2 Coríntios 8:19 - Kashinawa : Diosun Jesúswen taexun yuba bena yiniki

¹⁹ Jaska inun, jau Jerusalén anu nukube kakin nukubetan ja inankuin pei buxanunbun, iwanan, Macedonia anuxun ikunwainbu ichaxun ja juni katuimabuki. Ja inun, nukunan, ikunwainbu betsabu nuitapaibu nun medabewakatsis ikai jabun nuku uinkin nukun Xanen Ibu nun duawai medabenain nun jaska bechipaiai nun jatu uinmakatsis ikaii, jaska daya beyaidan.

Kaxinawá Bíblia (BR)

¹⁹ Haska inũ, hau Jerusalém anu nukube kakĩ nukubetã ha inãkuĩ pei bushanũbũ, iwanã, Macedônia anushũ ikũwaĩbu itxashũ ha huni katuimabuki. Ha inũ, nukunã, ikũwaĩbu betsabu nuitapaibu nũ merabewakatsis ikai habũ nuku uĩkĩ nukũ Shanẽ Ibu nũ duawai merabenaĩ nũ haska abuai nũ hatu uĩmakatsis ikaii, haska daya beyairã.

2 Coríntios 8:19 Referencias Cruzadas

Hechos 14:23

janu ikunwainbu ichamisbu tibi anua mekenikabu jatu katutan jatube samakekin Dios dayuikin jabun Jesús ikunwainbu jau nukun Xanen Ibu Jesúsun jatu medabewakubainxanun Pablo inun Bernabén kushipa jatu yukaxunkubidanibukiaki.

Hechos 15:22

januxun Jesúsun kushipayabu inun mekenikabu inun ikunwain dasibibun Santiagon jancha ninkakin bechipaitan Antioquía anu Pablo inun Bernabébe jau butanunbun jabubetan ikunwainbu anua juni dabe unanepa Judas jawen kena betsa Barsabás inun Silas katutan

Hechos 15:25

Jaskawen taexun nukun nun matu medabewanun ixun jabias shinan ichawatan nukubun nun shinan peken jau jabundi jaskakidi matu medabewaxanunbun ixun nuku anuadi juni dabe katutan nukun jaibu Bernabé inun Pablobe nun jabube nichiaiin.

Hechos 19:22

janua jau bebunkidi Macedonia anu bununbun jawen medabewanika dabe Timoteo inun Erasto yunutan ana uxa eskadabesi Pablo Asia mai pakea anu bashikuyuaya

Hechos 19:29

jaskaibu yudan kaianen ninkatan Efeso maewan jidabi anua dasibi itimaskai bedukua akeakebaunkin Macedonia anua Pablobe beimabu Gayo inun Aristarco achibainkin janu dasibi icha tsaumisbu anu jatu xadabainkin iyuabu

Romanos 5:11

Natian nukun Xanen Ibu Jesucriston jawen Epa Dios jatun nuku jaibu wamakin daewamani unanuma jiwekin chanima jawen taexun benimakin Dios nun kenwankubainaii.

Romanos 5:3

Jaska bestimaki. Natian Cristo nun ikunwainwen taexun jamapai mei nun bika teneaiwendi Diosun jawen kushipa nuku uinmakubainaiwen jawen shinan chankain nun chintuanma nun kushipakunkainai nun unaiin.

2 Coríntios 4:15

Jaska inun, Diosun matu pepawaya midimabun Jesucristo ikunwantan benimakin man Dios kenjaidawanunbun jawada matuwen taea bika tenekin matu medabewanun ika nun ikunkainaii.

2 Coríntios 8:11

Natian ana matun pei ichawakin jaska man jatu medabewakatsis iyama keska wakin benimai man yubakai taeyama keska jabias shinanwendi ana benimakin matun pei jaki dasiwakin ichawakin keyutan jatu inanxankanwen.

2 Coríntios 8:12

Januxun tsuabunda chanima kayabi yuda betsa medabewakatsis ikaibu Diosun jatun shinan nuima unankin jatuwen Dios benimamiski. Jawada jaya inun jawada jayama shinanma jakia jaska jawada pepa nun jaya nun inantidubu Diosun nukukidi shinanmiski.

2 Coríntios 8:20

Yudabun nukukidi yuikin: “Ikunwainbun pei ichapa Jerusalén anuabu ichawaxunimabu ¿jaska Pablon inun jabe buaibun bukin jaska waimabumen?” iki jau nukukidi shinan chakai ja iyamaxanunbun dasibi xabakabi pewakin jaska Dios inun yudabun nuku amakatsis ikai jatu uinmakin nun pewanunbun jawada yaushiama man jatu inankuinxanai benuama adu pewatan nun jatu buxunxanaii.

2 Coríntios 9:8

Ja inun, medabewakin jamapai betsa betsapa yuda betsabu axunkin matun jawada paxkaxun man jatu medabewaya Diosun matu duawakin akunjaida pawamakin matuna binumakin inankin matu axuntiduwen man duanametidubuki.