2 Timóteo 1:10 - Kashinawa : Diosun Jesúswen taexun yuba bena yiniki

¹⁰ Januxun chanima Diosun jawen nuikipa nuku unanmakinan, jawen bake Jesucristo nukun mekenanwankin mawawen dasibibu nun datemis jatun maemakin nuku binuxuniki. Ja kakape jakidi jiwea jancha yuikin datan ati shada ana juneama wakin xabakan taxnimakin xabakabi waniki.

Kaxinawá Bíblia (BR)

¹⁰ Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

2 Timóteo 1:10 Referencias Cruzadas

Lucas 11:36

Jamen tsuabuda Diosun mekea bin chaxa keskawen chakabuuma man pe besti shinanxanaii, kaneamadan— jatu watan

Lucas 13:7

jawen dayanikaki nukuxun yunukin: “Uian. Dabe inun besti badi ka na higuera ji anu bimi en jamen benabidanbidanmiski. Bimiumasken ea dedaxunwen, jamen uinbain niakidan”, aka

Lucas 2:11

Matun xenipabu xanen ibujaida Davidin mae Belén anu jaska Diosun yubani matun medabenan Xanen Ibu ma kaianki, Cristo Mesíasdan.

João 1:9

Januxun xaba keskatun jiwekuiankidi yusin jatu unanmai

João 14:6

Jesúsun kemakin: —Jawen kati bai inun jawen chanima unanti inun jawen jiwekuintidan, jabia en eaki. Ea besti ikunwankin chibain Epa Dios anu man jikitidubuki.

João 4:42

ainbu yuikin: —Ja dukun min jancha besti ninkatan mia chibanbaini kaxun nun uinshinaki. Janua chanima kayabi ibubis nukunmebi jawen janchadi ninkatan Jesúsun yudabu dasibi Mekenika Mesías Cristodan, natian nun ikunwaiin— akabu

João 5:40

jaskawen taea matun ea ikunwantan jiwekuinkatsi ikama man ea danaiin.

Hechos 13:23

Jaska yubakanixun Davidin bababu anua betsan Israelbu dasibi jau jatu medabewakin jatun chakabu buaxuntan mekexanun— iwanan —yuini natian Diosun Jesús yunuyamaki.

Hechos 5:31

Diosun jaska watan nai anu ainitan jawen yusiudi nuku tsaunxunimaken ja nukun mekenan inun nukun yusinan nun ma jayaki. Jaskawen taea nun Israelbu xukua tibi tsuabunda nukun chakabu jenetan Dios anu chintuin nun shinan betsaibu nuku jawenabu wakin Diosun nukun chakabu buatan ana shinanmaki.

Romanos 16:26

natian ja jancha jakidi jatu kenemakin xabakabi wama ini jaska Dios ikibi initun yununi chanima natian yudabu xukua tibibun ninkatan tapin keyutidubu wani ma nun unaiin, jau Diosun jancha ikunwankin chibanxanunbunan.

Romanos 2:7

Diosun jau nuku kenwanxanun jiwekuinkatsi nun jatiditun jawen jancha chibankin jeneama pepawakubainaibu pepawen manakukin mekekin nai anu Jesúsbe Diosun nuku jiwekuinmaxanikiki, ikibi imakinan, nun jabu jaska jiwekatsi benamisbudan.

Romanos 3:31

Jaskaken tsuabunda Jesús ikunwantan jawen yunuti inun jawen nemati betsa wakin nun maewamaki. Jabiawen nun matu yusinkubainaii. Jakia ja kene jatu yusini unankin jaska Diosun nuku pe jiwemakatsis ikai xabakabi ninkakin nun mestenwaiin, jadi Diosun jancha jaya betsa wamadan.

Romanos 6:6

Ja dukun nun jawen jiwechakani xeni Cristobe cruzki netantan nun jabe mawani keskaki. Nun jaskaya nukun shinan xeni Diosun nuku betsa wamaken chakabun nuku bexetan jawen tsumawakin ana nuku yunutidumaki.

1 Coríntios 4:5

Janu unantiwati idiamabiaken matumebi nuku tibi unanti wakin ja akin nuku chiteyamakubainkanwen. Janu nukun Xanen Ibu juaitian mananankanwen. Jatun besti dasibi june nun amis xabakabi taxnimaxanikiki, na jaska juinti medan nun jaya nuku bepenxun uinmakinan. Januxun Diosun nukun daya unankin betsa kenjaidawakin betsa bexmas kenwankin ikunwainbu tibi Diosun kenwan akeakexanikiki, manakukinan.

2 Coríntios 5:4

Natian nun jiweadan, jawawen jaskatima nun bika teneyuaii. Mawatan nun chapukatsi ikamabia nun ma mawa kasmai nun jiweyuadan, Jesúsun nai anu nuku ainitan jiwea bena inankin nukun yuda bena nuku inanxanai nun manaii.

Gálatas 5:4

Jaska Moisin yusian chibain pepanun ika chintunkidan Dios matuwen nuini pepa danain Cristo jenei man jawenabumaki.

Efésios 1:18

Dios matu yukaxunkinan, Diosun jau matun shinan junemawatan xabakabi ninkamakin manakamanun inun, jau tsuabuda jawenabu kayabi katutan jawen pepawen duajaidawakin matu unanmaxanun en matu yukaxunmiski.

Efésios 1:9

Cristowen nukun chakabu buakatsi badi ichapa jawen shinan Diosun junenixun jawen duapawen ma xabakabi nuku taxnimaxuniki, nuku unanmakinan.

2 Tesalonicenses 2:8

Janua ja juni chakabu taxniken nukun Xanen Ibu Jesús dasibi jawen chaxa kushipaya jukidan ja juni chakabun kushipa mebinkin paismawatan jawen jaxpawen xuun akin kupikin tenanxanikiki.

2 Timóteo 1:1

Ea en Pablodan, Diosun jaska shinainwen Jesucriston kushipaya ea wakinan, jawen yunuawen ea aniki. Jaska wakinan, jamen ea akama jakia jaska bebunkidi Dios yubakani jawen jiwea keyuisma ikibi ikakidi jaska shinankubainmis jaska jayawen taexun Jesucristo ea katumaniki.

2 Timóteo 1:8

Mia jaska waxuniwen taea nukun Xanen Ibukidi yusin jakidi janchai jaki dakeyamakunkainwen. Ja dikabi, jawen taexundi nenu ea bichiabuwen taea ewendi taea ekidi janchaidi ewen dakeyamadiawe. Dateama eskakunkainwen. Diosun nuku kushipa wakubainmiswen taexun Jesucristo mekenankidi kakape nun jatu yusianyan nuku ichakawaibuwen taexun miadi bika tenemabiabu jatuwen dateama Diosun kushipayaxun yusinkin jeneyamawe.

2 Timóteo 4:1

Epa Dios inun Jesucristo ja xanen ibujaidai jawen kushipawen juxun mawabu inun jiweabu unanti waxanaitun nuku xabakabi uiainbun en mia yunuchakayamai ea ninkaidawe.

2 Timóteo 4:8

Natian en dayaxunkunkainmiswen taexun jaska jayanun ika en imis en maiti manakuti pepa Diosun ea mekexunkubainmis badi jawen jeneaitian jancha pewanika duapatun Jesucriston ea inanxanai en manaii. Jaska wakinan, ea besti inanma dasibi jabun Jesucristo ana chintunkidanxanai bechipaikin manaibudi jatu inanxanikiki.

Tito 2:11

Diosun yudabu mai jidabi anua jawen duapawen jawen paxati Jesucristo jatu unanmakin bitidubu inun bitudubuma jatu xabakabi taxnimaxuniki.

Tito 2:13

Jaska jiwekunkainkin nukun Dios binua inun nukun mekenan pepa kushipa Jesucristo xanen ibujaidai ana nuku chintunxunkidanxanai manai nun benimaii.

Tito 3:4

Jakia januxun nukun mekenan Dios dasibi mai anuabu nukuwen nuikin nuku bechipaikin jawen pepa nuku unanmaniki.

Hebreus 10:32

Janu man Jesús ikunwankin taewaitian man ini shinankanwen. Jabun ikunwankatsi ikabuman matu bika tenemabiabu mestentan man binukubainyamaki.

2 Pedro 1:1

En Simón Pedro Jesucriston tsuma jawen kushipaya ea waniki. Nukun mekenika Dios Jesucriston kaneisma nun ikunwainbu keska man nuku chibankin ikunwandiaibuwen taexun en matu kene bumai uindakanwen.

2 Pedro 1:11

Man jaskai jiwekubainaibu benimakin matu kenwanchakayamakin jawen mae bena anu janu man jikinun jawen beputi matu bepenxuntan: “Nedi jiki bekanwen”, matu waxanikiki, janu nukun mekenan Xanen Ibu Jesucriston matu bichikinan, niti ikama man jabe jiwepakexanunbunan.

2 Pedro 1:3

Dios kushipa paepatun jaska jatun bechipaiai keska jawen jiwekin nun jakidi shinankubainunbun nuku inanki, Jesucristo nun ikunwanyan Diosun nuku kenatan jawen daya pepa nun jayaxanunbun jawen kushipa medibiwen nuku katukinan.

2 Pedro 2:20

Ja dukun Nukun Xanen Ibu mekenan Jesucristo unantan jatun chakabu putakin pewabiani jabias chakabun ana jatu achixun yabuadan, bexmas ibiani ana chakabui pikujaidamisbuki.

2 Pedro 3:18

Jakia nukun mekenan Xanen Ibu Jesucristo ana unankin beyajaidawai jawen nuiwen ewakubainkanwen. Jadan, dasibibun Jesús kenwankin jeneama jau apakenunbunwen. Jaskakidan. Jatiski, en janchadan. Pedro

2 Pedro 3:2

Shinankanwen. Uatian Diosun jancha yuixunika medibibun yusinibu inun ja dikabi nukun Xanen Ibu mekenan jancha nuku yununi jabias jawen kushipayabun matu yusinkubainaibu jakimayamakubainkanwen.

1 João 1:2

Ja jiweadan, jamebi jawa juneama ikunkainai nukun uinixun jakidi xabakabi chanikin jawen kaka matukidi jiwea ikibi ika jaya nun matu yuikubainaii. Jawen Epabe dasia nuku xabakabi uinmakubainai nukubun nun uinkubainiki.

1 João 4:14

Chanima Epa Diosun jawen bake jau yudabu mai jidabi anu jatu mekekubainxanun yununi nukubun uinixun nun xabakabi jakidi chanikunkainmiski.

Apocalipse 18:1

Ea jaska watanaya nai tsuma betsa nai anua butukidankin kushipajaida jaya jawen chaxawen mai chaxawakin

Apocalipse 2:7

Man pabinkiyabunan, Yushin Pepatun ja man ichamisbu matu yuiai ninkakanwen: Tsuabunda ea dananma jabun maemakin binumisbudan, mae pepa naiudi janu Dios jiwea anua jawen benimai jiweti ji bimi en matu pimaxanaii, niti ikamadan’, ikin”, ea waxu en matu kenexunaii.

Apocalipse 20:14

jatun jatu mawamanika inun janu mawabu bumisbu anu ja ian janu menui jede ji ji ikai anu jau dabeki mawakin menununbun jatu udean

Apocalipse 22:14

Uinwen. Tsuabuda benimati jayadan, jatun tadi patsa keska wakin jabun shinan kayabiwen Jesús ikunwankin chakabu Dios buamakubainmisbu jawen mae bena anu jikitan jabu besti pekin jawen benimai jiweti ji bimi pikubainxankanikiki.

Apocalipse 22:17

janua nun Chaxuwanen ainen jabun nun ikunwainbunan, Yushin Pepabetan Jesús yuikin: “Judiwe!” nun ikaya tsuabunda nuku ninkakin: “Jau judinunwen!” jau idianunbunwen. Ja inun, tsuabuda unpax manui keskakin Dios benakin Jesús chibankatsis ikin jau ikunwanunbunwen. Jaska watan jawen unpax jiwemati jaya jau aki benunbunwen, jawa pakamadan.