1 Coríntios 11:20 - Kashinawa : Diosun Jesúswen taexun yuba bena yiniki

^20-21 Ikunwainbu ichaxun pibiakin yuda betsabun bebunkidi jabun piti bexun paxkama jawaida keyuaibun ja jabu piti eskadabes jaya buniaibun janua betsabu paenkin jaska tibi wakin nukun Xanen Ibu nuku mawaxuni shinanmati piti pinun, iwanan, man jaska shinanbetanan akamaki, jaska watimabiakenan.

Kaxinawá Bíblia (BR)

^20-21 Ikũwaĩbu itxashũ pibiakĩ yura betsabũ bebũkiri habũ piti beshũ pashkama hawaira keyuaibũ ha habu piti eskarabes haya buniaibũ hanua betsabu pãekĩ haska tibi wakĩ nukũ Shanẽ Ibu nuku mawashuni xinãmati piti pinũ, iwanã, mã haska xinãbetanã akamaki, haska watimabiakenã.

1 Coríntios 11:20 Referencias Cruzadas

Hechos 2:42

Januxun Jesúsun kushipayabun jatu yusiainbu jabun jatun yusian tapinkin chintuanma jawada jatun jamapai paxkai medabenain inun, ichaxun jatubetan Jesús jatu mawaxunima shinankin misi pikin inun, jabubetan Dios kushipa yukakubainibukiaki.

Hechos 2:46

Janua xaba tibi Templo jemaintin anuxun kushipa yukakin jiwe anuxundi ichaxun jawa chintuanma shinan chankanbetanan jatubetan pikin Jesús jatu mawaxunima shinanmati misi pikin

1 Coríntios 11:17

Na en matu kenexun bumaiwen matu ja akin chitenun ninkakanwen. Ikunwainbu betsabube ichatan pewama man jatu ichakawaiwen taexun en matu kenwanmaki.

1 Coríntios 11:19

Matunmebi paxkai man unantinankeakeaidan, jaskatimaki.

Hebreus 10:25

Ja inun, Diosun jancha tapin ichai jeneyamakubainankanwen, jaskai betsabu babui chintunkanikikidan. Jaskama betsabube medabenankatsis ikin jatu uinmakin jamakidi shinanbiabainaibun jatu beya wakin shinan chankanwankin jatu benimawakubainkanwen. Jatu jaska wakin ma Jesús ana jua kemai uinkatsidan, shinan chankanjaidai jatube ichai jeneyamakubainkanwen.

2 Pedro 2:13

Jabuan dukun yuda betsabu nuitapawashina jabuwen taexun Diosun jatu manakukin kupia nuitapajaidadiaxankanikiki. Jabu padananankin jabun shinain xabakabi jamapai chakabu aki: “Nun benimakunkainaii”, iki jiwexun man ikunwainbu beyusai anu matu nashui itan matube benimawanun ika man jawen dakeai jabun matu jusimakin atimapa tibi wakin matu dabinwanmisbuki.

Judas 1:12

Jaska inun, man Jesús chibainbu ichatan duanamekin man piaibun ja padanananmisbu dakei jawa dateama matube nashui itan pike bestikin tsua duawama benimanikapaikin matu dakewamisbuki. Jabu mekenikabia ibubis besti jawen yuda shinain mekemisbuki. Jabun yusianan, nai kuin juxupa nuyabainaya ui juama mai mechawaisma keskai jabu janchajaidakin yudabu medabewakin kushipa waisbumadiki. Ja inun, janu ni bimiyamisbutian ji betsa betsapa bimibiamisken jabu janchanwainbu ninkakin jawen medabewati ji bimiuma xanashina betsea keskai padanananmisbun tsua medabewaisbumaki.