2 Timóteo 1:2 - Kashinawa : Diosun Jesúswen taexun yuba bena yiniki

² Timoteoon, en mia kene bumai uindawe, min Jesucristo ikunwainwen taea min en bake kayabi keskakidan. Nukun Epa Dios inun nukun Xanen Ibu Jesucristo miwen nuikin jau mia unanuma jiwemakin pewakin duawapakekubainunbunwen.

Kaxinawá Bíblia (BR)

² Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Timóteo 1:2 Referencias Cruzadas

Hechos 16:1

janua Pablo inun Silas kakunkainkin Derbe inun Listra ja mae dabe anu yusin Listra anua Jesús ikunwain betsa jawen kena Timoteoki nukunibukiaki. Jawen ewa judio ainbun Jesús ikunwanyan jawen epa griegonawan Jesús ikunwanmaken

Romanos 12:19

En betsabu inun en puibuun, matuwen nuikin matu yuinun ea ninkakanwen. Yavé Diosun jatu yuikin: “Tsuanda matu chakabuwai ibubis en jatu kupixanaii”, ikaya nuku kenexuniki. Jaskawen taea tsuanda matu chakabuwakin ichakawayadan, jau Diosun jatu kupixanun ibubis jatu kupiama teneyukubainkanwen.

1 Coríntios 4:17

Man jaska shinanun Timoteon ebetan Cristo chibain en bake keska chintuinsma jau matu medabewanun matu anu en nichiaiin. Ja en bechipaimistun nukun Xanen Ibu ikunwankin chibankin jawen yunuti inun jawen nemati axunkubainkin ikunwainbu ichati tibi anuxun jaska en yusinkubauni keska xabakabi Timoteon matu yusin kaikiki. Ninkaidaxankanwen.

Filipenses 4:1

En betsabu inun en puibuun, en matu bechipaichakayamai inun, en matuwen nuiai inun, en matuwen benimaiwen inun, matuwen taexun Diosun ea manakua en bixanaiwen taea shinain en matu ana uin kakatsis ichakayamaii. En matu jaska shinanyan chintuanma nukun Xanen Ibu chibanpakekanwen.

1 Timóteo 1:2

Timoteoon, en mia kene bumai uindawe, min Jesucristo ikunwainwen taea min en bake kayabi keskakidan. Nukun Epa Dios inun nukun Xanen Ibu Jesucristo miwen nuikin jau mia unanuma jiwemakin pewakin duawapakekubainunbunwen.

2 Timóteo 2:1

Min en bake keska Jesucristoki dasia min jawen kushipa jayanun Diosun jawen pepa mia inanidan, jawen besti kushipakunkainwen.

Tito 1:4

Titoon, chanima ebetan ikunwain min en bake kayabi keskaki. Nukun Xanen Ibu Jesucristo jawen Epa Diosbe miwen nuikin mia unanuma jiwemakin jau mia duawakubainunbunwen.

Tito 2:13

Jaska jiwekunkainkin nukun Dios binua inun nukun mekenan pepa kushipa Jesucristo xanen ibujaidai ana nuku chintunxunkidanxanai manai nun benimaii.

3 João 1:4

Man en bake keskabu jabias shinanwen man chibain matukidi ninkai en shinan chankankunkainmis en benima pae tsuan ea mebintidumaki.