1 Coríntios 4:11 - Kashinawa : Diosun Jesúswen taexun yuba bena yiniki

¹¹ Na jabia eskatianan, jawa nun pe jiwediamaki, eska teneidan. Nun bunimiski. Nun unpax manumiski. Nun tadi chuka sawea nimiski. Ja inun, yuda betsabun nuku ichakawamisbuki. Medibi jiwe jayama nun jiwemiski.

Kaxinawá Bíblia (BR)

¹¹ Na habia eskatianã, hawa nũ pe hiweriamaki, eska teneirã. Nũ bunimiski. Nũ ũpash manumiski. Nũ tari txuka sawea nimiski. Ha inũ, yura betsabũ nuku itxakawamisbuki. Meribi hiwe hayama nũ hiwemiski.

1 Coríntios 4:11 Referencias Cruzadas

Mateus 8:20

jawen shinan unanun, iwanan, Jesúsun yuikin: —Kaman inu jawen kini jayaki. Peiyabu jawen na jayabuki. Jakia matun Juchi Kayabi Iyua ean en jatu yusinkubaunai janu uxati jiwe en jayamaki. ¿En ikai keskai min idiatidumen?— akaya

Hechos 14:19

ja jatu jaska waibun judiobu Antioquía anua inun Iconio anuabu bexun Pablo inun Bernabékidi chani chakakin yudabu padankin jatu shinan betsa wamatan jatu itimaska wamabaunkin Pablo besti bechixun mankanwen tsaka tsaka akabu Pablo di ikaya: “Ma mawaki”, ixun chaka udenmisbu anu xadabain udentanabu dakaken

Hechos 16:23

jabun jatu kusha kusha achakayamatan bichiti jiwe anu jatu bichimatan mekenikatun uin pewakin jau mekejaidanun yunubidanabu

Hechos 23:2

ja dapi niabun jau betsan kepais atanun Diosbe jawenabu janchaxunika xanen ibujaida Ananíasin jatu yunua betsan kepais aka

Romanos 8:35

Jaska inun, Jesucriston matu bechipai matuwen nuiaya tsuan matu paxkatidumaki. Na eska shadabunan, na dasibi nuku jatun bika tenemamistun inun, nuitapaiwen inun, tadiumawen inun, pitiumawen inun, nuku bikawaibuwen inun, nuku ichakawaibuwen inun, nuku dedaibuwen inun, mesewatan nuku tenanbiaibun Jesucristo nukuwen nuikin nuku duawai jabun nuku mesewakin dapaxkamatidubumaki.

1 Coríntios 9:4

Ea inun Bernabén nun matu yusinkubainkin matu anua piti inun nuxuti nun bitudubia nun matu ea aismaki. Jakia nun Jesúsun kushipayabuwen taea nukudi nun jaska ea itiduki.

2 Coríntios 11:20

Jaska inun, jabundi matu dayadu watan matu yunuabu man jatu dayaxunmiski. Matu padanbetanan, ichakawakin matun jawada matu biainbu man jatu inanmiski. Jabun matu tanpais akabu man tenemiski, jaskatimabiakenan.

2 Coríntios 4:8

Jaska inun, Jesús anibu keska wakin nukudi ichakawakin tenankatsis ibiaibun jamapai bika betsa betsapa nuku waibu tenekin Jesucristo nukun Xanen Ibu jiweatun nuku medabewakubainai chintuanma dasibibu nun jatu uinmakubainaii. Jaska tibi Jesucriston nuku medabewamis matu yuinun ninkakanwen. Jamapai bika betsa betsapa nuku tenemakin jadakidi nuku paxatimawabiaibun nukun Xanen Ibuan bai nun manaka besumawamaki. Ja inun, nuku tenankatsis ibiaibun jatuwen datekin nukun Xanen Ibu nun jenebainsmaki. Nuku nemanun ixun kuxakin nuku di abiaibunan, jawen taexun nuku yamawatidubumaki.

Filipenses 4:12

Jaskai jiwetidan, ma en unaiin, nuitapai jiweti inun, nuitapama piti ichapaya jiweti inun, jamapai bika betsa betsapa mei benimai inun, buni tenei inun, janu piti ichapa jayaken nun texewai inun jawa jayamaken en nuitapaidan, jaska en beyakunkainaii, jawawen nui kemuamadan.

2 Timóteo 3:11

jaska Antioquía anuxun inun, Iconio anuxun inun, Listra anuxun ea ichakawakin ea bika tenemakubidanyamabu min unain keskakin miadi bika tenemaibu min teneai ea keskakin min mekubainaii. Ea jaska tibi wabiaibun nukun Xanen Ibuan ea jatu mepamakubainyamaki.