1 Coríntios 15:8 - Kashinawa : Diosun Jesúswen taexun yuba bena yiniki

^8-9 Januxun Jesús ikunwainbu ichakawakin en jatu mesewakin itimaska wakubainaiwen taea en atimapa chakabubia Damascokidi en kaya jawen jenei eki nukui Jesús taxnitan ea uinmadianiki. En bake atimapa kaian kaunma jiwemis keska en ikaya jawen kushipaya betsa tsuabunda ea kenatidumabiaken en jawen tsuma betsabu kushipaya keska Jesúsun ea wani jatu keskabia en shinanan, en bexmaski.

Kaxinawá Bíblia (BR)

^8-9 Hanushũ Jesus ikũwaĩbu itxakawakĩ ẽ hatu mesewakĩ itimaska wakubainaiwẽ taea ẽ atimapa txakabubia Damascokiri ẽ kaya hawẽ henei eki nukui Jesus tashnitã ea uĩmarianiki. Ẽ bake atimapa kaĩyã kaũma hiwemis keska ẽ ikaya hawẽ kuxipaya betsa tsuabũra ea kenatirumabiakẽ ẽ hawẽ tsuma betsabu kuxipaya keska Jesusũ ea wani hatu keskabia ẽ xinãnã, ẽ beshmaski.

1 Coríntios 15:8 Referencias Cruzadas

Hechos 18:9

Janua meshu betsatian Pablo uxa namaya Jesúsun yuikin: —Datei jancha neseama ekidi en kakape yusinkin jeneyamawe.

Hechos 22:14

ana ea yuikin: “Ja nukun Dios nukun xenipabun kenwanpaunibu jabiatundi mia katunixun mia unankin jau jawen shinanwen jawen bake pepa Jesús min uinun jawen juiwen mia jancha washinaki.

Hechos 22:18

Jesús en uianyan ea yuikin: “Nenuxun min ekidi jatu yusianyan mia ninkama ixankanikiki. Jaskaken menan jawaida Jerusalén anua taxnidikaintanwen”, ea wa

Hechos 22:6

Janua ea kushipa wakin kene ea inanbu bui jaya kai Damasco bai tanabaini ma en kemaya badi manananbi nai anua bin chaxa kushipajaida pexekidan ea dachaxaya

Hechos 26:12

Diosbe nukunabu janchaxunika xanen ibubun jaska nun akai keska nun anun ea jatun kushipaya wakin yunuabu Damasco bai tanabaini ma en kemaya

Hechos 26:16

Benidiwe, en mia anu juxukidan. Mia katutan jaska min ekidi dayakunkaini chanikunkainxanun en mia uinmaxu inun chipu betsa en mia uinmaxanaidan.

Hechos 9:17

ninkabaini Ananías kai janu Saulo ika anu jikikain mamepitan yuikin: —Sauloon, Jesús ikunwain ma min nukun betsaki. Min bai tanabidanai jabias Xanen Ibu Jesús miki nukushinatun jau min bedu min ana uin pewanun inun jawen Yushin Pepatun jau mia achitan kushipa wanun mia anu Jesúsun ea yunuxuki— akaya

1 Coríntios 9:1

Jamen enakididi matu yuinun ninkakanwen. Damasco baiwen en kai Jesús janu eki nukutan ea uinmashinxun nukun Xanen Ibun jawen tsuma kushipaya betsa ea wakin ea yununiwen taexun tsuan ea yunuamawen taea jaska matu anu en dayai kaxun nukun Xanen Ibun daya en matu uinmakin Diosun kaka pepa matu yusinkubaunkin man Corinto anuabu Jesús en matu ikunwanmaniwen taexun en Jesúsun kushipaya betsabu keska jabias daya en jayabiaken matun man ea danantidubumaki.