1 Coríntios 14:29 - Kashinawa : Diosun Jesúswen taexun yuba bena yiniki

²⁹ Jabiaskadi tibidi Dios yuixunikabun jawen jancha xabakabi yusiainbu yusinika dabe kasmai dabe inun bestitun jatun jawada yuitidubuki. Yusianyan yusinika betsabun ninkakin jawen jancha ¿jancha kayabimenkain? jau yukakin unankubainunbunwen.

Kaxinawá Bíblia (BR)

²⁹ Habiaskari tibiri Deus yuishunikabũ hawẽ hãtxa shabakabi yusĩaĩbu yusĩnika dabe kasmai dabe inũ bestitũ hatũ hawara yuitirubuki. Yusĩayã yusĩnika betsabũ nĩkakĩ hawẽ hãtxa hãtxa kayabimẽkaĩ? hau yukakĩ unãkubainũbũwẽ.

1 Coríntios 14:29 Referencias Cruzadas

Hechos 13:1

Antioquía anuxun ikunwain ichaibu jabun jatu yusiainan, eska jayanibukiaki, Diosun jancha mextanmanikabu inun jabun kakape Jesúskidi jancha yusinananmisbu betsa betsapabudan. Jatun kenadan, Bernabé inun, Simón jawen kena betsa Meshupa inun, Cirene anua juni betsa Lucio inun, Galilea xanen ibu Herodesbe ewani Menahem inun, Saulo inibukiaki.

1 Coríntios 12:10

betsa jaska tsuan atiduma jawen kushipa unanmati dami betsa betsapa wanikabu wakin betsa jadatuda yushin chanima chaniai inun jadatuda yushin chani chakai unantidubu jatu wakin betsa jancha tapindiamawen janchatidubu wakin betsandi jabun jancha ninkatan matun janchawen jatu xabakabi maewaxunika wakin Diosun nuku tibi yunua akeakediamiski,

1 Coríntios 13:2

Jaska inun, en Diosun kakape xabakabi yuinikabia inun Diosun shinan en unanbiamis inun jamapai betsa betsapa junea en unanjaidabiai inun Dios ikunjaidawakin mati en maewatidubia en nuikipama en jawamajaidaki.

1 Coríntios 14:28

Jakia juni betsa Yushin kushipa jancha maewaxuntidu jayamaken jau tsuada Yushin Pepatun kushipa jancha betsawen janchai matu anu jayabia ichamisbu bebunua jau matu janchaxunyamanunwen. Jakia jamebi Dios kenwain janiada tsuan ninkama Diosbe janchatidubuki.

1 Coríntios 14:30

Janua tsuada juni betsa matube icha tsauanua Diosun jawen jancha xabakabi taxnimakin yuimakatsi ikaya ja dukuntun yusinkin jau jawaida keyununwen, janua ja kachu betsandi jau anunwen.

1 Coríntios 14:32

Man ichatan kenwainbu Dios unanuma jiweatun matu itimaska wakin jusimakatsi ikamawen taea man Diosun jawen jancha xabakabi yuixunmisbun matun kushipa meketan uinda jawen dayakubainkanwen. Jaskai nun ichai beyamis tibi ikunwainbu ichatan

1 Coríntios 14:37

Jaskaken tsuabunda shinankin: “Diosun Yushin Pepa jaya jawen jancha en xabakabi yuixuntiduki”, iwanan, en kene uinkin: “Nukun Xanen Ibun Pablo nuku yusinmaniwen taea yusian pepaki”, iwanan, unanxankanikiki.

1 Coríntios 14:39

Jaskaken en betsabu inun en puibuun, tsuada Diosun Yushin Pepatun kushipawen jancha jawen janchama janchakatsis ikai jatu nesewakin nemayamakanwen. Jakia Dios yuixunkin jawen jancha xabakabi jatu yusinkatsi ikinan, Dios yukakubainkanwen.