SEKARIA 2:11 - BUKUIT NE TILIL

¹¹ Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

Bukuit Ne Tilil

¹¹ Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

BUKUIT NE TILIIL Sireet ne Dutero Kanon

¹¹ Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

SEKARIA 2:11 Referencias Cruzadas

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

KOMONG'U 12:49

Mi ng’atutiet agenge eng’ ne kigisikyin emeng’wong’, ak toondet ne rutochinok.

ISAIAH 45:14

Mwaei Jehovah ko u ni kole, Nyonjinin boisietab Misri, koboto tugukab mung’aretab Etiopia, ak Sabeik, bik che koen, ak bunjinin; isubun; bwanjinin ko ratotin; ak kobutyi kelyeguk, kosomin, kole, Iman mi Kamuktaindet koboten; ama mi age, mami Kamuktaindet age.

ISAIAH 48:16

Orikya, ogas ni; tom amwa kiy eng’ ung’ot koboch keny; kiami koboch agoi; kagoyokta anyun Kiptaiyat Jehovah, ak Tamirmiriennyi.

ISAIAH 52:10

Amu kigobarta Jehovah eunnyi ne tilil eng’ taitab bororiosiek tugul; ak keerei tabanwek tugul che bo ng’ony yetunetab Kamuktaindennyo.

ISAIAH 52:11

Oba, oba, omande eng’ oloto, amat otwa kiy ne ma tilil; omande eng’ kwenunnyi; otililitu, okwek che oibe tugukab Jehovah.

ISAIAH 66:19

Ak ande kaborunet kwenunywa, ak ayokte che chilildos eng’ ichek koba bororiosiek, koba Tarsis, Pul ak Lud, che ng’iei kwanget, agoi Tubal ak Jaban, agoi ngegusiek che looen, che tom kogas agobo kalosunennyu, anan kogeer torornatennyu; ak komwaita torornatennyu eng’ bororiosiek.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 50:8

Omwei eng’ Babulon, ak omande eng’ emetab Kaldeik, ak oige kwesik eng’ taitab akwotisiekab kechirek.

EZEKIEL 33:33

Ak ye biit kioto, (keero, nyonei,) konai anyun kole kimi maotiot kwenunywa.

MIKAH 4:2

Ak bendi bororiosiek che chang’ ak komwa kole, Obwa, ketogoste tulwetab Jehovah, ak kebe gotab Kamuktaindetab Jakobo; si konetech ortinwekyik, ak kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

SEKARIA 1:16

Mwaei anyun Jehovah ko u ni kole: Kaaweekyige Jerusalem arire; kiteechei gonnyu nganasanato, mwaei Jehovah ne bo lugosiek, ak kechuul borowet ne kikwaise, eng’ Jerusalem.

SEKARIA 2:5

Amu mwaei Jehovah kole, Aegu irimet ne bo mat eng’ komoswek tugul, ak aegu torornatet eng’ kwenunnyi.

SEKARIA 3:10

Mwaei Jehovah ne bo lugosiek, kole, Tun kuurei chi age tugul eng’ okwek chitab kokwennyi, eng’ betunoto, konyo kelutab ketitab sabibuk, ak ne bo mogoiywet.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

LUKA 2:32

Lapkeiyet ne bo ng’ang’utiet ne king’ang’jin Bororiosiek, Ak torornatetab biguk Israel.

JOHANA 17:21

si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa.

JOHANA 17:23

ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

JOHANA 17:25

Ee Baba ne bo imanda, kima kongenin ng’ony, ago kiangenin; ak kigonai chu kole, kiiyokwa;

POISYONIGAP CHE KIYOKTOI 28:28

Ingonaak anyun eng’ okwek, ole, kiyokyin yetunoni bo Jehovah Bororiosiek: kasei agichek.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.