JOSHUA 23:16 - BUKUIT NE TILIL

¹⁶ Ye ongelelji kayomisetab Jehovah Kamuktaindeng’wong’, ne king’atak, ak obe oot kanamonik, ak ogutung’ji; kolalyo anyun neregekab Jehovah agobo okwek, ak obegu ochokyi, ochakte eng’ emoni kararan kigogonok inendet.

Bukuit Ne Tilil

¹⁶ “Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”

BUKUIT NE TILIIL Sireet ne Dutero Kanon

¹⁶ “Ngo ngelelji kayomisetap Kamuktaindet ne Toroor Kamuktaindeng'wong', ne king'ataak ak obe oot kanamonik ak ogutung'ji, kolaldos anyun nereegegap Kamuktaindet ne Toroor agobo okweek ak ochakte obegu, owong'ugei eng' emoni karaaran kigogoonok ineendet.”

JOSHUA 23:16 Referencias Cruzadas

1 LAITORINIK 14:15

Kong’eete nguno kobarei Jehovah Israel, ko u ye kitumdumi morong’iot eng’ beek; ak kotut Israel eng’ emoni kararan, ne kiigochi kwanisiekwak, ak koseer kosiir Ainet bitonin; amu kiyachigei Aserik, kotach Jehovah.

1 LAITORINIK 9:6

Ago ngot omaste ko mata osuba, okwek anan lagokwok, amorib ng’atutikyuk ak etanutikyuk, che kiande taing’wong’, ago ngot obe oot kanamonik, ogutung’ji:

1 LAITORINIK 9:7

ang’etoi Israel anyun eng’ emet ne kiagochi; ak goi kiatilil agobo kainennyu, aistoi eng’ tainnyu; si koek Israel kalewenet ak atindiot eng’ bik tugul:

2 LAITORINIK 17:7

Ak kiyaak ko u noto, amu kiga yachi lagokab Israel tengekto Jehovah Kamuktaindenywa, ne kiimutu ichek komong’ eng’ emetab Misri, komong’une eutab Parao laitoriatab Misri, ak kiga koiywei kanamonik,

2 LAITORINIK 24:20

Amu kibiitune tuguchoto neregekab Jehovah eng’ Jerusalem ak Juda, kot kotimda ichek koba eng’ tainnyi: ak kiingelelji Sedekia laitoriatab Babulon.

ISAIAH 24:5

Kigimuruon ng’ony amu bik che menyei; amu kigobistoe ng’atutik, kigowal kiruogutik, kigobut kayomiset ne bo koigeny.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 32:24

Ogeero karurugutikab ng’ung’unyek ole bunu bik kobwanei koluulei nganasani; ak kagigochi nganasani eutab Kaldeik che baregei ak nganasanato, amu rotwetab chok, ak rubet, ak koroito: ak kagosulda noto kiimwa; ak keero, igeere noto.

KAITOSYEK 33:56

Ak tun ayaiywok ko u ye kiabwati ale ayachjini ichek.

NG'ATUTIK 17:3

ak kwo koot kanamonik, kogutung’ji, anan asista, anan arawet, anan age tugul ne bo chang’indab kipsengwet, ne ma ang’at;

NG'ATUTIK 28:15

Ago ngo meepchi it kutitab Jehovah Kamuktaindeng’ung’, irib iyai ng’atutikyik tugul ak konetisiosiekyik che ang’atin rani; kobwanjin koityin anyun chubisiosiechu tugul.

NG'ATUTIK 6:15

amu tinyei ng’etkong’ Jehovah Kamuktaindeng’ung’ ne mi kwenung’ung’; si malalyo neregekab Jehovah Kamuktaindeng’ung’ eng’ inye, ak kowong’un eng’ ng’ony.

KIRUOGIK 2:14

Ak kilalyo neregekab Jehovah agobo Israel, ak kiinde ichek eunekab bik che kiluul ichek, ak kialdochi ichek eunekab bunikwak che kimenyei komoswekwak, kot ko kima kota komuchi kotononso eng’ tait ab bunikwak.

KIRUOGIK 2:20

Ak kilalyo neregekab Jehovah agobo Israel ak kimwa kole, Amu kigobistoe bororioni kayomisennyu ne kiang’at kwanisiekwak, ama kas it kutinnyu;

1 SAMUEL 12:25

Ago ngot ko ta oyai yaitiet, kigeswok, okwek ak laitoriandeng’wong’.