1 Timóteo 3:7 - Kashinawa : Diosun Jesúswen taexun yuba bena yiniki

⁷ Ja inun, ikunwanbuman ja juni pepa jawen shinan unantan jakidi pe shinanmisbu besti uinkubainkin mekenika katutiki, Satanásan padankin jatu achia jawaida kanekin jau jatu uinmachayamaxanunan.

Kaxinawá Bíblia (BR)

⁷ Ha inũ, ikũwãbumã ha huni pepa hawẽ xinã unãtã hakiri pe xinãmisbu besti uĩkubaĩkĩ mekenika katutiki, Satanásã parãkĩ hatu atxia hawaira kanekĩ hau hatu uĩmatxakayamashanunã.

1 Timóteo 3:7 Referencias Cruzadas

Marcos 4:11

Jesúsun jatu yuikin: —Matudan, jaskai Dios xanen ibumiskidi Diosun jawen pepa juneni xabakabi man en tsumabu matu yusinkin unanmaikiki. Jakia jabun Diosun jancha ninka bestiaibu miyuiwens besti en jatuki chanikunkainaii,

Hechos 10:22

jabun Pedro yuikin: —Nukun xanen ibu capitán jawen kena Cornelion nuku yunushina mia anu nun juxuki. Juni duapa pepatun Dios kenwandiamiski. Jaskawen taexun judiobu dasibibun bechipaikin jakidi pe shinanmisbuki. Januxun jau min jancha ninkaxanun Diosun nai tsuma betsan yunua ninkashinxun jawen jiwe anu min kanun mia kenaikiki— akabu

Hechos 22:12

Janu en jikishinken juni betsa jawen kena Ananíasin Moisin jancha pe chibanmis judio betsabun janu jiwexun kenwanmisbu

Hechos 6:3

Jaskakenan, en betsabu inun en puibuun, jau juni betsabun piti matu paxkaxunkin inankin pewakubainunbun 7 juni shinanyan inun unanepabu Diosun Yushin Pepatun kushipayabu jau jabun matu paxka pewaxununbun benakin katuxun ja daya jatu yunukanwen.

1 Coríntios 10:32

Jaska jamapai tibi akin jawada danainbu jatun bedubi akin jatu uinmachakayamakanwen, judiobu kasmai judiobuma kasmai ikunwain betsabu jiweabudan.

1 Coríntios 5:12

Jaska ikunwanbuma ikaibudan, jaska nukun dayamaki, nun jatu unanti wapananan. Diosun besti ikunwanbuma jatu unanxun kupixanikiki. Jakia nukun dayadan, Jesús ikunwainbu nuku inun matun man atiduki, unanti watan jatu kupikin pewakinan. Jaskaken ja juni jawen ibuan ainbe jiwea chakabuken matube ichai menan nemakin taxnimadikanwen.

2 Coríntios 6:3

Dios nun dayaxunaiwen taexun jau tsuabunda: “Man kaneaii”, iki jau nukukidi janchayamanunbun pe jiwekunkainkin nun tsua kanekin uinmachakaismaki.

Colosenses 4:5

Jaskaken ikunwanbumabe man jiweadan, jatube medabenain pe jiwei unanepakin jatu duawadiakubainkanwen, Cristo man ikunwain jaska bestikidi janchakin jatu ikunwanmakinan.

1 Tesalonicenses 5:22

Jamapai chakabu shadabu danankubainkanwen, ninkamadan.

1 Timóteo 3:6

Ja inun, mekenika katukin dama ikunwankin taewabainai jawaida uintan katuyamakubainwen. Jamen dama ikunwain man jaska katua: “Ea besti en pejaidaki”, iki keanyan Diosun Satanás putani keska wakin jaskadi wakin jatu putadiatiduki.

1 Timóteo 5:14

Ikunwanbuman jau nukuki kaxeyamanunbun ainbu beneyabiaima ma jawen bene mawa kasmai jenebainima yuxabudiabumadan, jau ana beneyakubainunbunwen. Jaskatan bake bitan jatun jiwe medanua pe dayakin jau jatu duawakubainunbunwen.

1 Timóteo 6:9

Jakia tsuabuda mabu inun pei bestiwen kemuaibudan, jabun jawa unanmawen taeadan, bidun tibi keska jatun kemu pae tibiwen jatu achi keyua jaska tibi taxniaiwen taea jawa shinanma: “En peaii”, i bestikin jamapai chakabu jawendua besti bechipai jawen jiwe chakai pikukunkaini jawen jiwea benui janu kupiaitian jawa pepa biama benuxankanikiki.

2 Timóteo 2:26

Min jaska waya jabu diablo Satanásan jatu beya wakin tsumawani jabun mia nemakubainshinabu bestean keskatan kainkainkin Jesucristokidi chanima jancha unantan ana chakabu wakatsi ikama jabun Satanás mepanmabaintidubuki.

Tito 2:5

Ja inun, jau tsua Diosun janchaki jancha chakabuyamanunbun jatu yusinkin jaska jatun shinan pe meketidubukidi inun, ibubis jatun yuda pe meketidubukidi inun, jatunabu inun jatun mabu tibi jiwe anu pe dayakin meketidubu inun, jawada pepabu bechipaitidubu inun, jatun benebe janchawen binunametidubuma chipashbu yusinkin min jatu unanmadiatiduki.

Tito 2:8

Tsuabuda nukun yusianki ja ikaibu jatu dakewakin jau ana nukukidi jawa chakabu yuiyamanunbun jancha pekidi besti yui nemakanantikidi besti jatu yuikubainwen.

3 João 1:12

Dasibibun: “Jaska kaka taxnimakanwen”, ika en ikaidan, Demetrio bestikidia jancha taxnia en ninkaii, jawen kaka chanimadan. Jaska jakidi kaka kaianyan nukundi jakidi janchakin jabiaskadi nun shinaiin. Nuku nun padananain janchaisma min unaiin.