1 Timóteo 5:11 - Kashinawa : Diosun Jesúswen taexun yuba bena yiniki

¹¹ Jaska inun, ainbuaibu beneyabia jawen benen jeneima kasmai mawaimaken yuxabudiamadan, jau ikunwainbun jaska shadabu jau jatu tanatan medabewayamakubainunbunwen, Jesucristo dayaxunkatsi yubakabiaima jakimatan juniwen kemui ana beneyakatsis itidubukidan.

Kaxinawá Bíblia (BR)

¹¹ Haska inũ, aĩbuaibu beneyabia hawẽ benẽ heneima kasmai mawaimakẽ yushaburiamarã, hau ikũwaĩbũ haska xarabu hau hatu tanatã merabewayamakubainũbũwẽ, Jesus Cristo dayashũkatsi yubakabiaima hakimatã huniwẽ kemui ana beneyakatsis itirubukirã.

1 Timóteo 5:11 Referencias Cruzadas

1 Timóteo 4:3

Ja junibun yusianan, ainyain inun beneyatikidi inun piti betsa tibikidi piaibu nemamisbuki. Jakia Diosun piti shadabu damiwani tsuabunda jabun Cristo ikunwainbun chanima unankin Dios kenwantan pitidububiaken ja piti betsakidi jatu nemamisbu jabun mesewakin yusiainbu ninkakin chibanxankanikiki.

1 Timóteo 5:12

Janua ana beneyama ikunwainbu medabewai jatube dayakatsi yubakabiaima ibubis shinan betsatan ja yubakaima ana shinanma kanei chakabuaya Dios jatuki sinatatiduki.

1 Timóteo 5:14

Ikunwanbuman jau nukuki kaxeyamanunbun ainbu beneyabiaima ma jawen bene mawa kasmai jenebainima yuxabudiabumadan, jau ana beneyakubainunbunwen. Jaskatan bake bitan jatun jiwe medanua pe dayakin jau jatu duawakubainunbunwen.

1 Timóteo 5:9

Jabun ikunwain yuxabu 60 badiya unudi kai beneyatan betsawen kemukin jeneama ipauni enauma ikunwainbun medabewatidudan, eska atiki.

Santiago 5:5

Na mai anu yuda mabuwanyan jiweadan, matun man uintidubuki. Jatidibudan, eska bestiwen jiweabuki. Tadi jawendua sawea inun, mabu jawendua besti jaya jawen besti kemuaibudan, ina awa pi chakayama xuadanwan nia keska ma janu dete kemabu keska man jiweabuki.

2 Pedro 2:18

Jawada janchakin yuiaibu jawendua kemutapabia jamenki. Jabun dama ikunwankin taewashina mestendiabuma ja chakabukidi yusinkin chanima jancha jatu jenemakanikiki, jatun yuda atimapa betsa betsapatikidi jatu yusinchakakinan.

Apocalipse 18:3

Ja inun, mai pakea tibi anua bea jawen jamapai tibi kemu pae jawenduawen kemui jabe chutanamei keskaibu inun, xanen ibu kushipa betsa betsapa tibidi chai jiwea midimabun Babiloniabe atiai keskai jabe yubakamisbuki. Ja inun, ja mabu inanananmisbu mai jidabi anuadi bea janua mabuwanyain jabun mabu inankin pei midima bimisbuki”, ikaya

Apocalipse 18:9

ana nai tsumapan ea yuikin: “Maewan kuaya chi kuin nuyabainai xanen ibu betsa betsapabu jawen jamapaiwen kemui jabe chutanamei itsai kemui jabe jawen jawenduamisbu chakabu jatubetan akubainmisbun uin jawen nui sain iki kaxachakayamakin