JOSHUA 23:12 - BUKUIT NE TILIL

¹² Amu ngot ochuchuige obe let eng’ kiy age tugul, ak onamge ak bororiosiechuto king’et, chuto king’et eng’ kwenung’wong’, ak otunge ak ichek, ak obe ole mi: ak kobwa ole omi:

Bukuit Ne Tilil

¹² Amu ngot ochuchuigei obe let eng' kiy age tugul ak onamge ak pororyosyechuuto ki ng'et eng' kwenung'wong', otunge ak icheek ak obe ole mi ak kobwa ole omi,

BUKUIT NE TILIIL Sireet ne Dutero Kanon

¹² Amu ngot ochuchuigei obe let eng' kiy age tugul ak onamge ak pororyosyechuuto ki ng'et eng' kwenung'wong', otunge ak icheek ak obe ole mi ak kobwa ole omi,

JOSHUA 23:12 Referencias Cruzadas

TAUNET 2:24

Amu noto anyun, bagaktoi mureno kwandanyi ak kamennyi, ak konamgei ak kwondanyi; ak koek ichek borto agenge.

TAUNET 34:3

Ak kicham muguleldanyi Dina cheptab Jakobo, kicham cheboto ak king’alalji inendet kogaigai.

1 LAITORINIK 11:2

che bo bororiosiek che kilenji Jehovah lagokab Israel, Amochut ichek, anan kochutok: amu imaasi ichek mugulelwekwok kosub kanamonikwak: kinamgei Solomon ak chuto kochamnyo.

1 LAITORINIK 11:4

Amu kingoosit Solomon, komaas osotikyik muguleldanyi kosub kanamonikwak, ak kima kogesunotgei eng’ Jehovah Kamuktaindennyi, ko u kit ne ki u muguleldab Daudi kwandanyi.

TIENWOGIKAL 125:5

Ago ichek che mastoi kosubi ortinwekwak che kunuren, Koonei Jehovah ichek koboto yaikab tengekto. Ingotebe kalyet Israel.

TIENWOGIKAL 36:3

Ng’alekab kutinnyi ko tengekto ak ng’alset: Ma komage kiy kong’omit anan koyai ne mie.

ISAIAH 1:4

Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

EZEKIEL 18:24

Ago ye week ne bo iman kometo imandanyi, ak koyai tengekto, ak koyai ko u tuguk tugul che kiwechei che yaei chito ne ya, ko tos sob? Magibwati agot agenge eng’ boisionikyik che bo iman che kigoyai: meei amu kachililutiennyi ne kigoyai, ak amu tengektanyi ne kigoyai.

SEPANIA 1:6

ak ichek che kiweek kometo Jehovah; koboto ichek che ma cheng’ Jehovah, anan koteepse inendet.

MATAYO 12:45

Kwo anyun komut tamirmirik alak tisab che yaach kosiir inendet, ak kochut ak komeny oloto: ak eng’ let koyaitu atebetab chichoto kosiir ne ki bo tai. Egu ko u noto agine eng’ ibini ya.

JOHANA 6:66

Koboch yoto kochuchuigei che chang’ che bo alamalyennyi, amata kobendat ak inendet.

ROMANIK 12:9

Ingoek chamnyet ne matinyei ng’alset. Wech mising’ noto ya; onamge ak ne mie.

NG'ATUTIK 6:15

amu tinyei ng’etkong’ Jehovah Kamuktaindeng’ung’ ne mi kwenung’ung’; si malalyo neregekab Jehovah Kamuktaindeng’ung’ eng’ inye, ak kowong’un eng’ ng’ony.

NG'ATUTIK 7:3

anan ogan ge; amegochi cheptang’ung’ werinnyi, anan itunji wering’ung’ cheptanyi.

NG'ATUTIK 7:4

Amu tun imaasi wering’ung’ si maisuba, ak koot kanamonik: eng’ noto anyun kolalyo neregekab Jehovah eng’ okwek, ak kong’emin kochokyin.

JOSHUA 23:11

Oripge anyun mising’ si ocham Jehovah Kamuktaindeng’wong’.

1 JOHANA 2:9

Inendet ne mwaei kole mi eng’ lapkeiyet, ak kowechei ne tupcho, komi eng’ mesundeito agoi nguno.

KIRUOGIK 14:3

Yeityo kolenji kwandanyi ak kamennyi, Tos mami chepto eng’ tibikab tupchosieguk, agot eng’ bikyuk tugul, kot iwe kitun ne bo Pilistik che ma kimuratan? Ak kilenji Samson kwandanyi, Omutwa; amu achame kot.

KIRUOGIK 3:6

ak kiimut tibikwak koek osotikwak, ak kiigochi tibikwak werikwak, ak kiot kanamonikwak.