2 Coríntios 9:11 - Kashinawa : Diosun Jesúswen taexun yuba bena yiniki

¹¹ Jaska inun, Diosun ichapa matu inanmisken paxkaxun matundi yuda betsabu man inainbu nun matu jaska yusinmiswen taexun yuda ichapabun Dios kenwanxankanikiki.

Kaxinawá Bíblia (BR)

¹¹ Haska inũ, Deusũ itxapa matu inãmiskẽ pashkashũ matũri yura betsabu mã inaĩbu nũ matu haska yusĩmiswẽ taeshũ yura itxapabũ Deus kẽwãshãkanikiki.

2 Coríntios 9:11 Referencias Cruzadas

Mateus 25:17

ja unanepa bexmas 2,000 inanbainshinadi jabiaskadi dayaxunkin ana 2,000 jawen xanen ibu bixunkubainkin ichawaxunaya

Romanos 12:8

Jaska inun, tsuabuda Dios anua shinan chankanwen jatu chibanmatidu kushipa bitan ikunwainbu betsabu medabewakin jau Jesucristo jatu chibanmakubainunbunwen. Jaska inun, tsuanda jawada bitan medabenankatsis imisbudan, yaushiama jau jatu inankin uinmakubainunbunwen. Jaska inun, tsuabuda ikunwainbu betsabu medabewakin meketidu kushipa wakin jaya wabudan, kaneama jau uindakubainunbunwen. Jaska inun, tsuabuda yuda betsa nuitapaibuwen nuimis kushipa jaya shinan chankanwen jau jatu medabewadiakubainunbunwen.

1 Coríntios 1:5

Ja inun, Cristokidi nun matu yusintani man ma ikunwankin chibankubainaya Diosun xabakabi matu unanmakin pe janchamakin jakidi matu tapinmakin jawen pepawen Diosun matu duajaidawakubainikiki.

2 Coríntios 1:11

Nun jaskamisken nukukidi shinankin medabewakin Diosbe janchakin nuku yukaxunkubainkanwen. Ichapabun man nukukidi Dios yukakubainaibun Diosun nuku mekekin duawaya ichapabundi nukukidi ninkakin Dios kenjaidawatidubudiki.

2 Coríntios 4:15

Jaska inun, Diosun matu pepawaya midimabun Jesucristo ikunwantan benimakin man Dios kenjaidawanunbun jawada matuwen taea bika tenekin matu medabewanun ika nun ikunkainaii.

2 Coríntios 8:16

Januxun matu medabewakatsi iki nun matuwen nuiai keskai Titodi jabias shinan jaya matuwen nuidiai kakatsis iki kaya benimakin Dios pepa wakin en kenwaiin. Jau matu anu kanun nun nichian jawaida matu anu kaikiki.

2 Coríntios 8:19

Jaska inun, jau Jerusalén anu nukube kakin nukubetan ja inankuin pei buxanunbun, iwanan, Macedonia anuxun ikunwainbu ichaxun ja juni katuimabuki. Ja inun, nukunan, ikunwainbu betsabu nuitapaibu nun medabewakatsis ikai jabun nuku uinkin nukun Xanen Ibu nun duawai medabenain nun jaska bechipaiai nun jatu uinmakatsis ikaii, jaska daya beyaidan.

2 Coríntios 9:12

Jawada Diosun matu amakatsi ikai chibankin Cristo ma ikunwainwen jawen kakapewen matu betsa wa yuda betsabu xabakabi medabewakin man jatu uinmaxanaii. Ja inun, na man jatu medabewaxanai nukun betsabu Jerusalén anua jawa jayabumaken nun jatu buxuan bitan benimakin Dios kenjaidawaxankanikiki, matun pepawen taexunan.