1 Coríntios 7:7 - Kashinawa : Diosun Jesúswen taexun yuba bena yiniki

⁷ Eadan, aiunma jiwea en ainyankatsi ikamaki. Tsuabuda ea keska jiwetidubudan, jaska peki. Jamen Diosun juni tibi jaskas nukun aka nuku inanma betsa tibi nun ja dayaxunun nuku inanmiski, yunukinan.

Kaxinawá Bíblia (BR)

⁷ Earã, aĩuma hiwea ẽ aĩyãkatsi ikamaki. Tsuabura ea keska hiwetiruburã, haska peki. Hamẽ Deusũ huni tibi haskas nukũ aka nuku inãma betsa tibi nũ ha dayashunũ nuku inãmiski, yunukinã.

1 Coríntios 7:7 Referencias Cruzadas

Hechos 26:29

Pablon ana yuikin: —Jawaida kasmai chipu kasmai mia inun dasibibun natian jabun ea ninkaibu en ikunwain keskakin man Jesús jaibu wadianun Diosun jau matu kenadianunwen, jakia na en ika keskai mane dispiwen matu tsuan menexamadan— jatu wa

Romanos 12:6

Nun jaskawen taexun nuku tibi jawen dayati kushipa nuku inanmiski, jaska nuku tibi nuku inankatsis ikin inankinan. Jaskaken Diosun jawen jancha yuixunika jadatuda matu katua ikunjaidawai jawen kushipa jayakin xabakabi jawen kakape jatu yusiin janchakubainkanwen.

1 Coríntios 12:11

jaska tibi nuku wakin Diosun Yushin Pepatun jawen kushipawen Diosun daya nuku amakin jaska bechipaiai keska yuda tibi jawen kushipa yunua akeakekinan.

1 Coríntios 12:4

Janua nun ikunwainbu tibi nun jawen kushipanamei inun nun medabenamenunbun Yushin Pepatun jawen kushipa betsa tibi nuku yunua akeakekin jabias Yushinin nuku yunumiski.

1 Coríntios 7:8

Tsuada ainyandiama inun, jawen bene ma mawaima inun, jawen ain ma mawaimaken jaska ana shinanma jiwekatsis ikaibudan, jaska man pe meaidan, jabiaska jiwekubainkanwen, ea en jiwea keskaidan.

1 Coríntios 9:15

Na jaska tibi yunuti jayabiaken ja shinankin en matu jawa ea aismaki. Jaska inun, kene matu bumakin: “Matun jawada ea inankanwen”, en matu wakin yukamaki. Jaska en matu yuiai keska wakin ekidi shinan chakakin: “Pablo pakakin taewanankanwen”, iwanan, shinanyamaxankanwen. Man ea pakaisma keska besti ikubainkanwen. En matu yusianyan man ea jawa inainsma benimajaidai en keaiin. En jaskakunkainaidan, en bechipaijaidadiaii. Matu bedabinwankatsi ikama en jawaida mawakatsis ikaii. Eskaki, matu yuinun ninkakanwen.

1 Coríntios 9:5

Jesúsun kushipaya betsabu inun, nukun Xanen Ibun betsabu inun, Pedron yusinbaunkin jatun ain iyumisbu keska wakin nukundi ainbu nukubetan ikunwainbu nun iyudiatiduki. Nun jatu jaska wabainaya Jesúsun nuku yununiwen taexun jatuna bidiatidubuki.