MALAKI 3:5 - BUKUIT NE TILIL

⁵ Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

Bukuit Ne Tilil

⁵ Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

BUKUIT NE TILIIL Sireet ne Dutero Kanon

⁵ Ak arikyok eng' kirwooget, ak achepchebi agoon paornateet agobo inyee aegu, arwookyi icheek che ma iywea: pooniik, che ibegei, piik che iyastos eng' lembechek, icheek che sastoe otwogindet ne kisirei eng' melektanyi, che sastoe kwony ne ki kosiirtoe manong'otyot ak ne ma tinyei sigiik, ak ne imaasi toondet, mwaei Kamuktaindet ne Toroor ne po lugoosyek.

MALAKI 3:5 Referencias Cruzadas

TAUNET 20:11

Ak kile Abraham, Kialen, mami olito iman kaiyweetab Kamuktaindet: ak, imuchi kobara amu kwondanyu.

TAUNET 42:18

Ak eng’ betutab somok kolenji Josep ichek, Oyai ko u ni, si osopche; amu aiywei Kamuktaindet:

NEEMIA 5:15

Ago kiigochi milet bik bounik che bo tai che kiindounena, ak kiibe ichek makatinik ak divaik, ko ma boto sekelisiek artam che bo feda; ee, kiboi agot otwogikwak bik: ago kima ayai anyun ko u noto, amu kaiyweisiet ne aiywei Kamuktaindet.

Kitabuutap JOB 31:12

Amu noto ko mat ne igesu agoi Ng’emisiet, Ak kotut ruratennyu tugul.

Kitabuutap JOB 7:2

Ko u otwogindet ne machei mising’ uruet, Ak ko u otwogindet ne igeni melektanyi:

TIENWOGIKAL 36:1

Mwaei yaitietab bistoindet eng’ muguleldanyu, kole, Mami kaiyweisietab Kamuktaindet eng’ konyekyik.

TIENWOGIKAL 81:8

Ogas, okwek bikyuk, si abaorianwok: Ee Israel, ndechame iepcha it!

TIENWOGIKAL 96:13

Eng’ taitab Jehovah, amu nyonei: Amu nyonei koruokyin ng’ony, Iruokyin ng’ony eng’ imanda, Ak koruokyin bik eng’ imandanyi.

TIENWOGIKAL 98:9

Eng’ taitab Jehovah, amu nyonei koruokyin ng’ony: Tun iruokyin ng’ony eng’ imanda, Ak koruokyi bik eng’ iman.

KOMONG'U 1:17

Ago kiiywei chebiosochato bo sigisio Kamuktaindet, ak kima yai ko u ye kiga mwachi laitoriatab Misri, ago kisor ng’etik kosopcho.

KOMONG'U 18:21

Nyolu kogeny ilewenote, eng’ bik tugul, bik che kimen, che iywei Kamuktaindet, bikab imanit, che wechei tugukab ng’wen, ak inde ichek koboi bik, koek bounikab elfusiek, ak che bo bogolwogik, ak che bo konomusiek, ak che bo tamanusiek:

KOMONG'U 20:7

Amemwa kainetab Jehovah Kamuktaindeng’ung’ eng’ tangoi; amu iityin Jehovah ng’ogisto ne mwaei kainennyi eng’ tangoi.

KOMONG'U 22:20

Chi age tugul ne eng’jin tiseiywot cheptalelit age tugul, ne ma Jehovah inendet, keng’emei kiwong’u.

KALEWANAIK 16:6

Kiundoi yaitiet eng’ rirenet ak iman: Ak istoegei bik yaitiet ye iywei Jehovah.

KALEWANAIK 8:13

Kaiyweisiet ne kiywei Jehovah ko kewech yaitio: Aweche menotet, ak kaeetetab ge, ak oret ne ya, Ak kutit ne imaasat.

ISAIAH 57:3

Ago origu okwek werikab chepsogeiyot, iyotetab chito ne yaei ibetab ge ak chepkugoniot.

JEREMIA 23:10

Amu nyiitat emet bik che yaei ibetab ge; amu rirei emet amu kayosiet; kigoyaam ole agete akwotisiek eng’ ong’atet; ya bandanywa, ak ma bo iman kimnatenywa.

JEREMIA 27:10

amu maotenwok lembeita, si koistook olooegitu eng’ emeng’wong’; kole si aonak olusye.

JEREMIA 27:9

Ago, amogas okwek maotikwok anan bikwok che ng’orsei anan karuotitaosiekwok anan kipsogeinik anan bonik, che ng’alalwok kolenjinok, Moote laitoriatab Babulon:

JEREMIA 29:23

amu kigoyai berberindo eng’ Israel, ak koyai ibetab ge ak osotikab bikab kokwenywa, ak kigomwa ng’alek che bo lembech eng’ kainennyu, che kima ang’at ichek; ak ko anendet ne angen, ak ko a baoriat, mwaei Jehovah.

JEREMIA 42:5

Kimwachi anyun ichek Jeremia kolenji, Ingoek Jehovah baoriat ne bo iman ak ko ne kiyani eng’ kwenunnyo, ngot ko magiyai ko u ng’olyot age tugul ne kaiyogunenen Jehovah Kamuktaindeng’ung’ iibwech.

JEREMIA 5:2

Agot ngo mwaei ichek kole, Ko u ye sobei Jehovah; koyostos iman eng’ lembechek.

JEREMIA 5:29

Tos manyone abire agobo tuguchuto? Mwaei Jehovah; tos mayaaktochinige mugetut eng’ bororiet ne u ni?

ATEPTAP LAWIK 19:13

Amesastae chitab kokweng’ung’, anan irebe kiy: amat inamdege melektab otwogindet kot koeech.

ATEPTAP LAWIK 20:10

Chito ne ibegei ak osotiotab chito age, agot ne ibegei ak osotiotab chitab kokwennyi, kibarei iman chichoto ak osotiondonoto.

ATEPTAP LAWIK 20:27

Kibarei iman ne boisie oik, ne muren anan ne kobogorio, anan ne bonin; lachei ichek bichoto eng’ koik: tebe korotikwak ichek.

ATEPTAP LAWIK 20:6

Ak aborjini neregekab togennyu chito ne mastoi kosubi ne boisie oik ak bonik, ne isubi koyaei ibetab ge koboto ichek, ak ang’etoi chichoto eng’ bikyik.

MIKAH 1:2

Ogas okwek bororiosiek, okwek tugul, oepchi it, ee ng’ony, ak tugul che mi oloto: ak ingoek Kiptaiyat Jehovah baoriat eng’ okwek, Kiptaiyat ne mi hekalunnyi ne tilil.

HABAKUK 1:12

Tos, mebo koigeny, inye, ee Jehovah Kamuktaindennyu, Inendet ne Tilil ne nenyu? Magibegu. Ee Jehovah, kiichopchi inendet kiruoget; ak ee inye Ruandet, kiigimit inendet si kobiit kitigon.

SEKARIA 11:12

Ak kialenji ichek, Ngot obwat ole mie, ogona melektanyu; ak ngo ma u noto, ko mat ogona. Kogerua anyun fedaisiek sosom koek melektanyu.

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MALAKI 2:14

Ago, omwae ole, Kalya? Amu kogoek Jehovah baoriat eng’ kwenung’wong’, inye ak osotiotab ming’inateng’ung’, ne kiiberber, nganda, inendet ko chamaneng’ung’, ak ko osotiotab kayomisutieng’ung’.

MALAKI 2:17

Kooiim Jehovah eng’ ng’alekwok. Ago omwae ole, Kigiime nee? Amu omwae ole, Mie age tugul eng’ taitab Jehovah ne yaei yaitiet ak koboiboitune bichoto: anan mi ano Kamuktaindet ne bo kiruoget?

LUKA 23:40

Ago kiwol age, ak koger kong’ kole, Meiywei Jehovah, agot inye, ak imi kagikyinonoto?

ROMANIK 3:8

Ak amu nee si magimwa (ko u ye kimwaitaenech ne ya, ak ko u ye iyani alage kole kimwae achek) kele, Ongeyai che yaach si kobiit kobwa che miach? Bo iman kiruogenywa.

NG'ATUTIK 15:13

Ak ye kaitiach, ko mat ingwo buch:

NG'ATUTIK 18:10

Amat kobiit eng’ okwek ne igoitoi werinnyi anan cheptanyi kobun mat, anan ne boisie ng’orset, anan kipsogeiyot, anan ne isogisiei, anan bonindet,

NG'ATUTIK 24:17

Amemaas kiruogetab toondet, anan ne matinyei kwanda; anan iname besendo ngorietab mosoget:

NG'ATUTIK 27:19

Chubot chi ne imaasi kiruogetab ne toondet, ak ne matinyei kwanda, ak mosoget. Ak kole bik tugul, Amen.

NG'ATUTIK 5:11

Amemwa kainetab Jehovah Kamuktaindeng’ung’ eng’ tangoi: amu iityin Jehovah ng’ogisto ne mwaei kainennyi eng’ tangoi.

1 THESSALONIKEK 4:6

amat koyai chi kachiliilut anan koyachi ne ya tupchennyi eng’ ng’olyondonito: amu Kiptaiyat yaaktaindetab mugetut eng’ tuguchuto tugul, ko u ye kisib kiteeiywok ak kebaorian.

HEBRANIK 13:4

Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.

JAKOBO 5:12

Ago ne siirei tuguk tugul, tupchosiekyuk, ko mat oyosie kipsengwet, anan ko ng’ony, anan ko eng’ kayosiet age tugul: ago ingoek ee neng’wong’, ee, ak ingoek achicha neng’wong’, achicha; si mobutyi kiruoget.

JAKOBO 5:4

Ogeero, boldos melekwekab kiboitinik che kigesei mbarenikwok, che kionamdege: ak kigochut itikab Kiptaiyatab Lugosiek rirekab ichek che kigesei.

NG'ANG'UTYET 21:8

Ago che iyweisiei, ak che maiyani, ak che kiwechei, ak rumik, ak che soksei, ak bonik, ak che saei kanamonik, ak kiplembechonik tugul, kotinyei kebebertanywa eng’ araraita ne lale mat ak koik che laldos; ne noto ko meet ne bo aeng’.

NG'ANG'UTYET 22:15

Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.