JOSHUA 23:10 - BUKUIT NE TILIL

¹⁰ Onei chito agenge eng’ okwek elfut, amu Jehovah Kamuktaindeng’wong’ ne yaei luget agobo okwek, ko u ye kimwawok.

Bukuit Ne Tilil

¹⁰ Oone chiito agenge eng' okweek eliphuut amu Kamuktaindet ne Toroor Kamuktaindeng'wong' ne yaei lugeet agobo okweek ko uu ye kimwaiwok.

BUKUIT NE TILIIL Sireet ne Dutero Kanon

¹⁰ Oone chiito agenge eng' okweek eliphuut amu Kamuktaindet ne Toroor Kamuktaindeng'wong' ne yaei lugeet agobo okweek ko uu ye kimwaiwok.

JOSHUA 23:10 Referencias Cruzadas

2 SAMUEL 23:8

Chu ko kainaikab murenik che nyigonen che kitinyei Daudi: Joseb-basebet Takemonindet, ne o eng’ kiptainik; inendet ko ki Adino Esnindet, kibar bik bogol sisiit eng’ betunak.

1 ATEPTAP PEETUUSYEK 5:20

Ak kigitoret kobargei ak icheget, ak kiginde Hagrik eunekwak, koboto tugul che kimi koboto bichoto: amu kirirji Kamuktaindet komi luget, ak kigasyi inendet ichek; amu kiimang’ inendet.

1 ATEPTAP PEETUUSYEK 5:22

Amu kigibar che chang’, amu ki bo luget Kamuktaindet. Ak kimeng’is eng’ oloto kogeer ichek kot koit betut ne kigiluule.

TIENWOGIKAL 35:1

Obarege, ee Jehovah, ak icheget che kibarege: Yai luget ak icheget che yaiywa luget.

TIENWOGIKAL 46:7

Mi kobotech Jehovah ne bo lugosiek: Ole kimwechini Kamuktaindetab Jakobo.

KOMONG'U 14:14

Yaei Jehovah inendet luget agobo okwek; osisie okwek.

ISAIAH 30:17

Mwee elfut agenge keretab kong’ ne bo agenge; omwee keretab kong’ ne bo mut: agoi kebagaktak oige ketit ne koi ne mi tulwet barak, oige songoliet ne mi tulwet barak.

ATEPTAP LAWIK 26:7

Ak oon bunikwok, ak kobutyo eng’ taing’wong’ eng’ rotwetab chok.

ATEPTAP LAWIK 26:8

Ak koon bikwok mutu bik bogol, ak koon bikwok bogolu elfusiek taman: ak kobutyo eng’ rotwetab chok eng’ taing’wong’ bunikwok.

SEKARIA 12:8

Ribei Jehovah eng’ betunoto bik che menyei Jerusalem; ak koigei ne nyalulat eng’ ichek Daudi eng’ betunoto; ak koigei gotab Daudi Kamuktaindet, ko u malaikaiyatab Jehovah ne mi tainywa.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

NG'ATUTIK 20:3

ak kolenji ichek, Ogaso, ee Israel, korikyi rani luget obarge ak bounikwok: amogochi mugulelwekwok kotanuiso; amoiywei anan orukrugense, among’ komuok bichoto;

NG'ATUTIK 20:4

amu wendi kobotok Jehovah Kamuktaindeng’wong’, koyai boriet agobo okwek, eng’ bunikwok, kosoruok:

NG'ATUTIK 28:7

Igoitoi Jehovah buniguk che ng’eetyinin kiterter eng’ taing’ung’: ibokyinin eng’ oret agenge, ago mwee ortinwek tisab eng’ taing’ung’.

NG'ATUTIK 3:22

Amoiywei ichek; amu Jehovah Kamuktaindeng’wong’ ne yaei luget agobo okwek.

NG'ATUTIK 32:20

Ak kile, Aung’e togennyu, Ageere ole teptoi kagesunenywa: Amu ichek ibinda ne imaasat mising’. Lagok che matinyei kayanet.

NG'ATUTIK 32:30

Kotos imuktoi ano koon chichage elfut, Ak koon aeng’ elfusiek taman, Nda kima alda Ruandenywa ichek, Ak kogoito Jehovah ichek?

JOSHUA 10:42

Ak kinam Josua laitorinichoto tugul, ak emotinwekwak eng’ betusiechoto, amu kiyai Jehovah, Kamuktaindetab Israel, luget agobo Israel.

JOSHUA 23:11

Oripge anyun mising’ si ocham Jehovah Kamuktaindeng’wong’.

JOSHUA 23:3

ak kiogeer tuguk tugul che kigoyachi Jehovah Kamuktaindeng’wong’ bororiosiechu tugul amu okwek; amu Jehovah Kamuktaindeng’wong’, inendet ne kiyai luget agobo okwek.

KIRUOGIK 15:15

Kinyor anyun kowetab tagilgilietab sigiriet ne tom koyaam, ak kiinem, ak kobare bik elfut.

KIRUOGIK 3:31

Kingobata inendet kobiit Samgar weritab Anat, ne kibar murenik bogol lo che bo Pilistik eng’ kiblitwet: ak kisor agine Israel.

1 SAMUEL 14:6

Ak kilenji Jonatan neranet ne kiipchin karikyik che bo luget, Nyo kelande kebe ole mi lugetab chu ma kimuratan: abere imuchi kotoretech Jehovah: amu mami kiy ne ete Jehovah kosor eng’ che chang’ anan ko eng’ che ng’ering’.