JEREMIA 23:5 - BUKUIT NE TILIL

⁵ Ogeero, bwanei betusiek, mwaei Jehovah, che ang’eetyini Daudi Temet ne bo iman, ak kolaitoran ko laitoriat, ak kobois eng’ ng’omnatet, ak koyai kiruoget ak imanda eng’ emet.

Bukuit Ne Tilil

⁵ Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

BUKUIT NE TILIIL Sireet ne Dutero Kanon

⁵ Ogeero, pwoonei peetuusyek, mwaei Kamuktaindet ne Toroor, che ang'eetyini Daudi Temet ne po iman, ak kolaitoran ko laitoryat, ak kobois eng' ng'omnateet, ak koyai kirwooget ak imanda eng' emet.

JEREMIA 23:5 Referencias Cruzadas

2 SAMUEL 23:3

Kile Kamuktaindetab Israel, King’alalwa Ruandetab Israel kole: Inendet ne bou bik eng’ imanda, Ne bou eng’ kaiyweisietab Kamuktaindet,

TIENWOGIKAL 45:4

Ak iwendote eng’ etunateng’ung’ eng’ kaberuret, Amu imanit ak kaming’inetab ge ak imanda: Ak inetin eung’ung’ ne bo tai boisiosiek che imuisei.

TIENWOGIKAL 80:15

Ak ketit ne kiimine eung’ung’ ne bo tai, Ak temet ne kiigimityige.

TIENWOGIKAL 99:4

Chamei kimnatetab laitoriat kiruoget; Igimiti imanda, Iyae kiruoget ak imanda eng’ Jakobo.

ISAIAH 33:5

Toror Jehovah; amu menyei barak; kigonyiit Sion kiruoget ak imanda.

ISAIAH 4:2

Kororonitu ak kotororitu eng’ betunoto temetab Jehovah, ak ko telunotin ak ko kororon logoekab emet eng’ ichek che kichililso eng’ Israel.

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 45:24

Lenjina age, Mi eng’ Jehovah inegei imanda ak kimnatet: bwanjin bik inendet, ak kolilandos ichek tugul che kinerekyi inendet.

ISAIAH 52:13

Ogeero, boisie otwogindennyu ng’omnatet, kieeti ak kitorori, ak kotororit mising’.

ISAIAH 53:10

Ago kicham Jehovah koguoten inendet; kiigochi arogenet; ye tun iyai sobondanyi koek kagochinet agobo tengekto, tun keerei iyotennyi, tun tesei betusiekyik, ak kotesak chametab Jehovah eng’ eunnyi.

ISAIAH 53:2

Amu tun eetu eng’ tainnyi ko u ketit ne ng’arng’ar, ak eetu ko u tigitiot eng’ emet ne yaamat: matinyei iton anan kororonindo; ak ye kigeere inendet ko mami korornindo kot kecham.

ISAIAH 9:5

Amu kibeelei karik tugul che bo chitab luget eng’ wasetab ge, ak ngoroik che kiisegei korotik, koek che laldos.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

JEREMIA 22:15

Tos ilaitoran, amu igiilige ibelisie eng’ taragonik? Tos kima amis kwandang’ung’ ak koeeiso, ak koyai kiruoget ak iman? Kimieit anyun eng’ inendet.

JEREMIA 22:3

Mwaei Jehovah ko u ni kole: Oyai okwek kiruoget ak imanda, ak osoru ne kigiluul komong’ eng’ eutab usindet: amat oyai ne ya, anan koromnatet, oyachi toondet, anan ne matinyei kwanda, anan mosoget, amotumde korotik che matinyei tengek, eng’ olito.

JEREMIA 22:30

Mwaei Jehovah ko u ni kole, Osir chichi ole matinyei lakwa, chito ne maborei eng’ betusiekyik: amu maborei chi ne bo iyotennyi, ne tebe ng’echeretab laitornatet ne bo Daudi, ak koboi kogeny eng’ Juda.

JEREMIA 23:6

Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 30:9

Ago otei Jehovah Kamuktaindenywa, ak Daudi laitoriandenywa, ne ang’eetyini ichek.

JEREMIA 31:27

Ogeero, bwanei betusiek, mwaei Jehovah, che agoljini gotab Israel ak gotab Juda iyotetab chi ak iyotetab tiony.

EZEKIEL 21:27

Agabui, agabui, agabui; ma kobiitu noto kogeny, kot konyo ne nyoljin kobunji; si agochi inendet.

EZEKIEL 34:16

Acheng’e ne kibet, ak amutu kogeny ne kigion, ak arob ne kiil, ak agimit ne kimiani: ak abar ne nerat koboto ne kim: abae ichek kiruoget.

EZEKIEL 34:29

Ak achopchi ichek mbaret ne toogunot, ama kobarei rubet ichek eng’ emet, ama koiboti kalilanet ne bunu bororiosiek.

EZEKIEL 45:8

Bunjin inendet emonoto eng’ Israel: ama kousei kogeny bounikyuk bikyuk; ago igochin emet gotab Israel kobee bororiosiekwak.

DANIEL 9:24

Kaging’atyi biguk wigisiek tamanwogik tisab koboto nganaseng’ung’ ne tilil, si kiges bistoet, ak kiges tengekwogik, ak keyai katuiyet agobo tengekto, ak keib imanda ne bo koigeny, ak keng’och ng’ang’utiet ak maoinatet, ak kiil, kitaban ole tilil mising’.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

AMOS 9:11

Ang’eeti eng’ betunoto emaitab Daudi ne kigobut, ak agerate ole kibutok; ak atuuru karatwekyik, ak ateech koigei ne ki bo betusiek che bo keny.

MIKAH 5:3

Igoitoi anyun inendet ichek kot koit betut ne sigisiei inendet ne tinyei ng’wanindo: tun weekyingei anyun che king’et che bo tupchosiekyik, lagokab Israel.

SEKARIA 3:8

Kas anyun nguno, ee Josua tisiindet ne o, inye koboto choronoguk che ibuuri eng’ taing’ung’; amu kaborunet bichoto: amu, keero, amutu otwogindennyu ne Temet.

SEKARIA 9:9

Baibaitu mising’, ee cheptab Sion; waach, ee cheptab Jerusalem: keero, nyonjinin laitoriandeng’ung’: bo iman inendet, ak kotinyei yetunet; iming’inegei, ak kolong’onu sigiriet, moitab sigiriet ne kirgit.

MATAYO 2:2

koteeboti kole, Mi ano inendet laitoriatab Yahudik ne kigesich? Amu kigigeer kecheiyandennyi eng’ kong’asis, ak kagibwa kilosu inendet.

JOHANA 1:45

Kinyor Pilipu Natanael, ak kolenji, Kagenyoru inendet, ne kisir Musa eng’ Ng’atutiet, ak maotik, Jesu ne bo Nasaret, weritab Josep.

JOHANA 1:49

Kowolji Natanael kole, Rabbi, i Weritab Jehovah; i Laitoriatab Israel.

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

HEBRANIK 8:8

Amu ye kingonyorji lelutik ichek, komwa kole, Ogeero, mwaei Kiptaiyat kole, bwanei betusiek, Che tun kiyomisyinige kayomiset ne leel ak gotab Israel ak gotab Juda;

NG'ANG'UTYET 19:11

Ak kiageer koyatak kipsengwet, ak ogeero, mbartanyit ne leel, ak inendet ne kitebe, ko kigiguure Ne Kiyani ak ko Iman; ak koruochi ak koyaei luget eng’ imanda.