1 João 3:1 - Kashinawa : Diosun Jesúswen taexun yuba bena yiniki

¹ Shinankanwen. Nukubudan, nukun Epa Diosun nuku bechipaijaidakin nun jawen bakebu nuku kenaikiki. Jakia tsuabunda Dios unanbumawen taexun nun jawen bakebu nuku unanbumadiki.

Kaxinawá Bíblia (BR)

¹ Xinãkãwẽ. Nukuburã, nukũ Epa Deusũ nuku abuhairakĩ nũ hawẽ bakebu nuku kenaikiki. Hakia tsuabũra Deus unãbumawẽ taeshũ nũ hawẽ bakebu nuku unãbumariki.

1 João 3:1 Referencias Cruzadas

Lucas 20:36

Janua Diosunabu kayabi ana besteanbuwen taea Diosun nai tsumabu keska beneuma inun ainyuma jiwexankanikiki, ana mawamadan.

João 1:12

jakia jatiditun jawen jancha ninkatan ikunwankin beya waibun Diosun Shinain Janchatin jau Diosun bakebu ixanunbun jawen kushipa jatu inankin jatu duawakin taewaniki.

João 11:52

Na jaska yunuidan, jabu bestikidi ikama jakia Diosun bakebu paxka jiwea akeakeabu jabun ikunwainbu dasibi ichawaxanun ika medabewai Jesús nuku mawaxunxanai

João 15:21

Jatun ea yununi jabun unanbumawen taexun na jaska tibi matu wakinan, man ea chibainbuwen taexun matu axankanikiki.

João 16:3

en Epa Dios unanma eadi unanbumawen taexun matu jawa unanma ichakawaxankanikiki.

João 17:25

Epaan, min kaneismaki. Mai jidabi anu yuda jiweabun mia unanbumabiaken ean, en mia unaiin. Na ebe mapuabun min ea yununi unankanikiki.

João 3:16

Jesúsun ana Nicodemo shinanmakin yuikin: —Yuda betsa betsapa dasibi jiwebaunabuwen nuijaidakin Diosun eska shinantan ea jawen bake bestichai yununkin taxnimaniwen taexun tsuabunda ea ikunwankin jawen jiwea kayabi benutima bitan mawa kayabiama Diosbe jiwekuinxankanikiki, ikibi ikidan.

Romanos 5:8

Jaska keska binumakin Dios dasibibuwen nuikin nuku bechipaiai nuku unanmanidan, dasibibu nun chakabu jusia jiwebiaken ja shinanma Diosun Cristo yunua taxnitan nukun kupiti nuku bixuin ja besti nuku mawaxuniki.

Romanos 8:19

Mai jidabiki dasibi jabu Diosun damiwani: “¿Jadatu jawen bakebu kayabimenkain?” ixun xabakabi uinkatsis ikin jin jin ichakayamakin manakanikiki.

Romanos 8:21

Diosun kupikubainkin jau keyukin yamawaxanun manakanikiki. Diosun jawen bakebu duawakin mai jidabidi duawaxanaiwen taexun dasibi damiwani benimaxankanikiki, mibanan, yuinakadan, bishidan, yudabudan, dasibi betsa betsapadan.

Romanos 8:32

Jaska inun, jawen bake jawa yaushitaskama yunua taxnitan mawakin nukubu nukun chakabu nuku buaxuniwen taexun nun jabu Jesucristoki dasiabu jawen taexun nuku duawakin jamapai tibi jawen bakewen nuku axunixun Diosun nuku axunkubainikiki.

2 Coríntios 6:18

matu jaska watan en bakebu matu wai matun epa en ikunkainxanaii”. Dios kushipa dasibi binuatun yuiai jawen jancha yuixunikabun ninkatan keneniki. Jabiaskadi en matu yuiaii.

Gálatas 3:26

dasibi man Jesucristo ikunwain man ma Diosun bakebuken jatun besti matu mekekubainikiki.

Gálatas 3:29

Man Cristonabudan, jabia man Abrahamnen bababu dikabiwen taea jaska Diosun Abraham yubaniwen matudi jawenabui man jiwea kayabi jayadiaxanaii.

1 João 3:10

Diosun bakebu inun Satanásan bakebu man unanti watidudan. Tsuanda pepa akubainama inun ikunwainbube bechipainameamadan, Diosunabumaki.

1 João 3:2

En betsabu inun en puibuun, en matuwen nuiaidan, nun ma Diosun bakebuki. Chipu jaskadada nun ixanai natian nun unandiabumaki. Jakia nukun Xanen Ibu Jesucristo ana nukuki nukuaitian janu jabe ja keskadi ikin janu jaskadada nuku wai nun uinxanaii.

1 João 4:17

Jaskakunkaini chanima nun nui jayakunkainmisbudan, Diosun Jesucristo bechipaimis keska wakin nukudi jabiaskadi wakin nuku bechipaimiswen taea janu badi jawen jeneaitian Diosun jatu unanti waya nun jawa dateama ixanaii.

Apocalipse 21:7

Ja inun, tsuabunda ea dananma jabun maemakin binumisbudan, ea en jatun mekenika Dios ikaya jabu en bakebu na mae bena anu jawa benuama ebe jiwei ikibi ipakexankanikiki.