1 Timóteo 5:19 - Kashinawa : Diosun Jesúswen taexun yuba bena yiniki

¹⁹ Jaska inun, mekenikatun chakabu wakin kaneaikidi juni bestichai miki chanikin jakidi mia yuiai ninkayamayuwe. Jakia mekenikakidi jabias chakabukidi dabe kasmai dabe inun bestitun mia yuiaibu: “¿Chanimenkain? ¿Chanimadaka?” ikin unanti watiki.

Kaxinawá Bíblia (BR)

¹⁹ Haska inũ, mekenikatũ txakabu wakĩ kaneaikiri huni bestitxai miki txanikĩ hakiri mia yuiai nĩkayamayuwe. Hakia mekenikakiri habias txakabukiri dabe kasmai dabe inũ bestitũ mia yuiaibu: “Txanimẽkaĩ? Txanimaraka?” ikĩ unãti watiki.

1 Timóteo 5:19 Referencias Cruzadas

Mateus 18:16

Jakia mia ninkamaken januxun ea ikunwain bestichai kasmai dabe jatu kenatan jadidi mia chakabuwashina jabias janchadi jatudi banabimatan jatun mia chakabuwashina anu jatu iyuwe, jau jabundi mia medabewanunbunan.

João 18:29

jaskaibun jatun beya unantan jatu anu Pilato kaintan jatu jancha wakin yukakin: —Na juninan, ¿jawa chakabu ashian man jakidi yuiai?— jatu wa

João 8:17

Januxun Diosun Moisés yuia matu kenexunidan, ja uinkin jawada jakidi juni dabe jabias jancha chaniaibu jawen jancha man ikunwantiduki, chanimakenan.

Hechos 11:30

Judea anuxun ikunwainbu mekenikabu jau pei jatu jabun inantanunbun Antioquía anuxun ikunwainbun Bernabé inun Saulo katutan yununibukiaki.

Hechos 25:16

jakia ean jatu kemakin: “Nun romanobunan, nukun yunua kushipawenan, e iskaun detenunbun nun jaska beyamaki. Jakia jau detenunbun yunukinan, ja jaki kayai jadatuda chakabu ja dabe unanti wadabetan nun jatu nematiduki, ja ikaibudan”, akin en jatu washina

2 Coríntios 13:1

Yudabu mai jidabi anu mekenun ika Jesús babuyuniken junibun achixun cruzki netantan tenainbu Jesúsun jatu nemamaken janua ma tenanbu Diosun jawen kushipawen ana bestenwaniki. Jaskaken nukun Xanen Ibu keska babuyui jawen kushipa Diosun nukuwen matu unanmamiswen taea niti ikama Cristobe nun jiwekuinkunkainxanaii. Jabiaskabiaken Criston kushipawen en matu yunumismenkain man unankatsis ikaibu matu anu ana kaxun Criston jancha chanima kushipawen en matu ja atidu en matu uinmai kaxanaii. En matu yusintani ana matu yusiin matube ana ka jiwea en yubakayama keska chai jiwebia matu dapixun en yuiai keska ana en matu banabimai ninkaidakanwen. Jadatubunda ikunwainbun chakabuwakin jatun juinti ana pewadiabuma en ana jatuwen nuiama iki kaxanaii. Eska Diosun yunua Moisin jatu yununiwen besti nun jatu unanti watiduki: “Tsuanda chakabuwai jawen jancha unankin yuda dabe kasmai dabe inun bestitun jakidi chanii pikuaibun jabun jancha ikunwantidubuki”, ini ja yusian chibain matun ichati anu ichaxun jabu chakabumenkain jaska unantinain chitenamei penamebukunkanwen.

1 Timóteo 4:14

Ja inun, min mae anuxun Jesucristonabu mekenikabun mia mamepixun Dios mia yukaxunabu jawen Yushin Pepa mia yunua mia kushipa wanidan, unanumas jamakidi janchama jaska Diosun mia medabewani jakidi besti janchai dayakunkainwen, kaneamadan.

1 Timóteo 5:17

Mekenikabukidi ana mia yuinun ninkawe. Moisin Diosun jancha kenekin: “Min jemaintin anuxun min ina awan jawen taewen min xekiwan pema pema akin mia xemexunaya dispiwen xenexyamakanwen, jau dabukun pinunan”, iwanan, yununiki. Jaska yuikinan: “Dayakapabu jau jatu pakakubainunbunwen”, ani keska wakin mekenikabu tibi jabun matu yusianbudan, jadatuda bestitun Diosun jancha matu yusin jenekatsi ikama matu yusinkin matu medabewakubainaibuwen taexun matundi ja matun mekenika duawakin peiwen kasmai jawadawen medabewakin jawen jawada inankubainkanwen.

Tito 1:6

Mekenika katukinan, eska jiweabu jatu unankin uintan akubainwen. Tsuan jatukidi chakabu yuisma inun, ainyankatsi ikin ainbu bitan jeneisma betsawen kemuisma inun, jawen bakebu jabetan Jesucristo ikunwainbu jawen bakebu jawa metimakin jatu uinmai jatuki ja imaisbuma ja jawen bakebu juinti kushi sinatapaisbumaken min jatu katuxuntiduki.

Hebreus 10:28

Nukun xenipabun Diosun Moisés yusian jancha ninkama chakabuwaibu dabe kasmai dabe inun besti jabias jakidi yui kaneabumaken jatu unanti watan jawa jatuwen nuiama kupikin tenanpaunibukiaki. Natian ja yununi mese jayayuaki.