1 Coríntios 11:5 - Kashinawa : Diosun Jesúswen taexun yuba bena yiniki

⁵ Jakia ainbu betsandi jawen buxka mayabukuama Diosbe janchai kasmai Diosun jancha jatu yusinkinan, jawen bene duawama ichakawadiaikiki, jawen bu maxtekei keyua mankua nia keskakinan.

Kaxinawá Bíblia (BR)

⁵ Hakia aĩbu betsãri hawẽ bushka mayabukuama Deusbe hãtxai kasmai Deusũ hãtxa hatu yusĩkinã, hawẽ bene duawama itxakawariaikiki, hawẽ bu mashtekei keyua mãkua nia keskakinã.

1 Coríntios 11:5 Referencias Cruzadas

Lucas 2:36

Jamen betsadan, Israelin bake Aserin baba betsakidi mia yuinun ninkawe. Penuelin ainbu bake Ana chipash beneyaima 7 badi besti jabe jiwea jawen bene mawaniken janua beneuma 84 badi jiwekunkaini Diosun jawen jancha yunua jawenabu jatu yuixunmis Dioski mesei samakekin jau jawenabu medabewanun ika jawen kenwanti Templo jemaintin anua kaianma jatu Dios yukaxunkubainmis

Hechos 2:17

Dios chanii: ‘Ma badi jawen jenei kaya en Yushin Pepa yudabu anu en jatu yunua jatuki dasiken matun juni bakebu inun matun ainbu bakebun ekidi yusiainbun bedunanbu uxa keskaxun dami betsa betsapa uiainbun anibubu uxa ekidi namadiaxankanikiki.

Hechos 21:9

jawen ainbu bake dabe inun dabe beneyadiabuman Diosun jancha jatu yuidiakubainaibun

1 Coríntios 11:4

Jakia juni betsan jatun maiti mabikiama sawea Diosbe janchai kasmai Diosun jancha jatu yusinkinan, Cristo duawama ichakawaikiki.

1 Coríntios 11:6

Jaskawen taea mayabukukatsi ikamadan, jau maxtekei keyununbunwen. Jamen man dakei maxtekei keyukatsi ikamadan, bachi tuax ewapawen mayabukukubainkanwen.

1 Coríntios 14:34

juni yusinanbun yusinkin keyuaya junibun ninkatan yuka ikeakeaibun ja ichabu anua ainbuaibudi yuka ikatsis ibiai jau janchayamanunbunwen. Jawen benen mekeawen taea ainbuaibu jau pes tsaununbunwen, Diosun Moisés kenemakin jabiaskadi yununiwen taeadan.