1 Timóteo 1:7 - Kashinawa : Diosun Jesúswen taexun yuba bena yiniki

⁷ Jabudan, yusian kayabi unanmabia Moisin keneniwen yusinananpaikin jatunmebi yuibiai jabun ibubis ninka pewama inun yusin pewai keska shinain: “En pe jatu yusiaiin”, ikin yuimisbuki.

Kaxinawá Bíblia (BR)

⁷ Haburã, yusĩa kayabi unãmabia Moisés keneniwẽ yusĩnanãpaikĩ hatũmebi yuibiai habũ ibubis nĩka pewama inũ yusĩ pewai keska xinaĩ: “Ẽ pe hatu yusĩaiĩ”, ikĩ yuimisbuki.

1 Timóteo 1:7 Referencias Cruzadas

Mateus 15:14

Jau shinan inunbunwen. Juni bekunman juni betsa jabe bekun iyupai jadakidi iyuai unanma jabia dabe mikin maebain di idabemisbuki. Ja bepadameaibu jaska keskabuki, jabun tsua medabewatidumadan. Jaskaken jawa jatu yuiyamakanwen— nuku wa

Mateus 21:27

jabun Jesús yuikin: —Nun unanmaki— akabu Jesúsun jatu yuidiakin: —Jaskakenan tsuanda jawen kushipawen ea yunuimadan, eandi en matu yuiamaki— iwanan,

Lucas 2:46

janua 3 día ibubun benakubaunkin atimas Templo jemaintin anu jaki nukutushikin Diosun jancha kenenibu yusinananmisbube tsauxun jatu ninkakin Jesúsun jatu yukai jatube janchanamekunkainaya

Hechos 15:1

jabiatiandi jabun Jesús ikunwain judiobu betsa Moisin yusian chibankin bechipaijaidamisbu Judea anua Antioquía anu bushinxun Jesús ikunwainbu jabundi jatu yusinkin: “Judiobuman tsuabunda man nukubetan Jesús ikunwainbudan, Moisin nuku yununi beya jabun jina kubichi biabumadan, Diosun jatu meketidumaki”, iki jatukidi janchaibun

Romanos 1:22

Ja Epa Dios kushipajaida mawatiduma ana kenwanma jabun shinan kushitan ja dami uintidu kenwankatsi ikin juni mawatidu betsabun dami waibu tsuabunda ja dami bitan kenwainbu betsabun peiyabu dami waibu bitan kenwainbu betsabun yuinaka piti inun pitima tae dabe inun dabeya dami waibu bitan kenwainbu betsabun nutawen xadaibu dami waibu bitan kenwankin jaska shadabu besti kenwankubainun ikin Dios danankin yuikin: “En unanepaki”, ibiai unainsmapabu ipaunibukiaki.

Gálatas 3:2

Jaskaken na besti matu yukanun: ¿Jaskadawen taexun Diosun Yushin Pepa man binimen, Moisin keneni chibankindaka? ¿En yusian Jesúskidi ikunwankindaka?

Gálatas 3:5

Diosun jawen Yushin Pepa matu inanxun jawada dami itimaska jawen kushipawen junibun atidubuma matu amakubainmisdan, ¿jadatu chibankin matu amamismen? ¿Moisin keneni man chibanmiswen taexundaka? Jaskamajaidaki. Uindakanwen. Diosun jancha ninkakin man ikunwainwen taexun besti jawen kushipawen matu amamiski.

Gálatas 4:21

Moisin yunuti inun jawen nemati man bemakis chibanmisbuun, ¿Moisin yusian man ninkaisbumamen?

1 Timóteo 6:4

Jawen taea besti kein unanmabia ja iki jaskakidi shinain jamebi jatun shinan jatu atimapa wamamisbuki. Eska tibi jatun shinan medanua taxnidan, jawada betsana ja jawena jaska jayama uin jaskai ja besti jaska jayamen iki sinataidan, yuananain betsabube danananainan, bechipainameama xeti ikama jatuki ja ikidan,

2 Timóteo 3:7

Jabun jawadakidi tapinbiakubainkin jawa chanima jancha xabakabi ninka pewatidubumaki.

Santiago 3:1

En betsabu inun en puibuun, matuwen nuikin ana matu yusinun ninkakanwen. Jatida ichapa matumebi jatun yusinanun ika jawen kemuyamakanwen. Na jiwea nun unanmabia nun Dios dayaxunun ikaibudan, jaska tibi jatu medabewai nun janchakin jatu yusinbiamis jabiawen taexundi jawa kaneama Diosun nuku tibi unanti waxanikiki.

2 Pedro 2:12

Ja junibu padanananmisbudan, jawa ninkati kayabi jayabumaki, yuinakapan shinanyan keskabudan. Yuinakadan, chanima jawen ninkatinins jiweabuki, tsuanda achixun detexun pimisbu inun pisbumadan. Ja padanananmisbu jaska keskabuki. Diosun bai kayatapiakidi unan pewamabia jakidi janchachakamisbuki. Jakia jaskabu mawaidan, yuinaka deteabu imis keskaxankanikiki.