1 Coríntios 13:5 - Kashinawa : Diosun Jesúswen taexun yuba bena yiniki

⁵ Jaska inun, metukin yuda betsabu dakewama janchai pemisbuki. Ja inun, jatun shinanens besti ikatsi isbumaki. Ja inun, jawaida sinataisbumaki. Ja inun, jawada jakidi chakabuwaimabu ana jas shinainsbumaki.

Kaxinawá Bíblia (BR)

⁵ Haska inũ, metukĩ yura betsabu dakewama hãtxai pemisbuki. Ha inũ, hatũ xinãnẽs besti ikatsi isbumaki. Ha inũ, hawaira sinataisbumaki. Ha inũ, hawara hakiri txakabuwaimabu ana has xinaĩsbumaki.

1 Coríntios 13:5 Referencias Cruzadas

Mateus 5:22

Jawen jancha chanimaki. Ana jabiasdi matu yusinun ninkakanwen. Tsuada yuda betsaki sinatakin detekatsi ikin man shinankubainaiwen taexun Diosun matu kupixanikiki, matun shinan chakabuwenan. Ja inun, tsuada yuda betsaki sinatakin ichakin: “Min unainsmapaki”, ikubainmisbu jau xanen ibubun kupixanunbunwen. Jamen ana yuda betsaki sinata chakayamakin chitekin: “Min jawa unanmajaidaki”, ikubainmisbu chi jawa nukaisma anu Diosun udenkatsi manakubainikiki.

Mateus 9:4

tsuan Jesús yuiamabia jatun shinan unankin Jesúsun jatu yukakin: —Matunan, ¿jaskakin man shinan chakai ikai?

Marcos 3:5

yuinamea akeakekin jatun shinan bikawaibun Jesús ninkakatsis ikabumaken janua Jesús sinatai juinti nishmaxun jatu uinkin keyutan ja juni meken meyushki yuikin: —Min meken meshanwen— aka meshanyan jawen meken ma mepekei peaya

Lucas 7:39

Jesús jatun iatun uintan Jesúskidi shinankin: “Dios nuku yuixunika kayabitunan ja ainbun jawen tae meaidan ainbu chakabukunkainmis unankeanaii”, ikaya

1 Coríntios 10:24

Jamen jamapai pepa bikin ja dukun matuna binun ika ana jatu maemai nashui ikama jakia yuda betsabu dukuntun jau katuyununbun pes ikama manakubainkanwen.

1 Coríntios 10:33

Jamen ea en shinanen ikidan, dasibibu medabewanun ika emebi jaska en shinain benama dasibi jatu kenwanmakin Jesús jatu ikunwanmanun ika jawada danainbu jenekin jaska dasibibu jiweabu en jatu medabewakubainaii.

1 Coríntios 11:18

Ja dukun matukidia juxun ea yuiabu en ninkaidan, man ikunwainbu ichaidan, man xukui paxkakanikiaki. Jaska chanima paxkatan man pewaidan, man jaskaiwen taexun eskadabes en matukidi ikunwaiin.

1 Coríntios 12:25

Jaska nukun yuda paxkaisma keskai ikunwainbu dasibi shinan betsa betsapa nun jayama jabiaskas nun shinainbu jabube duanamei ikunwain betsabu uinkin jatun jamapai tibi jayabumawen jatuwen nuikin nun medabenanunbun Diosun nuku katumakeakemiski.

1 Coríntios 7:36

Tsuanda bebunkidi jatun ainbu bake ja juni bimakatsi yubaima ma ja dabetan Jesús ikunwainbu ma pekenan, bechipainamedabeidan, ma ainyain inun beneyatidubuki, jawa chakabuwamadan.

2 Coríntios 5:19

Na jabias Diosun shinani en matu ana yuiai ea ninkakanwen. Cristowen yudabun chakabu ana shinantimawani Cristobe Dios dayakin yuda dasibibu jatu jaibuwakatsis ikin jabun Cristo unantan ikunwain jau unanuma jiwekubainxanunbun na chanima jancha nun jatu yusinkubainun nuku yununiki.

Gálatas 5:13

En betsabu inun en puibuun, man judiobun beyauma jawama man jiwekubainunbun Diosun matu katuniki. Jaskai jiwekin matun yuda meke chakabuwama nukunabube duanamei jatube nui medabenamekubainkanwen.

Filipenses 2:21

Ja betsabun Jesús chibanbiai jatunas bestiwen nuikin shinankanikiki, jaska Jesucriston bechipaiai keska akamadan.

Filipenses 4:8

En betsabu inun en puibuun, kenekin en ma matu keyuxunai ea ninkaidakanwen. Eska tibi pepa shinankanwen. Dasibi jancha kayabi inun, dasibiwen pepa wai nun jaki mesetidu inun, dasibi nun kanetiduma inun, dasibi pepas inun, dasibi jawen nun shinan chankantidu inun, dasibibu tsuada jawen pepawen kenwanmisbu inun, jaska tibi jatukidi shinan kayabikubainkanwen, jaskakin Dios benimawakinan.

2 Tesalonicenses 3:7

Jamen eadan, matube jiweyuxun jawa tidumakin matu daketapawama tsuabunda piti nun jamen pianma ikimaki. Jaskakin nukun jamapai ibubis bi badidi inun meshu medan dayachakayamai yumankin nun matu bikawama ikimaki. Matube jiwexun nun matu uinmaima keska ikubainkanwen, tsua jameen ea iki daketapamadan.

2 Timóteo 2:10

Jaskaken tsuabuda Diosun katunibu Jesucristo ikunwain pepai jau jatun chakabuwen Diosun jatu kupiama jatu paxawakin piskuma jau jawen kushipa ikibi ikanu jau janu jiwediaxanunbun natian ea jiweyuxun en jatu bika tenexunyuaii.

2 Timóteo 4:16

Jamen betsadan, ja dukun Roma xanen ibubu ninkamakin judiobun ea kunyan akaibun en chakabuma en jatu yuiaya tsuan kedabewai ea janchaxunama dakekin dasibi en jaibuaibun ea jenebainimabuki. Ea jaska wabiabainimabun jatun chakabuwen taexun jau Diosun jatu kupiyamaxanunwen.

Santiago 1:19

En betsabu inun en puibuun, en matuwen nuiaikididan, eskaki, shinaindakanwen. Jawada Diosun matu dasibi yusinkatsis ikai menan jawaida ninka peidawakubainkanwen. Jakia jawada yuii man janchakatsis ikai unanxubida jatu yuikanwen, jawa jatuki sinatamadan.