1 Coríntios 15:51 - Kashinawa : Diosun Jesúswen taexun yuba bena yiniki

⁵¹ Yubakatan Diosun jawen jancha juneni matu xabakabi yuinun eskaki, ninkakanwen. Jesús nun ikunwainbudan, mawaida jatida nun mawama ixankanaii. Jesús ana juaya nuku tibi betsa waxanikiki, yuda bena betsa nuku wakinan.

Kaxinawá Bíblia (BR)

⁵¹ Yubakatã Deusũ hawẽ hãtxa huneni matu shabakabi yuinũ eskaki, nĩkakãwẽ. Jesus nũ ikũwaĩburã, mawaira hatira nũ mawama ishãkanaii. Jesus ana huaya nuku tibi betsa washanikiki, yura bena betsa nuku wakinã.

1 Coríntios 15:51 Referencias Cruzadas

1 Coríntios 13:2

Jaska inun, en Diosun kakape xabakabi yuinikabia inun Diosun shinan en unanbiamis inun jamapai betsa betsapa junea en unanjaidabiai inun Dios ikunjaidawakin mati en maewatidubia en nuikipama en jawamajaidaki.

1 Coríntios 15:18

Jaska inun, Cristo besteanma iniken Cristo ikunwainbu jamen mawatan benukeankanaii.

1 Coríntios 15:20

Jancha chanima matu yuinun ninkaidakanwen. Cristo mawashina ja dukun Diosun bestenwaniwen taea yudabudi mawakubainaibu jawen taeadi bestein keyuxankanikiki.

1 Coríntios 15:6

Januadi jawen betsa Santiago jakidi nukutan Jesúsun kushipaya betsabudi jabukidi nukutan jatu uinmashinken janua jabun chibankin ikunwanmisbu midimajaida 500 binuabutikidi Jesús jatuki nukutan uinmadianikiaki. Jatidi ma debua inun ichapa jiwediayuabuki.

1 Coríntios 2:7

Jaska mai damiwadiama Diosun jawen unanepati jawen shinan juneyunixun nuku matu yusinmaidan, eskaki, ninkakanwen. Chanima Diosun jawen bakewen taexun nuku jawenabu wakatsi nukuki tana yubakaniki. Jaskawen taea nukubudi jatuki dasitan nun jatu keskadi ipakexanaii, jawendua kushipa chaxakapa buidan.

1 Coríntios 4:1

Nukudan, nun eska bestiki nuku shinankanwen. Criston daya axuin nun jawen medabewanika bestiki. Jaskawen taexun nukun shinan benawatan nuku yununiwen taexun Diosun jawenabu matu wakatsis ikin jawen kakape yubakani junekubidani ma xabakabi nuku matu yusinmakubainikiki.

2 Coríntios 5:2

Jaskaken na mai anu nukun jiwea chakabuwen nun nuitapayuaii. Janua chipu nai anu nukun jiwe pepa anu jiwei kakatsi iki nun manayukubainaii.

2 Coríntios 5:4

Natian nun jiweadan, jawawen jaskatima nun bika teneyuaii. Mawatan nun chapukatsi ikamabia nun ma mawa kasmai nun jiweyuadan, Jesúsun nai anu nuku ainitan jiwea bena inankin nukun yuda bena nuku inanxanai nun manaii.

Efésios 1:9

Cristowen nukun chakabu buakatsi badi ichapa jawen shinan Diosun junenixun jawen duapawen ma xabakabi nuku taxnimaxuniki, nuku unanmakinan.

Efésios 3:3

Jaskaken jawen shinan junea Jesucristokidi ea xabakabi unanmani eskadabes en dama matu kenexunxu

Efésios 5:32

Ainyain inun beneyai yuda bestichai keska jiweadan, min tapintidudan, bikaki. Jakia jabiaskadiai Cristo inun dasibi ja ikunwainbu jaki dasia jabiaskadiki, Cristoki nun jaki dasia nun yuda bestichai keskabudan.

Filipenses 3:21

Janua juxun jabiaskadi kushipawen jamapai dasibi meke keyumistun nukun yuda babu atimapa betsa wakin benawaxanikiki, jawen yuda chaxa keska nuku wadiakinan.