2 Coríntios 1:19 - Kashinawa : Diosun Jesúswen taexun yuba bena yiniki

¹⁹ Ea inun Timoteo inun Silvanonan, Diosun bake Jesucristokidi besti nun matu yusinmiski. Jawen bake Jesucristokidi yubakai janchani Diosun betsa waisma jaska menenixun betsa wama akubainmiski.

Kaxinawá Bíblia (BR)

¹⁹ Ea inũ Timóteo inũ Silvanonã, Deusũ bake Jesus Cristokiri besti nũ matu yusĩmiski. Hawẽ bake Jesus Cristokiri yubakai hãtxani Deusũ betsa waisma haska menenishũ betsa wama akubaĩmiski.

2 Coríntios 1:19 Referencias Cruzadas

Mateus 17:5

akaya januxun nai kuin juxu mayabidankin jatu achiaya nai kuin anuxun jui taxnikin jatu yuikin: —Na en bake en Katunidan, en bechipaijaidaii. Jawen en benimajaidaii. Ninkaidakubainkanwen— jatu wa

Mateus 24:35

Jakia jabiaskadiai nai anua inun mai anua Diosun damiwani jabu keyuxankanikiki. Jakia en janchawen bebunkidi en matu yusiainan, binuama menepakexanikiki.

Mateus 27:40

yuikin: —Uinwen. “Dios kenwanti mishki Templo tekekin pudekin keyutan xaba dabe inun besti kaya en ana benixanaii”, min ishianki. Min ja kushipa jayadan, jaska min Diosun bakemenkain ja cruz anua mimebi paxai butudiwe, mawamadan— akaibun

Mateus 27:54

Janua romano capitán inun jabun Jesús mekekin mai pacha sakui betsa betsai uin datejaidakin yuikin: —Chanima kayaki. Na junidan, Diosun bakeki— ikaibun

Mateus 3:17

yudabu ninkamai nai anua jui taxnikin yuikin: “Nadan, en bakeki. En bechipaijaidaii, en Katuadan”, anikiaki.

Mateus 4:3

diablo Satanás jaki nukutan unanti wanun ixun yuikin: —¿Jaska min Diosun bakemenkain? Min buniaidan, na mishki mania damiwakin misi watan piwe— aka

Marcos 1:1

Ja dukun bebunkidi Diosun jawen bake Jesús Mesíaskidi jatu yubani jaska jawen kakape taxnimakin taewani matu yuinun ninkakanwen.

Lucas 1:35

jawen nuikin nai tsuman ana yuikin: —Kushipa jatu binuatun jawen kushipawen jawen Yushin Pepa yunua mikia dami naneima kainmaxun jatun Dios chibanyan: “Jadan, medibi Diosun bakeki”, ixun kenakubainxankanikiki.

João 1:49

ikunwankin yuikin: —Yusinaan, chanima min Diosun bake kayabiki, Israelbun xanen ibu dasibi binuadan— aka

João 19:7

Diosbe nukunabu janchaxunika xanen ibubun yuikin: —Chani chakai: “En Diosun bakeki”, imiski. Diosun jancha Mosésin nuku kenexuni nun jayaki. Jaskawen taexun Dios yuankin kanemiswen taea nun yunuaiwen taeadan, jau mawanunwen— aka

João 20:28

uintans damapaikin Tomásin yuikin: —Chanima min en Xanen Ibuki, en mekenan yushin Diosdan!— aka

João 3:16

Jesúsun ana Nicodemo shinanmakin yuikin: —Yuda betsa betsapa dasibi jiwebaunabuwen nuijaidakin Diosun eska shinantan ea jawen bake bestichai yununkin taxnimaniwen taexun tsuabunda ea ikunwankin jawen jiwea kayabi benutima bitan mawa kayabiama Diosbe jiwekuinxankanikiki, ikibi ikidan.

João 8:58

—Chanima en matu yuiaii. Abraham jayadiama ea dukun en ikibi ini en ikunkainaii— jatu waiwen taexun

Hechos 15:22

januxun Jesúsun kushipayabu inun mekenikabu inun ikunwain dasibibun Santiagon jancha ninkakin bechipaitan Antioquía anu Pablo inun Bernabébe jau butanunbun jabubetan ikunwainbu anua juni dabe unanepa Judas jawen kena betsa Barsabás inun Silas katutan

Hechos 16:1

janua Pablo inun Silas kakunkainkin Derbe inun Listra ja mae dabe anu yusin Listra anua Jesús ikunwain betsa jawen kena Timoteoki nukunibukiaki. Jawen ewa judio ainbun Jesús ikunwanyan jawen epa griegonawan Jesús ikunwanmaken

Hechos 18:5

janua mai pakea betsa Macedonia anua Silas inun Timoteo jaki nukui ma beshianbun januxun jawen daya jenei datan Pablon Jesúskidi besti judiobu jatu yusinjaida bestiyunun ixun ana daya kayabi akama jatu yuikin: —Chanima Diosun Mesías nukun Xanen Ibu nun manakubainmisbudan, Jesúski— akin jatu unanmai

Hechos 8:36

ma jatixunda ka ianki kemakin jaska Felipen dama yusinxu Etiopianawan yuikin: —Uian. Ma min ea yuikubidanai en ikunwainwen taexun ¿ana en jawamamen, na jene anu min ea nashimatidudan?— atan

Hechos 9:20

Janu jatube jiweyuxun janu judiobu ichamisbu betsa betsapa anuxun Saulon jatu yusin taewakubaunkin: —Jesúsdan, Diosun bake kayabiki— akin jatu yuikubainaya

2 Coríntios 1:1

En Pablo Jesucriston kushipayawakin Diosun jawen shinanen ea katuniken nukubetan ikunwain nukun betsa Timoteobetan en Pablon en ana matu kene bumaii. Diosunabu Corinto maewan anuxun man ikunwainbu inun dasibi nukubetan Jesús chibainbu Acaya mai pakea anu manibaunabu en matu kene bumai uindaxankanwen, jaska man unanumamenkainan.

1 Tesalonicenses 1:1

En Pablon, en medabewanika Silvano inun Timoteobetan en matu kene bumai uindakanwen. Tesalónica mae anuxun man ikunwain nukun Epa Dios inun nukun Xanen Ibu Jesucristobe man ma dasia jatubeken Diosun jau matu duawakin unanuma matu jiwemakubainunwen.

2 Tesalonicenses 1:1

En Pablon, en medabewanika Silvano inun Timoteobetan en ana matu kene bumai uindakanwen. Tesalónica maewan anuxun man ikunwainbu nukun Epa Dios inun nukun Xanen Ibu Jesucristobe man dasiken Diosun matu duawakin jawama unanuma jau matu jiwemakubainunwen.

1 Timóteo 3:16

Dasibi Jesucristo nun ikunwainwen Diosun nuku duawai nun unan keyutidumabia chanima xabakabi jaska wani jaska shinain tsuabuda jaskakidi yui nun jawen ja itidubumaki. Jakia jawen bake ikunwankin Dios nun benimawatiduki. Eskaki, mia yuinun ninkawe: Cristo juidan, junin yuda bitan taxniniki. Cristodan, jawa chakabu jayama pepa bestiki, iwanan, Diosun Yushin Pepatun jawen jiweakidi yuiniki. Bestenkaina Diosun nai tsumabundi uindiakubainibuki. Ja inun, nawa betsa betsapa anuxun Jesúsun tsumabun kakape jakidi yusinkubaunaibun ichapabun ikunwainbun Diosun nai anu ana jawendi ainitan xanen ibu wani nun unaiin.

Hebreus 1:11

Miadan, jawa betsama min ipakexanaii. Jakia min dami wanidan, keyuxankanikiki, tadi chukai keskaidan.

Hebreus 13:8

Ja inun, Jesucristodan, jawa maei betsaisma jabiaskaski, uatian inun, natian ikai inun, ipakexanaidan.

1 Pedro 5:12

Nukun betsa Silvano chintuinsma en yunua na en jancha eskadabes matu kenexunxu en matu anu bumai ninkakin uinxankanwen. Na jaska Cristo ikunwankin jawen matu nuimai man ikaidan, chanima Dios matuwen nuikin jawen pepa matu uinmaikiki. Jaskaken jawa chintuin niti ikama man ikubainunbun matu medabewakin kenexunkin en matu yusinxu inun en matu mestenwanxu jawen taexun Diosun pepa bikubainkanwen, ja nui pae man jayawen taeadan.

2 Pedro 1:17

Jawen Epa Diosun kenwankin kushipa wai nun uianyan jaskabiama Diosun jawen jui taxnimakin jawen bake pepa wakin jancha wakin yuikin: “Nadan, en bakeki. En bechipaijaidaii, en Katuadan”, ikai

1 João 1:3

Ja kakape nukubun uinkin nun ninkanidan, Epa Dios inun jawen bake Jesucristobe nun jatube dasia keskadiai matudi man nukube dasidianunbun nun matuki chanikunkainaii.

1 João 5:20

Diosun bake taxnitanan, jamen juama Dios mekenika kayabi nun unanxanunbun jawen unanepa nuku inanun ika juni nun unaiin. Nun ma ja chanima kayabiki dasia jiweabudan, jadan, jawen bake Jesucristoki nun ikaki, jabias Dios mekenika kayabitun jiwei ikibi ika nuku inanmisdan.

2 João 1:9

Tsuanda Criston yusian chibankin taewabiatan jawen yusian jawena medibis ana chichitan yusiainan, Dios jayamaki. Jakia tsuanda Criston yusini ja jancha kushipa betsa wama jabias chibainan, Epa Dios inun jawen bakebe dasia jabe jiweaki.

Apocalipse 1:11

tsuanda ea yuikin: “Jawada en mia uinmai unaki kenexun Asia mai pakea anu ja 7 yusinanain ichamisbu tibi anu bumaxanwen, Éfeso anu inun, Esmirna anu inun, Pérgamo anu inun, Tiatira anu inun, Sardes anu inun, Filadelfia anu inun, Laodicea anudan”, ea waya

Apocalipse 1:17

Jaska uin jawen tae naman mawa keskai tsistikain en tin ika daka jawen meken yusiudi ea mekin yuikin: “Dateyamawe. Eadan, ea dukun en jiweni inun en jawen jenea debesekeaki.

Apocalipse 1:8

Janua mai jayadiama nukun Xanen Ibu Dios dasibi kushipajaida jiwea jaya inun, natian jiwekunkainai inun, ana juxanaitun ea yuikin: “Ea dukun en jiweni inun en jawen jenea debesekeaki”, ea waxuki.

Apocalipse 2:18

Ana Jesúsun ea yuikin: “Jatun Diosun jancha yuinika Tiatira anu ichamisbu mekea na jancha en mia yuiai kenexundiwe: ‘En Diosun baken, na en bedu chi jede chaxa keska inun na en tae mane tashipa betsa jawen kena bronce denke denke aka chaxajaida keskayatun en matu yuiai ninkakanwen.