2 Timóteo 1:8 - Kashinawa : Diosun Jesúswen taexun yuba bena yiniki

⁸ Mia jaska waxuniwen taea nukun Xanen Ibukidi yusin jakidi janchai jaki dakeyamakunkainwen. Ja dikabi, jawen taexundi nenu ea bichiabuwen taea ewendi taea ekidi janchaidi ewen dakeyamadiawe. Dateama eskakunkainwen. Diosun nuku kushipa wakubainmiswen taexun Jesucristo mekenankidi kakape nun jatu yusianyan nuku ichakawaibuwen taexun miadi bika tenemabiabu jatuwen dateama Diosun kushipayaxun yusinkin jeneyamawe.

Kaxinawá Bíblia (BR)

⁸ Mia haska washuniwẽ taea nukũ Shanẽ Ibukiri yusĩ hakiri hãtxai haki dakeyamakũkaĩwẽ. Ha dikabi, hawẽ taeshũri nenu ea bitxiabuwẽ taea ewẽri taea ekiri hãtxairi ewẽ dakeyamariawe. Dateama eskakũkaĩwẽ. Deusũ nuku kuxipa wakubaĩmiswẽ taeshũ Jesus Cristo mekenãkiri kakape nũ hatu yusĩayã nuku itxakawaibuwẽ taeshũ miari bika tenemabiabu hatuwẽ dateama Deusũ kuxipayashũ yusĩkĩ heneyamawe.

2 Timóteo 1:8 Referencias Cruzadas

Marcos 8:38

Jaska inun, tsuabuda na yudabu chakabu bebunua eki inun en janchaki dakemisbudan, en Epan kushipaya jawen nai tsuma pepabube jua jabiaskadiai en jatuki dakediaxanaii— iwanan,

Lucas 9:26

Jaskaken tsuabuda eki inun en janchaki dakemisbudan, en Epan kushipaya jawen nai tsuma pepabube jua jabiaskadiai en jatuki dakediaxanaii— iwanan

João 15:27

Ja inun, matudi en taxnikidanai anua tapin man ebe ikunkidanshinadan, man ekidi janchai chaninikabudiki— iwanan,

João 19:35

jakia bebunkidi Diosun jancha keneni anu yuikin: “Jawen xau tekeama ixankanikiki”, anibu inun, kene betsa anuxun yuikin: “Tsuada chachiabu jawenabun uinxankanikiki”, iwanan, kenenibudan, unanmabia jabiaskadi keneni menekin adianibuki. Matundi man ikunwanxanunbun jawada ibubis en uini en matu yuiaii. En uiniwen taea en jancha chanimaki.

Hechos 5:41

xanen ibubun besuudia Jesúsun kushipayabu kainbaini yuinamei: “Jawen bake Jesucriston kakapekidi nun yusianyan Diosun jawen nuku unanti watan nuku duawakatsi jatu yunua jabuwen datei nun bextekenun nuku akanikiki”, iki benimabaini bushinxun

Romanos 1:16

Tsuabunda Diosun kakape ninkatan ikunwainbu Diosun jabun chakabu buakin ana shinanma jawen kushipa paewen jawenabu jatu wamisxun mekepakexanikiki. Jaskawen taea ja dukun judio jatidibun ikunwankin taewanibuki. Januxun ja kachu judiobuma betsabundi ikunwandiakanikiki. Jaskaken Diosun kakape Jesucristokidi yuikin datan akin jawa jawen dakeama en jatu yusinkubainaii.

Romanos 16:25

Nukun Epa Diosun matu bechipaikin jawen kakape Jesucristokidi datan akin en yusinmis man ikunwandiaibuwen taexun Epa Diosun matu chintunmatiduma ja kenwanankanwen. Mai jidabi damiwadiama na jaskakidi Diosun nuku mekei kai badi ichapa junekin tsuabuda yanedi unanmama ibiakunkaini

Romanos 8:36

Jaskakidi Diosun jancha yuixunikatun kenekin: “Epaan, nun mia chibankubainmiswen taexun badi tibi nuku ichakawakin tenankatsis ikubainkanikiki. Chaxuwan samama detekatsis imisbu keska wakin nukudi ichakawakanikiki”, aniki, Davidin yuikinan.

Romanos 9:33

Na jabias yusian Mesíaskidi Diosun jawen jancha yuixunika Isaías yuimakin: “Uian. En jaska yubakani en kushipa mishki keska Jerusalén anu en nichinxanaii, jaki juti iki ichapabu tsakabainbaini tin ikubainxankanikiki, ikunwanmadan. Jakia tsuabunda jawen jancha ikunwankin chibainbu en jatu jawa dake wama ixanaii”, aka ninkatan jadi kenedianiki.

2 Coríntios 6:7

Ja inun, Diosun kushipa nuku medan nun jayawen taea kaka chanima nun yuimiski. Jabias Diosun kushipa pepawen unanmakin nun jatu achimamiski. Ja inun, jabiawendi jakidi chakabu yuibiaibun nun jatu nemamiski.

Efésios 3:1

Jesúsun ea yunua man judiobuma Jesucristokidi en matu yusianyan matuwen taexun en jawamabiaken nenu ea nichinmaxun mekeyuabuki.

Efésios 3:13

Jaskaken kakape en yusinkubaunmiswen taexun ea bichiabu matu medabewanun ika matuwen taea nuitapai en bika teneaii. Jakia ekidi shinain punu nukama benima bestikubainkanwen, ewen taexun Diosun matu duawaiwen taeadan.

Efésios 4:1

Nenu eska en bika tenei jiweyuxun meaidan, nukun Xanen Ibun ea yununi en akubainaiwen taexun ea achitan ea mekeimaxun ea jeneabumaken jau man ikunwainbu Diosun matu kenani jiwei pepai jaskakin man unankubainunbun en matu yunuai shinaindakubainkanwen.

Efésios 4:17

Nukun Xanen Ibun kenawen eska en matu yuikin yunuai ea ninkakanwen. Jabun Dios unanma benuabu ikaibu keskai ana jiweyamakanwen, jabun shinan chakabu benuawen jaska jiwea unanma jamakidi kane kanekanikikidan.

Filipenses 1:7

Chanima ean en matukidi pe shinainan, matuwen nuikin en matu bechipaijaidaii. Matudi dasibi man ewen nuiaya Diosun matuwen ea duawaikiki. Natian ea bichimabu keska nia xanen ibubu bebun jawa jatun yunutikidi en janchaisma eska besti yui en chakabuisma pekidi janchai Diosun kakape Jesucristokidi jatu unanmakin jakidi xabakabi en chanikunkainaya man ea medabewai ebetan teneai keskakubainkanaii.

Filipenses 3:10

Jaskakin Cristo ana en unanjaidakatsis ikaii. Jaska inun, jawen Epa Diosun mawabu ana bestenwanti kushipa en jayakatsis idiaii. Jaska inun, ana jaki dasijaidanun ika ja nuitapawanibu keska eadi dateama mei mawakin en chibankatsis ikaii.

Filipenses 4:13

Januxun Criston ea kushipa waya jawen taexun dasibi tenexun en akin keyuxuntiduki.

Colosenses 1:11

Jaska inun, eska en matu yukaxunmiski. Diosun jawen kushipa paepawen jau matu mestenwanunwen. Jaska kushipa man jayawen taexun jamapai bika tenebiai kushipatan jin jin ikama inun benimakin

Colosenses 1:24

Natian matuwen taea nuitapaidan, en benimaii. Jau jawen taea nun bika tenekunkainxanun Criston nuku yunutan ja dukun chanima jawen yudawen ja ikunwanxanaibu medabewanun ika jatu bika tenexunkin jaskawen taea eadi ibubis en yudawen menei en ixundiaii, man ja ikunwainbuwen taeadan.

1 Tesalonicenses 3:4

Jaskaken Jesús ikunwandiabuman nuku ichakawaibu nun yumanxanaikidi matu yusin kaimaxun bebunkidi nun matu yuikubainimaki. Na eskatian jaska nun matu yuima keska uinkin man ma tenekin meaii.

1 Timóteo 2:6

Cristo tsuabunda ikunwainbu Diosun jatun chakabu buaxunxanaiwen taea Jesucristo jamebi mawakin jabun ikunwanxanaibu jatu mekeniki. Jaskaken na jabiatian Diosun yununi tsuabuda jakidi chanibauntidubuki.

2 Timóteo 1:10

Januxun chanima Diosun jawen nuikipa nuku unanmakinan, jawen bake Jesucristo nukun mekenanwankin mawawen dasibibu nun datemis jatun maemakin nuku binuxuniki. Ja kakape jakidi jiwea jancha yuikin datan ati shada ana juneama wakin xabakan taxnimakin xabakabi waniki.

2 Timóteo 1:12

Ea jaska waniken Diosun jancha en yusinkubaunmiswen taexun ichakawakin ea bichibiabun en Jesús ikunwankin taewaya ea mekenitun badi jawen jeneaitian ea mekekubainxanai unain en dakeamaki.

2 Timóteo 1:16

Ea jaska wabiaibun nenu Roma anu en bikai jiwebiaken nukun jaibu Onesíforon Roma anu jikitushitan jawa juindukuanma ea bechinun ika ea benachakayamakin atimas ea bechimaki. En mane dispi chiwetameyawen en menexekeaki dakeama jawenchains ea medabewakin ea shinan chankanwanbidanbidanimaki. Ea jaska waimaken Diosundi jawenabuswen nuikin jau jatu medabewakubainunwen.

2 Timóteo 2:3

Jamen mia ikidan, soldado keskai jiwewe. Jaskakin en ikai keska jiwekin Jesucristo min ikunwanyan mia ichakawabiabu Jesucriston tsuma pepai nuitapabiai bika tenei jiwekunkainwen.

2 Timóteo 2:8

Nukun xenipabu xanen ibu pepa Davidin baba Jesucristo mawa Diosun ana bestenwani kaka pepa datan akin en jatu yusinmisdan, jakimama shinaindakubainwen.

2 Timóteo 2:9

Jesucristokidi en yusinkubaunmiswen taexun ea ichakawabu tenekin en meaii. Juni atimapa jawaki dateama chakabuwai bechitan amisbu keska wakin ea nemakin mane dispiwen ea menexabu keska wadiakin Diosun jancha kakape yuikin en datan amisdan, ja tsuan nemakin nexatidubumaki.

2 Timóteo 4:17

En jaibuaibun ea jenebiabainabun jawen binuti Jesucristokidi jawen kaka pepa jawen paxatikidi en jatu yui keyuaya judiobuma dasibibun jau ninkanunbun nukun Xanen Ibun ea jeneama ea kushipa waxun jatu daewakin mese anua ea piskumaimaki, ea jaska nukun Xanen Ibun jatu binumakin inu keneya pintsi kexea keska anua ea binumakinan.

2 Timóteo 4:5

Jamen mia ikidan, dasibi min shinanen mekei pekin bika tenebiai Jesucristokidi kakape datan akin jatu yuikin daya pepa en mia yunubainai shinan betsa wama jatu yusinkubainxanwen.

1 Pedro 1:5

Matun shinanwen man Diosun kakape ikunwankubainaiwen taea Diosun jawen kushipa paewen matu mekekubainkin jaska yubakani janu badi jawen jeneaitian jaska matu pewaxuni man unankubainmis ibubis janu jaki nukukin man uinxankanaii.

1 João 4:14

Chanima Epa Diosun jawen bake jau yudabu mai jidabi anu jatu mekekubainxanun yununi nukubun uinixun nun xabakabi jakidi chanikunkainmiski.

Judas 1:24

Nukun Epa Dios ja besti nukun medabenan yushin dasibi kushipa jayatun matu kushipa wakin matun shinan chakabun ana matu kanematidu nemaxunkubainaya jawen bake xanen ibujaida juaya yuda dasibibu unankin jatu kupiaitian matudi ja bebun jawa chakabu man jayama jawen besuudi matu nichintan benima pae matu inanyan man benimajaidaxanaii. Jaskaken nukun Xanen Ibu Jesucristowen taexun Epa Dios duapa pepa inun, jatun besti kushipa binu keyua inun, yunuti kushipa pae jayajaida iki taeni inun natian jaya inun ipaxanai jaya kenwankubainankanwen, jeneamadan. Jaskakidan. Jatiki, en janchadan. Judas

Apocalipse 1:2

Jaskawen taexun Diosun jancha inun, Jesucriston ea unanmashina en ninkashina inun, dasibi en uinshina jawa chanichakama en matu yui kayabiaii. En jancha chanima uinkin ninkaidakanwen.

Apocalipse 1:9

Ea en matun betsa Juanan, matu keska Jesúski dasia Diosbe xanen ibuibe nia betsa betsapa tenei chintuanma Jesúsun kushipawen en binukubainaii. Ja inun, Diosun kakape yusinkin Jesúsun nuku mekekatsis ikai xabakabi en jatu yuikubainaiwen taexun na natukan jawen kena Patmos anu ea nichianbu

Apocalipse 12:11

Jabu nukun betsabun Satanás maemakinan, Jesús Diosun chaxuwan bake jabu mawaxunkin jawen jimi jabaniwen taea inun jawen kakape jancha chanikin jawa dateama jatun jiwea benutiduma unankubainmisxun jabu mawawen dateisbuman Satanás ma maemadiabuki.

Apocalipse 19:10

kenwanun ika jawen tae naman en danti itanaya ea nemakin yuikin: “Eki jaskayamawe. Mia inun Diosunabu betsabun Jesucristo chibankin jawen jancha yusinmisbu keska eandi Diosun jancha bunika en jawen tsumadiki. Jaskaken ea kenwanma Dios besti kenwanwen”, ea waxuki. Jaskadan, tsuabuda Jesúskidi kakape Yushin Pepatun xabakabi jatu shinanmaya jabu yusinanbu jakidi chanikin banabimabaunmisbuki.