1 Coríntios 16:6 - Kashinawa : Diosun Jesúswen taexun yuba bena yiniki

^6-7 Matu anu kabia en jin jin ikainkatsi ikamaki. Jamen nukun Xanen Ibun ea nemama uxe dabe kasmai ui debuaya matube jiwekatsi iki jawaida en kakatsi ikamaki. Januxun ea duawakin ea medabewakin jadakidida en kaya man ea nichinkin pewatidubuki.

Kaxinawá Bíblia (BR)

^6-7 Matu anu kabia ẽ hĩ hĩ ikaĩkatsi ikamaki. Hamẽ nukũ Shanẽ Ibũ ea nemama ushe dabe kasmai ui debuaya matube hiwekatsi iki hawaira ẽ kakatsi ikamaki. Hanushũ ea duawakĩ ea merabewakĩ harakirira ẽ kaya mã ea nitxĩkĩ pewatirubuki.

1 Coríntios 16:6 Referencias Cruzadas

Hechos 15:3

nichianbu bui Fenicia mai pakea inun Samaria mai pakeakidi bukin judiobuman jaska jatun shinan chakabu jenetan Jesús chibanshinabukidi jatuki chanikubainaibun mae tibi anuxun ikunwainbun jaska washinabukidi jabun kaka ninkai benima chakayamakubainaibun

Hechos 17:15

janua ikunwain betsabudi Pablobe niwe xaxuwen bui maewan betsa Atenas anu chaijaida iyuxun nichintanabu Pablon jatu yuikin: —Silas inun Timoteo jau jawaidabidan jau eki nukudi benunbun ea jatu yuixuntankanwen— jatu wa chintunbainaibun

Hechos 20:38

“Ana man ea uianma ixanaii”, ikin jatu yuixuwen taea jawen nuichakayamai ana benimama punu nukatan jabiaskabia nichinun ika ianenwan kexa anu xaxu anu Pablo iyuabun

Hechos 21:5

janua 7 día ma keyuaya: “En ma kaii”, nun jatu wa nuku nichinun ika jatun mae anua jabun ikunwain junibu inun jatun ainbuaibu inun jatun bakebuya dasibibun nuku chibanbidan ianenwan kexa anu bea mashin nukube danti itan nukubetan Dios kushipa yukatan

Hechos 27:12

—Nenu Buenos Puertos bai butua chakabuki. Jaskanuxun nun matsi binutidumaki— ikaya dasibibun jabiaskasdi shinain: —Jaskakenan, nenua buidan, Creta natukanu Fenice mae anu bunankanwen, janu bai butua peki, noroestekidi inun sudoestekidi uiankidi janu bashikutan nun ui binuyununbunan— ikaibun

Romanos 15:24

samama en matu uin kakatsis ikaidan. Jadi kaidan, España mai pakea anu kakatsi man Roma anuabu janu dukun matube uinanain benimatan jabianua eskadabes matube medabenantan janua unudi en kaya matundi matun jawadawen man ea medabewa España anu en katidu en shinaiin.

1 Coríntios 16:11

Matubun tsuanda dananma duawakin jamapai tibi bikatsis ikai medabewakin inantan benimawakin unanuma jau ea anu junun nichinxankanwen, nenuxun ikunwain betsabubetan jatubetan en manaidan.

2 Coríntios 1:16

Macedonia mai pakea anu jiweabu dukun uiantanbaini janua matuki bakin matu benimawatan janua chintunkidani jui matuki ana bakin ana en matu benimawaya janua Judea mai pakea anu jiweabu anu en kaya matundi man ea medabewatidu shinain: “En matuki bai kaxanaii”, matu watan en jaska matu kenexunimaki.

Tito 3:12

Uian niwejaidaitian Nicópolis anu en jiweyuxanaii. Min dayai anu Artemas kasmai Tíquico en yunua mia anu kaya janu jawaidakidan Nicópolis anu eki nukui juxanwen.