NG'ANG'UTYET 9:1 - BUKUIT NE TILIL

¹ Ak kiguut malaikaiyatab mut, ak kiageer kecheiyat kobunu kipsengwet kobutyi ng’ony: ak kigigochi inendet yateiywot ne bo keringet ne maigoksei.

Bukuit Ne Tilil

¹ Ki kuut malaikaiyatap muut, ak ki ageer kecheiyat kobunu kipsengwet kobutyi ng'wony. Ak ki kigoochi ineendet yaateiwot ne po keriinget ne ma igoksei.

BUKUIT NE TILIIL Sireet ne Dutero Kanon

¹ Ki kuut malaikaiyatap muut, ak ki ageer kecheiyat kobunu kipsengwet kobutyi ng'wony. Ak ki kigoochi ineendet yaateiwot ne po keriinget ne ma igoksei.

NG'ANG'UTYET 9:1 Referencias Cruzadas

ISAIAH 14:12

Ha-a, kaibut eng’ kipsengwet, ee, inye, kecheiyatab bet, weritab karon! Ha-a, kagiebin ibut, inye ne kiinyerat bororiosiek!

LUKA 10:18

Ak kilenji, Kiageer Setani kochorugei eng’ kipsengwet ko u kalyelet.

LUKA 8:31

Ak kisom kole, si mang’at koba keringet ne matinyei ole bochin.

ROMANIK 10:7

Anan, Ng’o ne togostoi kipsengwet? (Noto ko komut Kristo kotogos eng’ che kibek.)

NG'ANG'UTYET 1:18

ak ko a ne Sobei; ak kiga amei, ak keero, asobe koigeny ak koigeny, ak atinye yateiywekab meet ak che bo oldab che kigobek.

NG'ANG'UTYET 1:20

ung’otietab kecheik tisab che kegeer eng’ eunnyu ne bo tai, ak kelyek tisab che bo taisiek che bo tahabu. Kecheichoto tisab ko malaikaisiekab kanisosiek tisab: ak kelyechoto tisab bo taisiek ko kanisosiek tisab.

NG'ANG'UTYET 11:7

Ak ye tun kagoges baornatenywa, koyai luget tiondo ne mong’une keringet ne maigoksei, ak koterter ichek, ak kobar ichek.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 20:1

Ak kiageer malaikaiyat kochorugei eng’ kipsengwet, kotinyei yateiywotab keringet ne maigoksei ak sirimdo ne o eng’ eunnyi.

NG'ANG'UTYET 20:10

Ak kigiwirji oindet ne kiiberber ichek araraitab mat ak koik che laldos, ole mitei agichek tiondo ak maotiot ne bo lembech; ak kinyalili bet ak kemoi agoi koigeny ak koigeny.

NG'ANG'UTYET 6:13

ak kotururjigei ng’ony kecheikab barak, ko u ye ibutos eng’ mogoiywet logoekyik, kotom korurio, ye itumdumi usonet ne o.

NG'ANG'UTYET 8:10

Ak kiguut malaikaiyatab somok, ak kirorok kecheiyat ne o eng’ kipsengwet, kolalei ko u tait, ak kiibutyi kebeberta agenge eng’ somok ne bo ainosiek, ak kondametusiekab beek;

NG'ANG'UTYET 8:12

Ak kiguut malaikaiyatab ang’wan, ak kigikwer kebeberta agenge eng’ somok ne bo asista, ak kebeberta agenge eng’ somok ne bo arawet, ak kebeberta agenge eng’ somok ne bo kecheik; si koimenit kebeberta agenge eng’ somok ne bo tuguchoto, ama iluu betut eng’ kebeberta agenge eng’ somok, ak koigei noto agine kemout.

NG'ANG'UTYET 8:2

Ak kiageer malaikaisiek tisab che kitonondos eng’ taitab Jehovah; ak kigigochi iriagok tisab.

NG'ANG'UTYET 9:2

Ak kiyat keringonoto; ak kitogosta iyeto komong’une keringonoto, ne u iyeto ne bo mat ne o mising’; ak koimenit asista ak soet amu iyetab keringonoto.