Miki sinataibu en jatu maemadiama manai en yusiudi tsauyuwe”, aniki. Jaska watan keneniki.

João 10:35

Jaskawen taexun man danantidubumaki. Jaskaken jawen jancha jatu yunukin “Man diosbuki”, akin nixun

Hechos 1:16

—En betsabu inun en puibuun, jaska bebunkidi Judaskidi Diosun Yushin Pepatun David yuia kenenidan, jabias Judasin akin meneimaki. Jaska wanikidi akin chanima jatun jatu iyuxun Jesús jatu achimaimaki.

Hechos 18:25

Jesús mekenankidi unanmaimabu ikunwankin jaska Juanen besti jatu nashimani ja besti unankin jawa dateama benima paenwen yusinkin jaska Jesús jiwekunkaini mawa ana besteni xabakabi jatu yusianyan

Hechos 20:20

Ea jaska wabiabu dasibibun besuudia inun matun jiwe betsa betsapa anuxun matu yusinkin matu medabewanun, iwanan, jawa meseki dakeama en matu yusin jeneama iniki.

Hechos 28:25

jaskakidi shinanma jatunmebi itimaskatan inun bui beni taebainaibun Pablon eskakidi jatu yuikin: —Xabakabi matun xenipabukidi Diosun Yushin Pepatun janchamakin Isaías yuimakin:

Romanos 15:4

Jaska dasibi Diosun jancha yuixunikatun bebunkidi kenenibudan, jaska ja keneni tapinkin shinain nun jawen jiwekubainxanunbun nuku axunibuki. Jaskawen taea ja Diosun jancha uinkin tapin nun chintuanma nuku medabewaya jawen taea benimai nun jiweibi jiwexanai nuku manakamaikiki.

Romanos 2:20

Jaska inun, jawen yunuti inun jawen nemati Diosun Moisés yusini man jayawen taexun dasibi jancha kayatapia unankin jabun shinan benua inun jabu juinti babubu man jatu tapinmatidubudi man shinandiaii.

Romanos 3:2

Xabakabi matu yuinun ninkakanwen. Chanima ja dukun man judiobu jawen jancha Dios man axuntidu matuki chiti iniki. Matu jaska wani pejaidaki.

Romanos 4:23

Jaskawen taexun Diosun Abrahamkidi jatu kenemakinan, jakidi besti shinankin akama jakia yuda betsabukidi

1 Coríntios 12:7

Diosun nuku yunukin chanima xabakabi jawen Yushin Pepawen nuku tibi medabenanti shadawakin ikunwainbu dasibibu paxkatima wakin nuku yunua akeakemiski.

Gálatas 3:8

Janua judiobuma dikabibun jatun shinan betsa watan jatun chakabu jenetan Jesús ikunwanxanaibuwen taexun Diosun unankin jawen jancha yuixunika Diosun Yushin Pepatun Abraham kenemaxunkin yuikin: “Dios min ikunwainwen taexun yuda xukua tibibu dasibibun jawen bake ikunwainbu jiwekuinmakin Diosun miwen taexun jatu duawaxanikiki”, aniki.

2 Timóteo 2:25

Tsuabuda ninkaisbuma inun patapabu min jatu medabewakin pewakatsis ikaidan, juinti babutan jawa sinatama eska shinankin jatu unanmakubainwen, Diosun jawen chakabu unanma shinan betsa watan: “Jaskadan, chanimaki”, ikin jatun chakabu jenetidubu manakinan.

2 Timóteo 4:2

Eska en mia shinanxunaidan, Diosun jancha jatu tapinmakin jawa jeneama badi tibi benuama akubainwen, janu ninkakatsis ikin ninka pewaibutian inun janu ninkakatsi ismabia inun janu bika teneaibutianan. Jaska wakin jatu ikunwanmakin jatun chakabu jatu jenemakin jatu benimawakin jatu yusiin jin jin ikama akubainwen.

Hebreus 11:1

Diosun yubakati jancha chanima ikunwankin jawa uindiamabia jamapai tibi pepawen Diosun nuku duawaxanai jayakatsi jawa shinan betsa wama mesten besti watan nun manakajaidakubaintidubuki.

Hebreus 3:7

Jaskawen taexun Diosun Yushin Pepatun jawen jancha yuixunai chanimani matu ana shinanmakin yuinun ninkakanwen. “Natian Diosun jancha matun man ninkaibudan,

Hebreus 4:12

Ja Diosun jancha kainkinan, paepa jiwea keskatun nukun shinan pewakin juni jawen nupe kenu dabeyatun juinti uke medan chapaxun uian keska wakin nukun shinan inun nukun yushin unanti wamiski.