2 Coríntios 6:8 - Kashinawa : Diosun Jesúswen taexun yuba bena yiniki

⁸ En janu jaska wakin jatu medabewa bestiaitian yuda betsabun nuku kenwainbun jatiditun yuankin nuku kenwainsbumaki. Ja inun, yuda betsabun nukukidi xechakaibun betsabun nukukidi pe yui janchamisbuki. Ja inun, yuda betsabun nukun yusian danain: “Machupaki”, nuku wabiaibun chanima yui besti nun janchakunkainmiski.

Kaxinawá Bíblia (BR)

⁸ Ẽ hanu haska wakĩ hatu merabewa bestiaitiã yura betsabũ nuku kẽwaĩbũ hatiritũ yuãkĩ nuku kẽwaĩsbumaki. Ha inũ, yura betsabũ nukukiri shetxakaibũ betsabũ nukukiri pe yui hãtxamisbuki. Ha inũ, yura betsabũ nukũ yusĩa danaĩ: “Matxupaki”, nuku wabiaibũ txanima yui besti nũ hãtxakũkaĩmiski.

2 Coríntios 6:8 Referencias Cruzadas

Mateus 10:25

Jaskawen taea jawen tsumabudan, jatun yusinan jancha chibain jau jabiaskadi keska ikubainunbunwen. Jabiaskadiai dayadubu jatun xanen ibun yunua ninkai jau jatun xanen ibu keska idiakubainunbunwen. Jaskaken en matun yusinan ea kenakin: “Yushin chakabu xanen ibu Beelzebúki”, ea wamisbuwen taexun en yusian man chibankubainmisbuwen taexun matudi kenakin: “Beelzebún enabuki”, akin matukidi yuikin chitediaxankanikiki— iwanan,

Mateus 22:16

januxun jatuki chiti ika betsabu inun xanen ibu Herodeski chiti ika betsabudi jau Jesús unanti watanunbun jatu yunuabu Jesús anu buxun yuikin: —Yusinaan, juni betsabu miki sinatabiaibun jawa jatuki dakekin jabu daewama chanima jancha besti yusinkin jaska wakin Dios chibantidubu besti min xabakabi jatu yusinkubainmis nun unaiin.

Mateus 27:63

yuikin: —Xanen ibuun, ja juni chani chakakin mawadiama janchai nun ninkamisdan: “Mawa xaba dabe inun besti kaya en ana bestenxanaii”, ishian nuku yuishinabu nun shinaiin.

Marcos 12:14

jaki bepadamebain yuikin: —Yusinaan, yuda betsabu miki sinatabiaya jawa jatuki dateama chanima jancha besti yusinkin jaska wakin Dios chibantidubu besti min jatu xabakabi yusinkubainaidan, nun unaiin. Jaskawen taexunan, ¿jaskada min shinainmenkain mia yukapa? Ja Romano xanen ibu Césarn nuku pei yukamisdan, ¿jaska wananxanpa? ¿Pakananxanpa? ¿Pakatimadaka?— akaibu

João 7:12

yudan kaian Jesúskidi janchai yuinamei betsa betsapabun jakidi yuikin: —Jadan, juni chakabuma pepaki— akaibun betsabundi yuikin: —Jaskamaki. Juni pemaki. Nukunabu padanmiskiaki— adiaibun

Hechos 10:22

jabun Pedro yuikin: —Nukun xanen ibu capitán jawen kena Cornelion nuku yunushina mia anu nun juxuki. Juni duapa pepatun Dios kenwandiamiski. Jaskawen taexun judiobu dasibibun bechipaikin jakidi pe shinanmisbuki. Januxun jau min jancha ninkaxanun Diosun nai tsuma betsan yunua ninkashinxun jawen jiwe anu min kanun mia kenaikiki— akabu

Hechos 16:39

jaska jatukidi ninkabidani bexun daewakin jawen bichiti jiwe anua kainmatan nichinkin Pablo inun Silas yuikin: —Matu jaska wakin nun kaneshinaki. Nukun chakabu shinanma unanuma budikanwen, nukun mae jenebainidan— jatu wa

Hechos 22:12

Janu en jikishinken juni betsa jawen kena Ananíasin Moisin jancha pe chibanmis judio betsabun janu jiwexun kenwanmisbu

Hechos 24:5

Na juni Pablodan, chanimajaida jakidi pemajaida nun uiaiin. Jesús Nazaret anuatun yusian chibainbu jatu bebunxunkin mai jidabi anua judiobu manibaunabu bikawakin jatu yusin chakakin paxkakin jatu itimaska wakubainmiskiaki.

Hechos 28:22

Na jaska yusian bena min ikunwain mae tibi anuxun bechipaiama dananmisbu nun ninkabiamis jaskada min shinain nun ninkakatsi ikaii— aka

Hechos 4:21

jaska xuxawashinabuwen taexun yudan kaianen Dios kenwainbu xanen ibubun uinkin jabuwen datekin jawa chakabuwama ishianbu jaska waxun jatu kupitima jancha kushipa bestiwen ana jatu nematan nichinibukiaki.

Hechos 5:13

Janua jatiditun jatun yusian ninkai ichakatsi ikabumabia jakia dasibibun ikunwainbukidi pe shinan bestikubainibukiaki.

Hechos 6:3

Jaskakenan, en betsabu inun en puibuun, jau juni betsabun piti matu paxkaxunkin inankin pewakubainunbun 7 juni shinanyan inun unanepabu Diosun Yushin Pepatun kushipayabu jau jabun matu paxka pewaxununbun benakin katuxun ja daya jatu yunukanwen.

Romanos 3:8

Jau yuda betsabun Dios kenwanunbun nukubunan, chakabuwadiakubainankanwen”, ikaibu jadi shinan chakakin yuiaibuwen taea Dios jatuki sinatakin chanima jatu kupixanikiki. Jakia nuku yuain: “Pablo inun jawen jaibuaibun jaska yusinmisbuki”, iki jabu jaskakinan, Diosun kupiti ibubis bi yupukunankanikiki.

2 Coríntios 1:18

En shinan betsa betsapa en maewama Diosun unainkiki. Jaskawen taexun man nuku ana ja atidubumaki.

2 Coríntios 11:21

Jakia nukudan, ja dukun matu anu kai taeidan, nun babu kaintanyamaki, dakekin jaska yuitimabiaken en matu yuiaidan. Jakia natian betsabun jancha kushipawen matu jancha wamis keska wakin eandi natiandi en jancha tatima kushipawen en matu yuiaii.

2 Coríntios 12:16

Jabiaskabiaken matun pei biankin en matu daketapa waismabiaken ekidi tsuanda yuikin: “Nuku padankin nukun pei Pablon june biankubainmiski”, iwanan, jadatuda eki bepadamekin man ea yuantiduki.

2 Coríntios 4:2

Jakia jawa dakeama jawada junexun nun aisma inun, machupakin tsua nun padainsma inun, Diosun jancha jamakidi yuikin nun betsa waismaki. Nun jaska wamiswen taea jiwekin nun yusinmis Diosun unanyan jawen jancha nun matu xabakabi yusinkubainmiski, jau dasibibun nukun yusian ninkatan jatun shinan pewanunbunan.

1 Tesalonicenses 2:3

Januxun matu yunukin yusinkin nun kaneama ikimaki. Ja inun, chakabuwakin nun matu jawa padanma idiaimaki.

1 Timóteo 3:7

Ja inun, ikunwanbuman ja juni pepa jawen shinan unantan jakidi pe shinanmisbu besti uinkubainkin mekenika katutiki, Satanásan padankin jatu achia jawaida kanekin jau jatu uinmachayamaxanunan.

1 Timóteo 4:10

Jaskawen taea dayakin Dios jiweatun yuda betsa betsapabu medabewakatsis ibiaya tsuabunda jawen bake Jesucristo ikunwainbu besti jatu mekekubainxanaiwen taea nun jabe jiwexanai manakakin jabias jawen jancha nun yusianyan nuku ichakawabiabu jatu ikunwanmanun ika nun dayakunkainaii.

Hebreus 13:13

Jaskaken Jesús anibu keska wakin nukudi nuitapa wakin dakewaibu ja bai Jesúsun nuku tatesxunbaini chibankin judiobun beya ana shinanma nuitapabiai dakeama ikubainankanwen.

1 Pedro 4:14

Ja inun, man Cristokidi yusinkubainaibuwen taexun jaska bechipaiama tsuabuda matuki sinatai ja ikaibuwen taea man ma Diosun pepa jaya jawen benimakubainkanwen, Diosun Yushin Pepatun matu medanxun matu jenebainama jawen kushipa matu uinmakubainikikidan.

3 João 1:12

Dasibibun: “Jaska kaka taxnimakanwen”, ika en ikaidan, Demetrio bestikidia jancha taxnia en ninkaii, jawen kaka chanimadan. Jaska jakidi kaka kaianyan nukundi jakidi janchakin jabiaskadi nun shinaiin. Nuku nun padananain janchaisma min unaiin.

Apocalipse 3:9

Ja inun, judiobu betsabu jaska Diosun bechipaiai akamabia janchawen besti yuikin: Nun judiobuki, ibiakin Satanás chibankin jaska bechipaiai axuin jiwemisbu judio kayabibumadan, en matu bechipaijaidamis jau unanunbun jatu babu watan matun tae naman en jatu danti imaxanai manayukanwen.