JEREMIA 44:4 - BUKUIT NE TILIL

⁴ Ago kiayokwok otwogikyuk tugul, che maotik, ang’eete karon mising’ ak ayogu, alenjinok, Bwa, amat oyai kiito samis ne aweche.

Bukuit Ne Tilil

⁴ Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

BUKUIT NE TILIIL Sireet ne Dutero Kanon

⁴ Ago ki ayookwok otwogikyuk tugul, che maotik, ang'eete karon miising' ak ayoogu, aleenjinok, “Amat oyai kiito samis ne aweche.”

JEREMIA 44:4 Referencias Cruzadas

2 ATEPTAP PEETUUSYEK 36:15

Ak kiiyoktoi Jehovah, Kamuktaindetab kwanisiekwak, bikyik, komusta koba ole mi ichek; amu kirire bikyik, ak ole menyei inendet.

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

NEEMIA 9:34

ama rib Ng’atutieng’ung’ laitorinikyok, koboto bounikyok, tisiikyok, anan kwanisiekyok, ama kas it ng’atutiguk ak baornatosieguk, che kiibaorian agobo ichek.

JEREMIA 16:18

Ak ayaaktochini korok yaitienywa ak tengektanywa konyil aeng’; amu kigong’wanit ichek emennyu eng’ muswekab tugukwak che samis, ak kigonyiit borotennyu tugukwak che kiwechei.

JEREMIA 26:5

ogas ng’alekab otwogikyuk maotik, che ayokwok, ang’eete karon mising’ ak ayokwok, ago kima ogas;

JEREMIA 29:19

amu ma kas ng’alekyuk, mwaei Jehovah, che kiayoktochine ichek otwogikyuk maotik, ang’eete karon mising’ ak ayokte ichek; ago ma ocham ogas, mwaei Jehovah.

JEREMIA 32:33

Ak kigotuktocha batai, ama keera: ak nganda kianet ichek, ang’eete karon mising’ ak aneti, ko ma epchi it si kotaach konetisiet.

JEREMIA 32:34

Ago kiinde tugukwak che kiwechei, got ne kimwaitoe kainennyu, kong’wanit.

JEREMIA 32:35

Ak kiteech komoswek che tororen che bo Baal, che mi atebwetab weritab Hinom, si kogoito werikwak ak tibikwak kobun mat kogochi Molek; ne kima ang’at, ama kuura met, ale si kobiit koyai kii kiwechei; ak kogochi Juda koyai tengekto.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

JEREMIA 7:17

Tos megeere tuguk che yaei eng’ nganasokab Juda ak eng’ ortinwekab Jerusalem?

JEREMIA 7:18

Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

JEREMIA 7:25

Koboch betut ne kimong’ kwanisiekwok eng’ emetab Misri agoi rani, ko kiayokwok otwogikyuk tugul che maotik ang’eete kotugul karon ak ayogu ichek:

EZEKIEL 16:36

Mwaei Kiptaiyat Jehovah ko u ni kole, Amu kigirong’ simdang’ung’, ak keng’anyin kegeerin imi ach ngor eng’ kugoinatosieguk che kiiyai ak chamaniguk; ak amu kanamonik tugul che bo tuguguk che kiwechei, ak agobo korotikab lagoguk che kiigochi ichek;

EZEKIEL 16:47

Ago ma isub ortinwekwak, anan isub iyai tugukwak che kiwechei; ago, nda ki kit ne ming’in noto, ko kiiyaitu inye kosiir ichek eng’ ortinweguk tugul.

EZEKIEL 18:31

Omete bistaosiekwok tugul che kigogonok obistoe; ak ochopchige muguleldo ne leel ak tamirmiriet ne leel: amu nee si obegu, ee gotab Israel?

EZEKIEL 8:10

Kiawe anyun orit, ak ageer, ak ogeero, kimi itondab age tugul ne bo tiong’ik che ichuutegei, ak tiong’ik che kiwechei, ak kanamonik tugul che bo gotab Israel, che kigisirji itonwekwak totet komoswekwak tugul.

DANIEL 9:6

ama kigas it otwogiguk maotik, che king’alalji eng’ kaineng’ung’ laitorinikyok, bounikyok ak kwanisiekyok, ak bik tugul che bo emet.

SEKARIA 7:7

Tos manyoljok ogas ng’alek che kimwa Jehovah eng’ maotik che bo tai, ye kigimenyei Jerusalem, ak komi berurto, ak nganasokyik che mi komoswekyik tugul, ak ye kigimenyei Murot ne bo Tai ak soito?

1 PETERO 4:3

Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik: